Albanistan: Edi Rama i dhuron portin e Shëngjinit Italisë për të strehuar refugjatët afrikanë

[Albo]

Agjensia serioze “Reuters” për marrëveshjen Itali-Shqiperi për refugjatët afrikanë



Artikulli i plotë nga Reuters-

Italia do të ndërtojë në Shqipëri qendra pritje për emigrantët që përpiqen të dalin në breg, deklaroi sot kryeministrja Giorgia Meloni, e cila zbuloi një skemë të re në përpjekje për të ulur shifrat që janë thuajse dyfishuar vitin e shkuar. Meloni tha se qendrat shqiptare fillimisht do të strehojnë rreth 3000 persona kur të hapen në pranverën e vitit 2024. Ajo u shpreh se qeveria italiane më pas shpresonte të rriste kapacitetin për të menaxhuar 36,000 emigrantë në vit. Më shumë se 145,000 persona kanë dalë në brigjet italiane deri tani në vitin 2023, krahasuar me rreth 88,000 në të njëjtën periudhë në vitin 2022.

Administrata e Melonit ka ashpërsuar dënimet me burg për kontrabandistët e qenieve njerëzore dhe vendosi të rrisë numrin e qendrave të paraburgimit në të gjithë vendin për pritjen e emigrantëve para riatdhesimit të tyre të mundshëm. Partia e djathtë e djathtë e Melonit, ‘Vëllezërit e Italisë’, ka kërkuar prej kohësh që objekte të tilla të ngrihen jashtë Bashkimit Europian, duke propozuar Afrikën e Veriut, por asnjë vend nga ai rajon nuk e kishte pranuar.

“Unë e konsideroj këtë si një marrëveshje të vërtetë europiane dhe dua të them se tregon se është e mundur të punohet së bashku për menaxhimin e flukseve migratoree. Emigrantët do të qëndrojnë në këto qendra për kohën e nevojshme për të përpunuar shpejt kërkesat për azil dhe, nëse është e nevojshme, për riatdhesim,” tha Meloni gjatë një konference për shtyp me kryeministrin shqiptar Edi Rama. Më tej udhëheqësja italiane tha se të miturit, gratë shtatzëna dhe grupet e tjera që paraqesin rrezik shëndetësor nuk do të dërgoheshin në Shqipëri.

Janë zbuluar edhe disa detaje të tjera të projektit, përfshirë kostot. Një burim në zyrën e saj tha se qëllimi i planit ishte të parandalonte largimet e emigrantëve dhe trafikimin e qenieve njerëzore dhe do të zbatohej vetëm për migrantët e shpëtuar në det nga roja bregdetare ose marina italiane, jo nga grupet e bamirësisë. I njëjti burim mohoi se Italia do t’i paguante para Shqipërisë për qendrat.

Sakaq, Meloni tha se Italia do të ndërtojë një strukturë identifikimi të emigrantëve në portin shqiptar të Shëngjinit dhe një qendër riatdhesimi në brendësi. Të dy objektet do të funksionojnë nën juridiksionin italian, tha ajo.

Duke folur në italisht, kryeministri Rama tha se e ndien për detyrë të ndihmojë Romën falë marrëdhënieve të veçanta mes dy vendeve, që janë të lidhur edhe nga afërsia gjeografike dhe historia koloniale. “Të japësh dorën në këtë rast do të thotë të ndihmosh për të menaxhuar një situatë që të gjithë e shohin si të vështirë për Italinë”, tha Rama.

Vendet kryesore nga të cilat emigrantët kanë mbërritur në Itali në vitin 2023 janë Guinea, Bregu i Fildishtë dhe Tunizia, thonë të dhënat zyrtare. Plani i Romës i bën jehonë një përpjekjeje të qeverisë britanike për të dërguar mijëra azilkërkues në Ruandë. Ky plan është bllokuar në gjykata që në nisje të tij.

“Kjo është diçka tejet represive ndaj shtetasve të huaj që kanë një status të kategorisë më të ulët për lirinë personale, sepse ata nuk janë shtetas të Bashkimit Europian,” tha për Reuters Maurizio Veglio, avokat dhe ekspert për të drejtën e imigracionit.

Koha Jone

[Albo]

Rama i bën qokë Melonit/ Refugjatët e Italisë kampe në Shëngjin dhe Gjadër



Kryeministri Rama ka vendosur ti bëjë një qokë homologes së tij italiane të ekstremit të djathtë Georgia Meloni duke pranuar një marëveshje për importimin e emigrantëve. Duke e ditur se problemi më i madh i kryeministres kundër emigracionit është mbërritja e refugjatëve në vendin e saj, Rama ka marrë përsipër ta bëjë këtë në portin e Shëngjinit dhe në ish aeroportin e Gjadrit.

Pra një pjesë e atyre që ikin nga vendet e tyre me varka dhe mjete rrethanore për ta përfunduar në Itali dhe kapen në det nga marian italiane, mund të kenë si destinacion final Shqipërinë. “Këtë gjë vendi ynë mund të bëjë vetëm për Italinë” tha Rama gjatë një konference shtypi duke lënë të kuptohet se ky qe një nder i adresuar dhe jo një parim që mund të ndiqet me qeveri të tjera evropiane. Që kjo është një qoke e konfirmojnë edhe mediat italiane. Il Fatto Quptidiano nënvizonte se kjo marëveshje me Shqipërinë bëhet pasi Meloni dështoi prej një viti që Tuzizia të bëhej një vend pritës.

“Shqipëria do të japë disa zona të territorit”, ku Italia do të mund të krijojë “dy struktura” për menaxhimin e emigrantëve të paligjshëm: “ato fillimisht do të mund të strehojnë deri në tre mijë persona që do të qëndrojnë këtu për kohën për të. përpunojë kërkesat për azil dhe, ndoshta, për qëllime riatdhesimi”, tha Meloni e cila aspektin krejt te dyshimte të mërëveshjes e cilësoi si një “formë inovative”.

