Dhenia e Aeroportit te Tiranes me koncesion

[dodoni]

Në selinë e BERZH-it në Londer prezantohet zhvillimi i Aeroportit "Nënë Tereza"


Tiranë, 24 Shkurt/ATSH-A.Gjonaj/-"Deloittte and Touche", si përfaqësuese dhe konsulente e Qeverisë Shqiptare në përgatitjen për dhënien me konçension të Aeroportit "Nënë Tereza", prezantoi këto ditë zhvillimin e tij në Londer, në selinë e Bankës Europiane për Ndërtim dhe Zhvillim (BERZH). Në këtë paraqitje, ku morren pjesë perfaqësues nga 18 kompani të huaja nga Anglia, Franca, Italia, Kanadaja, Austria, etj, ndodhej edhe një delegacion zyrtar shqiptar, i kryesuar nga zëvendësministri i Transporteve, Dhimitraq Rafti. Përfaqësuesit e "Deloitte and Touche" bënë një prezatim të hollësishëm të gjendjes aktuale të Aeroportit dhe prespektivës optimise në të, pas fillimit të investimeve nga kompania që do ta marrë me konçesion. Tenderi nderkombetar koncensionar për kete qëllim, do te zhvillohet në muajin Mars të këtij viti. Sipas burimeve zyrtare nga ministria e Transporteve, në prezantimin e Aeroportit, përfaqesues të 18 kompanive të huaja nga më të njohurat në sektorin aeroportual, u interesuan për të dhëna të tjera për Aeroportin e Rinasit, proçedurat e tenderit për dhënien e tij me konçesion si dhe situatën politike dhe ekonomike në Shqipëri. Zëvendesministri i Transporteve, Rafti u shpreh se, "Qeveria shqiptare e shikon si një nga prioritetet kryesore përmirësimin e infrastrukturës në Shqipëri dhe veçanërisht atë aeroportuale. Qëllimi i qeverisë është që të arrijë zhvillimin e kësaj pjese të rëndësishme të infrastrukturës duke e kombinuar me efiçensën e sektorit privat". Përfaqësuesit e BERZH-it vlerësuan pozitive dhe të favorshme situatën në Shqipëri, si dhe u shprehën për financime për pjesë të veçanta dhe në tërësi të projektit zhvillues të Aeroportit të Rinasit "Nënë Tereza", bënë të ditur burimet e mesipërme./a.gj/
2003-02-24



--------------------------------------------------------------------------------
Copyright © 2001 Albanian Telegraphic Agency! Inc. All rights reserved.
Pershendetje
Rrofshin Shqiptaret e Bashkuar dhe Shqiperia e Bashkuar

[dodoni]

Fillon faza e parë e tenderit për koncension e Aeroportit "Nënë Tereza"


TIRANE, 3 Mars/ATSH/.- Kompani të huaja shprehin interesin për marrjen me koncension të Aeroportit "Nënë Tereza" në Rinas. Zëdhënësi i Ministrisë së Transportit e Telekomunikacionit, Arben Duka, bëri të ditur se, sot (e Hënë) në ambjentet e Drejtorisë së Përgjithshme të Aviacionit Civil filloi faza e parë e tenderit për dhënien me koncension të Aeroportit "Nënë Tereza" në Rinas, që konsiston në pranimin e dokumentave të kompanive të interesuara. Sipas njoftimit për shtyp të zëdhënësit, interesi i kompanive të huaja për të marrë pjesë në këtë tender ishte mjaft i madh. Në fazën e parë u pranuan dokumentat e 16 kompanive të përfaqësuara në 9 grupe. Morën pjesë në këtë fazë kompani nga Franca, Italia, Gjermania, Austria, Turqia, Greqia, etj. Në fazën në vijim anëtarët e Komisionit të Tenderit për dhënien me koncension të Aeroportit "Nënë Tereza" do të njihen me përmbajtjen e dokumentave të pranuara sot, për të kualifikuar kompanitë që do të vazhdojnë konkurimin deri në shpalljen e fituesit. /d.k/
2003-03-03



--------------------------------------------------------------------------------
Copyright © 2001 Albanian Telegraphic Agency! Inc. All rights reserved.
Pershendetje
Rrofshin Shqiptaret e Bashkuar dhe Shqiperia e Bashkuar

[Tironcja---]

shyqyr....
sepse airoporti i Tiranes esht shum i vogel....edhe une per vete mendoj se airoposti i nji shteti esht pasqyra e tij, mbasi nji vizitor ate shikon si pamje te pare te ati vendit, edhe vallai megjithese e kon rregullu cik ate te tiranes...prap nuk esht 1/10 e nji airoposti tjeter si psh, milano, rome, london, new york, boston, zyrich etj etj

[Vinny_T]

Shume e drejte Tironcja! Sa here qe kam shkuar me miq te huaj ne Tirane gjeja e pare qe kane pare eshte normale ka qene aeroporti dhe jane çuditur qe shteti ka neglizhuar fare ambjentet e tij!
Sikur vetem 2 milione dollare te ishin investuar mund tja kishin ndryshuar komplet pamjen dhe do te ishte nje investim i frutshem marketingu per imazhin e vendit.
Kohet e fundit ka ndryshuar nje pjese e ambjenteve te areoportit dhe i ka dhene nje pamje me te kendeshme dhe pse i vogel.
Po nje gje me çudit kur aty, Prara ca kohesh qe isha ne Rinas sapo kishin mbaruar punimet ne sallen e pritjes , aty ku rekuperohen bagazhet dhe çdo gje ishte bere bukur, kishte rreth 1 muaj qe kishte mbaruar restaurimi i ambjenteve.
Me zuri rastesisht syri poshte ekraneve qe tregojne mbrritjen e avioneve per bagazhet qe kishte filluar ti hidhte ne toke lageshtira!!
Shume e çuditeshme qe ne shqiptaret nuk dikemi te izolojme muret nga lageshtira dhe gjithashtu teper e veshtire qe njerezit qe marrin ne dorrezim punimet pas tenderit te mos dine te verifikojne a eshte respektuar kontrata apo jo!! Te bjere suvaja 1 muaj pas punimeve eshte shume e egzagjeruar.
Le te shpresojme qe me koncesjon do te marre nje pamje tjeter e do te ndikoje pozitivish ne ndryshimin e imazhit te vendit tone.
Pershendetje

[ganoid]

Para disa ditesh ka qene ne Tirane nje kompani amerikane "Linkoln Martin" e cila ka hapur punimet per rregullimin e infrastuktures orientuese te kulles se aeroportit Nene Tereza (Rinasi).
Me kete permirsim te mjeteve elektronike ne kulle do te behet e mundur kalimi i nje nr me te madh avjonesh mbi hapesiren shqiptare. Per rrjedhoje do te kemi nje rritje te te ardhurave te ketij aeroporti.
Shpresoj qe keto rritje te ardhurash te shfrytezohen sa me mire per vete aeroportin.

Aeroporti eshte porta e nje shtepie e cila sa me e mire dhe komode te jete aq me shume respekt i imponon nje te huaji por edhe vet shqiptareve.
Aeroporti jone eshte nga te vetmit ne evrop deri diku dhe ai serb ne te cilat ja fut duhanit ku te duash per qejf dhe nuk te thote njeri plac. lol