Katari njeh pavaresinë e Kosovës

[muslim_ks]

Konfirmohet njohja nga Katari

Kryeministri i Kosovës, Hashim Thaçi, ka thënë se i është konfirmuar njohja e Republikës së Kosovës si shtet i pavarur dhe sovran nga Katari.

Thaçi ka thënë se konfirmimin e ka marrë nga kryeministri dhe princi i këtij vendi, të cilët i kanë thënë se çështja e njohjes së pavarësisë është e kryer, ndërsa tani vetëm pritet që kjo çështje të formalizohet sipas procedurave që ka Katari.

Kryeministri ka thënë se pas Katarit, Kosovën do ta njohin shumë shpejtë edhe dy shtete tjera të atij rajoni, bëhet fjalë për Kuvajtin dhe Omanin.

Ky konfirmim vjen pikërisht pas vizitës që kryeministri Thaçi i bëri vendit arab. /Telegrafi/

[muslim_ks]

Edhe Katari, po

Kryeministri Hashim Thaçi tha se i është konfirmuar njohja e pavarësisë së Kosovës nga Katari, ndërsa zyrtarizimi është çështje procedurash. Ai, po ashtu, pohoi se njohjet i pret edhe nga Kuvajti dhe Omani.

Kryeministrit Hashim Thaçi i është konfirmuar njohja e pavarësisë së Kosovës nga Princi i Katarit Sheik Abdullah bin Khalifa Al Thani. Ai ka deklaruar se vendimi zyrtar është çështje e procedurave formale që do të përmbyllen së shpejti.

Gjatë një interviste për Radio Televizionin e Kosovës, Kryeministri Thaçi pohoi se njohje për shtetin e ri së shpejti do të vijnë edhe nga Kuvajti dhe Omani.

“M'u konfirmua nga Kryeministri i Katarit dhe po ashtu edhe nga Princi se çështja e njohjes së pavarësisë është e kryer. Tani vetëm pritet që kjo çështje të formalizohet sipas procedurave që ka Katari”, ka thënë Thaçi.

Për vizitën e parë të delegacionit të Kosovës, Mbreti i Katarit ka shtruar një darkë, ka njoftuar Agjencia e lajmeve e Katarit QNA.

“Bisedimet gjatë takimit kishin të bëjnë me bashkëpunimin e përbashkët dhe mjetet për forcimin e këtij bashkëpunimi në shumë fusha. Një varg çështjesh tjera të interesit të ndërsjellë, rajonale dhe ndërkombëtare, po ashtu janë diskutuar”, ka raportuar QNA.

Sipas burimeve të RTK’së, pas Katarit, shtetin e Kosovës pritet ta njohin edhe disa vende tjera nga Gjiri Arabik.

Kryeministri Thaçi ka pasur takime edhe me Kryeministrin dhe Ministrin e Jashtëm të Katarit si dhe me ambasadorë të disa vendeve perëndimore në Doha.

Gjatë qëndrimit në Katar, kreu i Qeverisë së Kosovës ka vizituar të hënën muzeun e artë në kryeqytetin Doha.

Kryeministri Thaçi gjatë kësaj vizite u shoqërua nga Ambasadori i Kosovës në Arabinë Saudite, Rexhep Boja dhe këshilltarët e tij politikë.

Ambasadori Boja e ka vlerësuar vizitën e Thaçit në Katar si shumë të rëndësishme, sidomos në aspektin e lobimit.

“Besoj që posa të deklarohet Katari, Kosovën do ta njeh edhe Kuvajti dhe Omani”, ka thënë Boja për RTK.

Katari është vend arab në Lindjen e Mesme, me popullsi 77 për qind myslimane, ndër vendet më të pasura në botë, me rezerva të mëdha të naftës dhe gazit.

Nga Katari, Kryeministri Thaçi do të udhëtojë sot për në New York, për t’iu bashkuar delegacionit shtetëror të Kosovës, Presidentit Fatmir Sejdiu dhe Ministrit të Jashtëm, Skënder Hyseni. Atje do lobohet kundër rezolutës serbe dhe për njohje të reja për shtetin e ri. /express/

[Hyllien]

Shumë mirë. Këta zakonisht kanë sjellur dhe më tepër grante nga të gjithë në Shqipëri e jo vec objekte fetare. Akoma habitem se si OIC nuk e ka njohur komplet Kosovën. Eshtë e papajtueshme që këto vende bëjnë lojën e Rusisë dhe përdridhen nga Serbia.

71

[Mbinjeriu]

-Faleminderit Katar!
-Shprespjë të vijnë edhe njohje të reja për shtetin e Kosoves,sidomos presë nga ato Arabe.

[A.V.A.T.A.R]

shume falemenderit Katarit!!!!...do zoti te presim dhe njohje te reja ..

[muslim_ks]

Katari është shteti i 18 nga Organizata e Konferencës Islamike që e njeh Kosovën njëherit shteti i 9 nga Liga Arabe.
Me njohjet nga Kuvajti dhe Omani, shifra do te shkoj ne 20 nga OKI dhe 11 nga LA

[Llapi]