“Juridiksioni brenda këtyre qendrave do të jetë italian. Në portin e Shëngjinit do të kujdesen procedurat e zbarkimit dhe identifikimit, ndërsa në një zonë tjetër më të brendshme do të ndërtohet një strukturë tjetër e bazuar në modelin Kampeve të refugjatëve. Shqipëria bashkëpunon me forcat e saj policore me forcat e sigurisë dhe mbikëqyrjen e jashtme të strukturave” vazhdoi kryeministrja italiane.

Pravarësisht se dy kryeministrat nënshkruan një marëveshje para kamerave, ende nuk dihet se sa do të jetë numi i refugjatëve që do të pranojë Shqipëria (Meloni tha fillimisht 3 mijë) dhe cilat do të jenë kushtet e ardhjes së tyre. Në këtë pikë Meloni dhe Rama e lanë publikun në errësirë ndonëse folën para kamerave shumë gjëra të përgjithshme.

Më shumë se 145,000 emigrantë kanë hyrë në Itali këtë vit – 52,000 më tepër se e njëjta periudhë e 2021-shit.

Në prill, ministrat italianë shpallën ngjendje të jashtëzakonshme gjashtëmujore në përgjigje të rritjes së numrit të emigrantëve që kalojnë Mesdheun nga Afrika e Veriut.


Lapsi

[Albo]

Shqipëria si “modeli Ruanda”, Rama si Pol Kagame



Marëveshja e nënshkruar nga dy kryeministrat, ai shiptar dhe ajo italiane, për të pritur në Shëngjin dhe në ish aeroportin e Gjadrit refugjatët që nuk do ti pranojë Italia, e zbret vendin tonë në kategorinë e një republike bananesh. Pavarësisht se gjatë konferencës së nënshkrimit të protokollit, Edi Rama foli për borxhet që i kemi Italisë dhe detyrimit që na lind nga aspirata për të aderuar në BE, të gjitha këto janë argumenta të dobët për të fshehur një të vërtetë të madhe. Po dhurohen territore shqiptare, për nderet personale të një kryeministri që nuk jep më llogari askund.

Faktet e tregojnë hapur se kjo është një “qokë” për Georgia Melonin. Shefja e ekzekutivit të gadishullit Apenin, që erdhi në pushtet me kartën anti emigracion, po dështonte në sy të publikut të saj përballë flukseve të pandalshme që zbarkonin në Lampeduza. Jo rrallë herë, vetë Meloni është shfaqur në media për të dhënë alarmin se valët emigrantëve të këtij viti janë të pa përballueshme dhe se Italia është e paaftë ti presë ato.

Më pas ajo shtyu dhe shpresoi shumë në një marëveshje mes BE dhe Tunizisë, që do ti jepte këtij shteti të Afrikës veriore, 127 milionë euro në këmbim të frenimit valëve me rëfugjatë. Kur edhe ky propozim nuk u pranua nga Tunizi, pozicioni i qeverisë së ekstermit të djathtë italian u përkeqësua. Meloni e vuri këtë shtator theksin e fjalimit të saj në OKB, te lufta ndaj trafiqeve klandestine dhe mendohet se nga ky moment ka filluar të hedhi sytë nga Shqipëria.

Kur shefja e qeverisë italiane ishte ende në Kombet e Bashkuara, mediat e vendit të saj folën për një takim surprizë me presidentin ruandez, Pol Kagame. Në lojë kuptohet se ishte emigracioni dhe marëveshja që Kagame kishte bërë në fillim me Boris Johnsonin dhe më pas me Riki Sunak. Ndonëse ende e pa validuar nga drejtësia britanike, ajo synon të shpjerë drejt Ruandës emigrantët që kërkojnë të vendosen në ishull, për të shqyrtuar paraprakisht aty kërkesat e tyre për azil.

Ai që njihet si “modeli ruandez”, i pranuar nga diktatori i fisit tuci, Kagame, u mendua fillimisht nga Meloni të zbatohej në ndonjë vend afrikan. Deri sa në lojë do jetë shfaqur Edi Rama, i cili pa pikë turpi deklaronte dy vite me parë se vendet e pasura nuk do ngrinin kurrë këtu, kampe refugjatësh. Gazeta konservatore britanike Telegraph njoftonte se gjatë samitit të Komunitetit Politik Evropian, në Granada, në 5 tetor, u zhvillua një sesion i paparashikuar i kryesuar nga kryeministri britanik Shunak dhe Meloni. Aty merrte pjesë dhe Edi Rama. Telegraf e quajti atë si mbledhjen më të frytshme të samitit pasi aty i’u hap rrugë modelit Ruanda. Pra Shqipëria pranoi të sillet si një vend i Afrikës dhe kryeministri ynë si Pol Kagame.

Që ky ishte një favor personal i njeriut që mbretëron në Tiranë, për homologen e tij që nuk po i kthen dot në vepra mallkimet anti emigrantë të kohës kur ishte në opozitë, kjo është një gjë që duket sheshit. Ndryshe nga rasti kur vendosi të merrte refugjatët afganë, as Rama vetë nuk denjoi të lodhej me justifikime humanitare. Shprehjet ne “jemi vend refugjatësh”, na takon të jemi solidarë”, isjin pa kuptim. Pasi kjo marëveshje nuk ka në themel këto kritere.

Atyre që vënë jetën në rrezik, duke ikur nga luftrat, varfëria apo diktaturat për të mbërritur në Evropë, nuk i jepet një mundësi. Ata do të përfundojnë në portin e Shëngjinit dhe në kampin e refugjatëve në Gjadër, në pritje të miratimit të kërkesës për azil në Itali. Dhe nëse ajo i kthehet negative, ata do të jenë të dënuar, sipas të gjitha gjasave, të mbeten përfundimisht në këtë breg të Adriatikut, gjë që as nuk e patën dëshëruar, e për të cilën as nuk ia vlente të vinin në lojë kokën.

