Rezistenca paqësore e PS degjeneron në akte dhune
Në ditën e dytë të grevës së urisë së 22 deputetëve të grupit parlamentar socialist dhe rreth 180 militantëve të kësaj force politike, kryesocialisti Rama ka lajmëruar se rezistenca do të vijojë pambarimisht deri në përmbushjen e kërkesës së tyre. Duke folur përpara turmës së protestuesve Rama ka deklaruar se protesta do të përshkallëzohet në të gjithë Shqipërinë. Por fjala e tij duket se i dha fund tubimit në Tiranë, pasi lajmëroi rikthim të protestuesve në një moment tjetër, të cilin ai nuk e bëri të ditur.
Kreu i Selisë Rozë ka vizituar dhe grevistët e urisë, por nuk ka pranuar t’u përgjigjet pyetjeve të gazetarëve, nëse ka marrë mesazhe nga ndërkombëtarët ne lidhje me grevën e urise dhe rezistencën paqësore, siç e ka quajtur ai protestën. Por rezitenca paqësore e socialistëve ka degjeneruar në akte dhune ndaj policisë e qytetarëve të thjeshtë.
Dhe reagimi i tyre duket se nuk është rastësi e sporadik, duke parë edhe nxitjen e disa deputetëve socialistë, të cilet, para njerëzve kanë hedhur parrulla, si “Ja vdekje, ja Liri”
Sajmir Tahiri "Ka ardhur koha e parrullës “Ja vdekje, Ja liri”
Militantët socialistë nuk janë mjaftuar me kaq, pasi i kanë vënë flakën edhe flamurit të NATO–s, pikërisht përballë tendave ku janë ngujuar grevistët e urisë.
E as kjo nuk duket çudi, për vetë faktin se socialistët protestuan edhe kur Shqipëria firmosi zyrtarisht anëtarësimin e saj në aleancën e Atlantikut të Veriut.
tv klan
Krijoni Kontakt