Pra në një marëveshje si kjo e sotmja, nuk ka as parime, as humanizëm dhe aq më pak vendimmarrje demokratike. E vetmja vlerë e saj është se na bën të kuptojmë se në ç’rang është renditur ky vend, nën udhëheqjen e Edi Ramës.

Lapsi

[Albo]

36 mijë emigrantë do të sillen në Shqipëri, çfarë parashikon marrëveshja Rama-Meloni



Një marrëveshje historike, e arritur në parim që në 15 gusht kur kryeministrja italiane Giorgia Meloni erdhi me traget nga Puglia për të pushuar me familjen e homologut shqiptar Edi Rama në Vlorë, është firmosur sot mes dy liderëve në “Palazzo Chigi” të Romës.

Porti i Shëngjinit do të jetë porta hyrëse për emigrantët e paligjshëm që tentojnë të hyjnë në Europë përmes Italisë, sipas protokollit për menaxhimin e flukseve migratore.

Përmbajtja e protokollit është zbardhur nga TgCom, që raporton se Italia do të ndërtojë dy qendra të menaxhimit të emigrantëve në Shqipëri, të cilat, kur të jenë plotësisht funksionale, do të jenë në gjendje të menaxhojnë një “fluks vjetor prej 36 mijë personash”.

Në të dy objektet nuk do të strehohen “të mitur, gra shtatzëna dhe persona vulnerabël”, sic edhe sqaroi në konferencën e përbashkët për mediat, kryeministrja Giorgia Meloni.

“Më shumë se aperitivë, gjatë takimit që dy liderët zhvilluan dhe që u cilësua si një festë e thjeshtë”, shprehen burimet për La Stampa, duke ju referuar marrëveshjes së 15 gushtit, që u nënshkrua sot dhe që do të funksionojë duke nisur nga pranvera e vitit 2024.

Si do të funksionojnë dy qendrat?

Memorandumi i mirëkuptimit mes Shqipërisë dhe Italisë për menaxhimin e flukseve migratore nuk vlen për emigrantët që mbërrijnë në brigjet dhe territorin italian, por për ata të shpëtuar në Mesdhe nga anijet italiane, si ato të Marinës dhe Gdf, por jo ato të OJQ-ve.

Në portin e Shëngjinit, Italia do të kujdeset për procedurat e zbarkimit dhe identifikimit. Po aty autoritetet italiane do të krijojnë një qendër pritjeje dhe kontrolli të parë, ndërsa në Gjadër do të krijohet një strukturë model CPR për procedurat e mëpasshme.

“Ajo në port do të kujdeset për procedurat e zbarkimit dhe identifikimit me një aktivitet fillestar depistues, ndërsa qendra që do të ndërtohet në zonën më të brendshme do të jetë një strukturë model CPR”, tha kryeministrja italiane.

Këto struktura fillimisht do të mund të strehojnë deri në 3 mijë persona, që do të qëndrojnë aty gjatë kohës së nevojshme për të përfunduar procedurat për shqyrtimin e kërkesave për azil, të shkurtuar deri në 28 ditë nga ana e Italisë.

Objektivat e marrëveshjes, siç nënvizoi Meloni, janë “të goditet trafiku i qenieve njerëzore, të parandalohen flukset e parregullta dhe të mirëpriten vetëm ata që kanë vërtet të drejtën e mbrojtjes ndërkombëtare”.


Lapsi

[Albo]

Qesharake/ Rama para dy vitesh: Asnjëherë kampe refugjatësh në Shqipëri(VIDEO)



Që Edi Rama të gënjejë apo të ndryshojë qëndrim për hir të interesave vetjake politike, kjo nuk është aspak diçka e re. Në 10 vite në krye të qeverisë e kemi parë shumë herë të konsumojë gënjeshtra me zë e figurë.

Një gënjeshtër qesharake ka qenë edhe përbetimi i tij dy vite më parë se në Shqipëri nuk do të ndërtohen kampe refugjatësh.

Asokohe kishte pasur një debat të nxitur nga mediat britanike për shndërrimin e Shqipërisë në një vend pritës të klandestinëve që mbërrinin në ishull. Pra, Shqipëria përflitej se do të ishte një lloj Ruande në Europë për të strehuar përkohësisht ata që dyndeshin në Britaninë e Madhe.

Rama u tregua i prerë gjatë një komunikimi me gazetarët në nëntor 2021 teksa iu tha. “Shqipëria nuk do të jetë kurrë një vend ku vende shumë të pasura do të krijojnë kampe për refugjatët e tyre. Asnjëherë!”. Shihni videon më poshtë.

Video

Ndërkohë sot ai fluturoi me charter në Romë për të finalizuar marrëveshjen e mbajtur sekret e të negociuar me kryeministren italiane Giorgia Meloni gjatë pushimeve të saj në vilën qeveritare në Vlorë. Përbetimi i Ramës për të mos lejuar kampe refugjatësh të vendeve të pasura në Shqipëri ka rënë.

Ai është kapur në një tjetër gënjështër që s’ka me çfarë e mbulon sado të orvatet t’i veshë kësaj marrëveshje me Italinë nuancat e një borxhi apo solidariteti që ne duhet të tregojmë me fqinjin tonë. Gjithçka ngjan të jetë më shumë një qokë apo pazar personal me kryeministren Meloni të cilën e portretizon shpesh si një motër të re për Shqipërinë.

Në kulmin e krizës së emigrantëve që zbarkojnë në Itali, Rama i ka hedhur Melonit një komerdare shpëtimi për të lehtësuar disi krizën. Nuk dihet çfarë ka marrë në këmbim të kësaj, por nuk është asnjë çudi që Shqipëria të dalë “duarbosh”, pa ndonjë investim italian apo ndonjë lehtësi domethënëse në procesin e integrimit.

Mund të jemi para një tjetër rasti flagrant ku autokrati i Tiranës thjesht ka bërë qokën e tij të radhës në kurriz të Shqipërisë, të cilën prej 10 vitesh e trajton si të ishte plaçka e tij.

©LAPSI.al

[Albo]

Shqiptarët as denjoi t'i pyeste, Rama kap çfarë deshi, intervistë si 'star' me Beruno Vespën: E kishim detyrim për Italinë të japim një dorë

Ndërkohë që shqiptarët nuk denjoi t'i pyeste fare për marrëveshjen për emigrantët me Melonin, Edi Rama e ka kapur atë që ka dashur, intervistën me Bruno Vespën.

Qëllimi i tij ai është, të përdorë pushtetin që i kanë dhënë, dhe u ka vjedhur, shqiptarëve për të shëtitur si "star" në mediat ndërkombëtare. Këtë gjë ka bërë edhe sonte ku ka dhënë "shpjegime" për italianët për këtë marrëveshje në emisionin e moderatorit të njohur italian.

INTERVISTA



Mirëmbrëma Edi Rama, Kryeministër i Shqipërisë, i cili sapo është kthyer në Tiranë nga Roma ku ka nënshkruar një marrëveshje, në një farë mënyre historike, me Giorgia Melonin, e cila parashikon ndihmën në dy porte shqiptare për emigrantët që janë ndaluar qoftë nga roja bregdetare apo nga marina usharake italiane. Kryeministër si lindi kjo marrëveshje?

Kryeministri Edi Rama: Faleminderit për ftesën! Është përherë një kënaqësi dhe nder të jem te ju. Kjo marrëveshje vjen nga mirënjohja e thjeshtë që gjendet gjithmonë brenda meje dhe brenda të gjithëve ne shqiptarëve kundrejt Italisë dhe kur Italia na kërkon të japim një dorë, edhe pse ne nuk mund të zgjidhim problemin e madh të emigrantëve, jemi të nderuar të japim një dorë. Kaq.

-Atëherë, menaxhimi i kampeve do të jetë italian.

Kryeministri Edi Rama: Bëhet fjalë për një qendër pritjeje dhe për një post ku do të procedohet me të gjitha verifikimet, me të gjitha regjistrimet. Çdo gjë është bërë sipas kritereve të mirëpërcaktuara të Bashkimit Europian.

-Gjatë këtyre ditëve edhe të mbijetuar të kampeve të shfarosjes naziste si Edith Bruck, madje dhe në Shqipëri ka pasur persekutime ndaj hebrenjve që gjithmonë kanë qenë të prirur për pritjen e këtyre njerëzve, sikur janë ngurtësuar sepse thonë që ka mundësi që nga vendet myslimane të mbërrijnë terroristë apo persona që janë kundër hebrenjve. Si e mendoni ju këtë?

Kryeministri Edi Rama: Po më bëni një pyetje me një peshë të jashtëzakonshme për një çështje, e cila për fat të keq po bëhet gjithnjë e më e ndërlikuar dhe që është pikërisht çështja se si të jemi Europa e vlerave dhe e të drejtave që janë shumë të shtrenjta për ne dhe në të njëjtën kohë t’ia dalim të shquajmë midis atyre që vërtet largohen nga rreziku i vdekjes dhe atyre që përfitojnë apo që bien pre e trafikantëve e madje edhe rrjeteve që furnizojnë këtë lloj trafiku.

Ka vende europiane, të cilat janë shprehimisht të mbyllura ndaj idesë për të pritur persona të besimeve të tjera fetare, të ngjyrave të tjera, por e kemi parë që kur erdhi fjala për refugjatët ukrainas, ishin shumë të hapur për t’i pritur, sepse për mbi të gjitha, ishin të bardhë dhe ishin të krishterë. Ndërkohë që, ka realitete të tjera në vende europiane si Zvicra dhe jo vetëm që kanë qenë gjithmonë krahë hapur për të pritur të gjithë pa asnjë dallim, por që po kalojnë një moment shumë të vështirë.

Kryeministri Edi Rama: Mbrëmje të këndshme! Faleminderit shumë!


Syri

[SERAFIM DILO]

Tani mund ti ngrejn çmimet hotelet dhe plazhet pa problem,qeveria per vitin qe vjen e ka te garantuar dyfishimin e numrit te turisteve.

Me nji gur vrasim dy-tre zogj ; sigurojm shtimin e numrit te turistve,zevendesojm numrin e popullsise dhe te punetoreve qe na ikin,mungon vetem ti perdorim neper votime e mitingje dhe i zgjidhem hallet e shtetit te ri qe do ti ndryshojm emertimin.

[Albo]

Agron Gjekmarkaj: Lezhjanët të kthehen në Lezhë e jo ta mbushim me afrikanë!



Nga Agron Gjekmarkaj-

Ne duhet të krijojmë kushtet që lezhjanët të kthehen të punojnë e ndertojnë jeten në qytetin dhe fshatrat e tyre dhe jo t’i zevendesojmë ata me afrikanë. Qeveria e Melonit është në presion të madh nga opinioni publik për menaxhimin e kesaj krize permanente. Qeveria e Edi Rames nuk duhet që këtë krizë ta sjellë në Shqiperi.

Një lajm i befasishem pushtoi dje hapësiren shqiptare. Ai i sjelljes së refugjatëve afrikanë nga Italia në Shqiperi. Ky “nder” do ti bëhej Lezhes më konkretisht Shëngjinit zones turistike kryesore të Veriut dhe Gjadrit. Lezha prej kohesh pret zgjerimin e rruges nga Miloti në Balldre, nga Lezha në Shengjin të cilat janë të pakalueshme duke e shnderruar stinen e veres në mundim të madh. Ky “nder” ju bë Lezhes edhe me refugjatet afgan ndonëse ketu ka një ndryshim i madh. Ata iknin nga lufta dhe persekucioni e pranohej nga të gjithë që kishim të bënim me pjesën më elitare të atij vendi fatkeq, pikerisht me ata që bashkëpunuan me trupat perendimore. Ne vertetë i jemi Italisë shumë mirënjohes per gjithçka ka bërë për Shqiperinë. Secili prej nesh në keto 33 vjet ka perfituar diçka prej saj në ekonomi, në shkollim, në shendetësi,në eksperiencë , në mbeshtetje e shumëçka tjeter. Por ne nuk jemi ëndë gati për të ndermarrë hapa të tillë “mikpritjejë” ndonëse në Kanun e kemi “shtepia e shqiptarit e Zotit dhe e mikut”. Italia mezi po i menaxhon mes shumë polemikash atje dhe kemi të drejtë të dyshojmë shumë për këtu. Afrikanet duan të emigrojnë në Itali dhe në Europë ku ka një debat të madh brënda shoqërisë dhe politikes per tejngopjen që ato po perjetojnë. Në Lampedusa dhe në zonat e tjera të Jugut të Italisë ka rënie drastike të turizmit nga prania e refugjateve dhe shtimi i kriminalitetit. Qeveria e Melonit është në presion të madh nga opinioni publik për menaxhimin e kesaj krize permanente. Qeveria e Edi Rames nuk duhet që këtë krizë ta sjellë në Shqiperi. Sherbimet sekrete të Europes janë në gadishmeri për prurjet terroriste që zbarkimet e veres po sjellin në brigjet e kontinentit. Që më parë me ISIS e tani me HAMAS. Nëse sillen e mbahen në geto ky shnderrohet në problem të madh human e imazhi. Nëse sillen e lihen të lirë është një problem i madh menaxhimi e mundesie kriminaliteti nderkohë që organet tona ligjzbatuese lënë shumë për të deshiruar. Në të dyja rastet ëndrra për turizem e një vendi si Shengjini vritet. Ne duhet të krijojmë kushtet që lezhjanët të kthehen të punojnë e ndertojnë jeten në qytetin dhe fshatrat e tyre dhe jo ti zevendesojmë ata me afrikanë. Nëse Kryeministri do ti sjellë me patjeter kunder vullnetit të shqiptarve mos “të respektojë” gjithmonë Lezhen por edhe zonen e tij elektorale. Edhe per shumë vite Shqiperia ka nevojë të kthejë shqiptaret në trojet e veta pastaj të bëjë “sadaka” me vëndet e pasura e mike si Italia.

Koha Jone

[Kryeplaku]

Shqiptarët as denjoi t'i pyeste, Rama kap çfarë deshi, intervistë si 'star' me Beruno Vespën: E kishim detyrim për Italinë të japim një dorë

Ndërkohë që shqiptarët nuk denjoi t'i pyeste fare për marrëveshjen për emigrantët me Melonin, Edi Rama e ka kapur atë që ka dashur, intervistën me Bruno Vespën.

Qëllimi i tij ai është, të përdorë pushtetin që i kanë dhënë, dhe u ka vjedhur, shqiptarëve për të shëtitur si "star" në mediat ndërkombëtare. Këtë gjë ka bërë edhe sonte ku ka dhënë "shpjegime" për italianët për këtë marrëveshje në emisionin e moderatorit të njohur italian.

INTERVISTA



Mirëmbrëma Edi Rama, Kryeministër i Shqipërisë, i cili sapo është kthyer në Tiranë nga Roma ku ka nënshkruar një marrëveshje, në një farë mënyre historike, me Giorgia Melonin, e cila parashikon ndihmën në dy porte shqiptare për emigrantët që janë ndaluar qoftë nga roja bregdetare apo nga marina usharake italiane. Kryeministër si lindi kjo marrëveshje?

Kryeministri Edi Rama: Faleminderit për ftesën! Është përherë një kënaqësi dhe nder të jem te ju. Kjo marrëveshje vjen nga mirënjohja e thjeshtë që gjendet gjithmonë brenda meje dhe brenda të gjithëve ne shqiptarëve kundrejt Italisë dhe kur Italia na kërkon të japim një dorë, edhe pse ne nuk mund të zgjidhim problemin e madh të emigrantëve, jemi të nderuar të japim një dorë. Kaq.

-Atëherë, menaxhimi i kampeve do të jetë italian.

Kryeministri Edi Rama: Bëhet fjalë për një qendër pritjeje dhe për një post ku do të procedohet me të gjitha verifikimet, me të gjitha regjistrimet. Çdo gjë është bërë sipas kritereve të mirëpërcaktuara të Bashkimit Europian.

-Gjatë këtyre ditëve edhe të mbijetuar të kampeve të shfarosjes naziste si Edith Bruck, madje dhe në Shqipëri ka pasur persekutime ndaj hebrenjve që gjithmonë kanë qenë të prirur për pritjen e këtyre njerëzve, sikur janë ngurtësuar sepse thonë që ka mundësi që nga vendet myslimane të mbërrijnë terroristë apo persona që janë kundër hebrenjve. Si e mendoni ju këtë?

Kryeministri Edi Rama: Po më bëni një pyetje me një peshë të jashtëzakonshme për një çështje, e cila për fat të keq po bëhet gjithnjë e më e ndërlikuar dhe që është pikërisht çështja se si të jemi Europa e vlerave dhe e të drejtave që janë shumë të shtrenjta për ne dhe në të njëjtën kohë t’ia dalim të shquajmë midis atyre që vërtet largohen nga rreziku i vdekjes dhe atyre që përfitojnë apo që bien pre e trafikantëve e madje edhe rrjeteve që furnizojnë këtë lloj trafiku.

Ka vende europiane, të cilat janë shprehimisht të mbyllura ndaj idesë për të pritur persona të besimeve të tjera fetare, të ngjyrave të tjera, por e kemi parë që kur erdhi fjala për refugjatët ukrainas, ishin shumë të hapur për t’i pritur, sepse për mbi të gjitha, ishin të bardhë dhe ishin të krishterë. Ndërkohë që, ka realitete të tjera në vende europiane si Zvicra dhe jo vetëm që kanë qenë gjithmonë krahë hapur për të pritur të gjithë pa asnjë dallim, por që po kalojnë një moment shumë të vështirë.

Kryeministri Edi Rama: Mbrëmje të këndshme! Faleminderit shumë!


Syri

Shqiptaret jane popull i vdekur. Po te kishte popull atje, Rama do te ishte ne psikiatri, jo ne kryeministri. Shqiptaret e meritojne mllefin e psikopatit, perderisa vete e votojne cdo dy vjet.

[Albo]

Protokolli me Italinë parashikon ngritjen e ‘kampeve- burgje’ në Shqipëri

Kryeministri Edi Rama ka pranuar që të vendosë në dispozicion të Italisë qendra për emigrantët të paktën për një periudhë 5-vjeçare, ku ata do të detyrohen që të qëndrojnë të mbyllur brenda tyre. Marrëveshja kritikohet nga opozitat në Itali dhe Shqipëri si dhe nga organizatat e të drejtave të njeriut.

Nga Aleksandra Bogdani


Kryeministri Edi Rama dhe Kryeministrja e Italise, Georgia Meloni gjate ceremonise zyrtare te pritjes para Samitit BE-Ballkan Perendimor, organizuar ne Tirane, ne sheshin Italia. Kreret e Shteteve te BE jane mbledhur ne Tirane per disktuar mbi luften ne Ukraine, emigracionin ilegal dhe luften kunder terririzmit e krimit te organizuar. Kjo eshte hera e pare qe nje samit i kesaj rendesie organizohet ne nje shtet te Ballkanit.


Kryeministri Edi Rama është angazhuar që të vendosë në dispozicion të qeverisë italiane territorin e vet për të ngritur kampe të ngjashme me burgjet si dhe të presë mijëra emigrantë nga vendet e treta për të paktën një periudhë 5-vjeçare, sipas protokollit të nënshkruar nga kryeministri Edi Rama dhe homologia e tij italiane, Giorgia Meloni.

Protokolli i nënshkruar mes Ramës dhe Melonit u publikua të martën në mbrëmje nga Këshilli i Ministrave. Dokumenti është kujdesur që të mos përmendë termin kamp refugjatësh, duke e zëvendësuar atë me fjalët “struktura” apo “zona”, por bën të qartë se emigrantët do të detyrohen të qëndrojnë të mbyllur brenda këtyre strukturave.

Pala italiane është përgjegjëse për menaxhimin brenda kampeve, bashkë me kostot për qëndrimin apo trajtimin shëndetësor të emigrantëve. Autoritetet italiane janë gjithashtu përgjegjëse që të mos lejojnë daljen e emigrantëve në pjesën tjetër të territorit të Shqipërisë, si gjatë kohëzgjatjes së procedurave administrative, ashtu edhe pas përfundimit të tyre.

“Në rast daljeje të paautorizuar të migrantëve nga zonat, autoritetet shqiptare do t'i shoqërojnë ata po pranë këtyre strukturave,” shkruhet në dokument.

Përveç vendosjes në dispozicion të territorit, pala shqiptare angazhohet që të sigurojë ruajtjen e rendit dhe të sigurisë publike në perimetrin e jashtëm të zonave si dhe gjatë transportit të emigrantëve drejt tyre.

“Palët bien dakord se numri i përgjithshëm i migrantëve të pranishëm njëkohësisht në territorin shqiptar, në zbatim të këtij protokolli nuk mund të jetë më i lartë se tre mijë veta,” thuhet aty.

Dokumenti i publikuar nga Këshilli i Ministrave nuk shpjegon se ku do të vendosen kampet, por sipas Agjencisë italiane të Lajmeve, ANSA, njëra prej tyre do të jenë pranë portit të Shëngjinit dhe qendra e dytë në Gjadër. Shëngjini pritet të shërbejë si pika e parë e pritjes dhe e skanimit të emigrantëve, ndërsa në Gjadër do të ndiqen procedurat e tjera të aplikimit për azil.

Që prej ngjitjes në pushtet të qeverisë së krahut të djathtë të Melonit, reduktimi i emigrantëve që hyjnë ilegalisht në Itali ka qenë një prioritet kryesor i saj. Megjithatë, nënshkrimi i marrëveshjes me Ramën u prit si një rrufe në qiell të hapur, si në Romë ashtu edhe në Tiranë.

Përfaqësues të opozitës italiane e kritikuan marrëveshjen si një shkelje të hapur të ligjeve ndërkombëtare dhe e krahasuan situatën që pritet të krijohet në Shqipëri me kampin famëkeq të Guantanamos.

Në Shqipëri, përfaqësues të opozitës kritikuan mungesën e transparencës dhe vendimarrjen personale të Ramës.

Amnesty Intenational, një organizatë ndërkombëtare e të drejtave të njeriut, e quajti gjithashtu marrëveshjen mes Ramës dhe Melonit si “të paligjshme dhe joefikase”.

“Personat e shpëtuar në det nga autoritetet italiane, përfshirë ata që kërkojnë siguri në Evropë, janë nën juridiksionin italian dhe nuk mund të dërgohen në një vend tjetër përpara se të shqyrtohet kërkesa e tyre për azil dhe rrethanat individuale,” tha Elisa De Pieri, hulumtuese rajonale për Amnesty International.

Amnesty International thekson se marrëveshja parashikon rikthimin me forcë, një praktikë e ndaluar sipas ligjit ndërkombëtar dhe evropian dhe për të cilën Italia është dënuar njëherë më parë nga Gjykata Evropiane e të Drejtave të Njeriut në vitin 2012.

BIRN

[Albo]

Marrëveshja Rama-Meloni kritikohet si e paligjshme, jofunksionale

Pasi Bashkimi Evropian vuri në pikëpyetje ligjshmërinë e marrëveshjes së Shqipërisë me qeverinë e Italisë për një qendër procesimi emigrantësh në Gjadër, prestigjiozja ndërkombëtare Amnesty International e kritikoi atë si “të paligjshme dhe jofunksionale” në një nga kritikat më të ashpra që Edi Rama ka marrë në karrierën e tij politike.

Nga Besar Likmeta


Kryeministrat Edi Rama dhe Giorgia Meloni gjatë firmosjes së marrëveshjes për emigrantët. Foto: Screenshot nga videoja e shpërndarë nga kryeministria.

Gjigandi ndërkombëtar i të drejtave të njeriut, Amnesty International, kritikoi marrëveshjen e kryeministrit Edi Rama me homologen e tij italiane Giorgia Meloni si “të paligjshme dhe jofunksionale”, një nga kritikat më të ashpra në drejtim të shkeljes së të drejtave të njeriut ndaj Ramës në të gjithë karrierën e tij politike.

Amnesty, një organizatë e themeluar në vitin 1961, konsiderohet si një nga më të mëdhatë dhe më të rëndësishmet për mbrojtjen e të drejtave të njeriut. Ajo njihet në Shqipëri për fushatën denoncuese ndaj regjimit komunist, përfshirë ekzekutimet me vdekje si dhe denoncimin e shkeljeve të të drejtave të njeriut nga Shqipëria postkomuniste nën drejtimin e ish-presidentit Sali Berisha.

Ajo e kritikoi marrëveshjen Rama-Meloni në mënyrë të prerë përmes publikimit të një komenti të studiueses së saj rajonale Elisa De Pieri: “Njerëzit e shpëtuar në det nga autoritetet italiane, përfshirë ata që kërkojnë siguri në Evropë, janë nën juridiksionin Italian dhe nuk mund të dërgohen në një vend tjetër para se kërkesa e tyre për azil dhe rrethanat individuale të ekzaminohen,” deklaroi De Pieri në komentin e publikuar në faqen zyrtare të Amnesty në internet. “Është thjeshtë kështu,” shtoi De Pieri.

Më herët të martën, zyrtarët e Komisionit Evropian në Bruksel deklaruan se kanë nevojë për më shumë detaje mbi marrëveshjen, duke lënë të kuptohet se nëse një emigrant kapet në ujërat territoriale të një vendi anëtar, atëherë ai nuk mund të transferohet në një vend jo-anëtar, gjë që lë të hapur pyetjen nëse Italia ka të drejtë të transferojë në Shqipëri refugjatët e shpëtuar në ujërat ndërkombëtare apo në ujërat e ndonjë prej vendeve në Afrikën e Veriut nga ku ata zakonisht nisen.

Amnesty vëren se marrëveshja, e cila synon të shqyrtojë kërkesat për azil ndërsa azilkërkuesi gjendet në territorin shqiptar, është një praktikë e ndaluar sakaq sipas ligjit ndërkombëtar dhe ligjit evropian dhe për shkelje të ngjashme Italia është dënuar sakaq nga Gjykata Evropiane e të drejtave të njeriut.

“Marrëveshja është ilegale, nuk funksionon dhe duhet të anulohet,” deklaroi Amnesty.

“Italia ka pretenduar se njerëzit e ndaluar do të mbeten nën juridiksionin e Italisë por realiteti është që marrëveshja do të përdoret për të anashkaluar ligjin ndërkombëtar dhe atë evropian. Ajo do të ketë pasoja katastrofale për njerëzit që kërkojnë azil, të cilët mund të bien pre e ndalimeve të gjata dhe dhunimeve të tjera jashtë mbikëqyrjes së autoriteteve të drejtësisë së Italisë,” thuhet në deklaratë.

Kryeministri i Shqipërisë Edi Rama dhe ajo e Italisë Giorgia Meloni nënshkruan të hënën një marrëveshje, e cila u publikua nga media proqeveritare shqiptare në martën.

Sipas dokumentit të publikuar, Shqipëria i jep një territor qeverisë së Italisë për një afat pesëvjeçar, në të cilin do të mbahen deri në tre mijë azilkërkues në pritje të vlerësimit të meritave të kërkesës së tyre për azil. Sipas marrëveshjes, afati i qëndrimit të tyre në Shqipëri “nuk mund të jetë më i gjatë sesa periudha maksimale e lejuar nga legjislacioni përkatës italian.” Afati në fjalë është 30 ditë, por Italia është e njohur për zvarritje të procedurave shumë përtej këtij afati.

Sipas praktikës së zakonshme aktuale, azilkërkuesit pajisen me një leje qëndrimi të përkohshme ndërsa presin shqyrtimin e aplikimit të tyre por kjo pritet të mos ndodhë kësaj here, pasi azilkërkuesit supozohet se do të mbahen në një kamp të rrethuar në territorin e Republikës së Shqipërisë.

BIRN

[Albo]

Amnesty International: Marrëveshja Rama-Meloni e paligjshme dhe e parealizueshme, shkel rregullat



Amnesty International shprehet se marrëveshja mes Edi Ramës dhe kryeministres italiane, Giordia Meloni është e paligjshme dhe e parealizueshme.

Me një reagim në faqen zyrtare të Amnesty International, thuhet se: Njerëzit e shpëtuar në det nga autoritetet italiane, përfshirë ata që kërkojnë strehim në Evropë, janë nën juridiksionin italian dhe nuk mund të transferohen në një shtet tjetër përpara se të shqyrtohet kërkesa e tyre për azil dhe situata individuale.

Reagimi i plotë i Amnesty International:

Duke komentuar deklaratën e datës 6 nëntor në lidhje me marrëveshjen e nënshkruar nga kryeministrat e Italisë dhe Shqipërisë, në lidhje me ndërtimin e dy qendrave për ndalimin e personave të shpëtuar në det nga anijet italiane, përfshirë personat që kërkojnë siguri, Elisa de Pieri, studiuese e Amnesty International për Evropën, tha:

‘Njerëzit e shpëtuar në det nga autoritetet italiane, përfshirë ata që kërkojnë strehim në Evropë, janë nën juridiksionin italian dhe nuk mund të transferohen në një shtet tjetër përpara se të shqyrtohet kërkesa e tyre për azil dhe situata individuale. Është shumë e thjeshtë. Kjo është një marrëveshje për shtyrjen, një praktikë e ndaluar nga standardet evropiane dhe ndërkombëtare dhe për të cilën Italia tashmë është dënuar nga Gjykata Evropiane e të Drejtave të Njeriut.

Kjo marrëveshje është e paligjshme, e pafuqishme dhe duhet të anulohet.

Italia pretendon se personat e dërguar në Shqipëri do të mbeten nën juridiksionin italian, por realiteti është se marrëveshja do të përdoret për të anashkaluar rregullat italiane, evropiane dhe ndërkombëtare me pasoja potencialisht shkatërruese për njerëzit që kërkojnë azil, të cilët mund t'i nënshtrohen ndalimit automatik dhe të zgjatur, dhe shkelje të tjera të të drejtave të njeriut, jashtë kontrollit të autoriteteve gjyqësore italiane. Komisioni Evropian tashmë e ka bërë të qartë se rregullat evropiane të azilit nuk mund të zbatohen jashtë Bashkimit Evropian.

Edhe pse detajet e marrëveshjes nuk dihen ende, tashmë po shfaqen një sërë shqetësimesh. Amnesty International i bën thirrje qeverisë italiane të respektojë detyrimet e saj sipas ligjit ndërkombëtar në lidhje me moskthimin dhe garantimin e azilit dhe i bën thirrje Komisionit Evropian të sigurojë që shtetet anëtare të mos shkelin të gjitha rregullat për mbrojtjen ndërkombëtare’.

Duke iu referuar praktikës së dërgimit të refugjatëve ose azilkërkuesve në vendet e tyre, ose në të tjerët, ku ata mund të vuajnë nga keqtrajtimi.

Mbrojtja kundër rikthimit është një e drejtë themelore e refugjatëve dhe azilkërkuesve.

Mos-kthimi është një parim themelor i së drejtës ndërkombëtare për refugjatët dhe, si pjesë e së drejtës ndërkombëtare zakonore, është i detyrueshëm për të gjitha shtetet. Parimi i mos-kthimit parashikohet edhe në legjislacionin evropian dhe në nenet 18 dhe 19 të Kartës së të Drejtave Themelore të Bashkimit Evropian.

Në vitin 2018, Komisioni Evropian bëri të qartë se zbatimi ekstraterritorial i rregullave të Bashkimit Evropian aktualisht nuk është i mundur.

Italia tashmë është dënuar për shkelje të parimit të moskthimit nga Gjykata Evropiane e të Drejtave të Njeriut në vitin 2012 në çështjen Hirsi Jamaa kundër të tjerëve.

Syri

[Albo]

Marrëveshja Itali-Shqipëri për emigrantët/ Opozita italiane: E paligjshme në nivel kombëtar e ndërkombëtar dhe joefektive

Një dokument prej 9 faqesh, gjithsej 14 nene, i cili do të qëndrojë në fuqi ‘për 5 vjet’, i rinovueshëm edhe për 5 vite të tjera ‘nëse njëra nga palët nuk njofton brenda 6 muajve nga skadimi’ qëllimin për të mos e rinovuar.

Është marrëveshja Itali-Shqipëri për menaxhimin e emigrantëve të nënshkruar dje (6 nëntor 2023) nga kryeministrja Giorgia Meloni me kryeministrin shqiptar Edi Rama që ‘ANSA’ mund ta shikonte. Italia merr përsipër të kthejë ‘zonat’ e dedikuara për qendrat e emigrantëve pas përfundimit të marrëveshjes.

Në qendrat për emigrantët të parashikuara nga marrëveshja Itali-Shqipëri, e drejta e mbrojtjes sigurohet duke lejuar akses të strukturave të avokatëve dhe asistentëve, organizatave ndërkombëtare dhe agjencive të BE-së që ofrojnë këshilla dhe asistencë aplikantëve për mbrojtje ndërkombëtare, brenda kufijve të legjislacionit italian, europian dhe shqiptar. Kështu shkruhet në marrëveshje, ku parashikohet që emigrantët të mund të qëndrojnë jo më shumë se periudha maksimale e lejuar nga legjislacioni aktual italian. Sipas marrëveshjes, në përfundim të procedurave autoritetet e Romës do të sigurojnë largimin me kosto në ngarkim të Italisë.

Në qendrat e parashikuara nga marrëveshja Itali-Shqipëri, nuk mund të jenë të pranishëm më shumë se 3000 emigrantë në të njëjtën kohë. Siç shkruhet në marrëveshje, strukturat menaxhohen nga Italia sipas legjislacionit përkatës italian dhe europian dhe çdo mosmarrëveshje me emigrantët i nënshtrohet ekskluzivisht juridiksionit italian. Kur e drejta e qëndrimit në struktura pushon ‘për çfarëdo arsye’, Italia menjëherë transferon emigrantët jashtë territorit shqiptar. Në rast lindjeje ose vdekjeje, specifikon marrëveshja, emigrantët i nënshtrohen ligjit italian. Në rast vdekjeje, Shqipëria vë në dispozicion të Italisë morgun për ta transferuar trupin brenda 15 ditëve nga vdekja.

Opozita shqiptare e qendrës së djathtë është kundër kryeministrit Edi Rama për nënshkrimin e marrëveshjes për emigrantët, firmosur në Romë sëbashku me kryeministren italiane Giorgia Meloni. Pavarësisht ‘mirënjohjes ndaj Italisë, për atë që është bërë në mbështetjen tonë gjatë 33 viteve të fundit, ne ende nuk jemi gati për të ndërmarrë një hap të tillë’, ka shkruar nënkryetari i Kuvendit, Agron Gjekmarkaj, deputet i Partisë Demokratike (PD) në Facebook: ‘Qeveria Meloni është nën presion të madh për menaxhimin e krizës’ së emigrantëve dhe ‘qeveria Rama nuk duhet ta transferojë këtë krizë në Shqipëri’.

Një strukturë e emigrantëve në portin e Shëngjinit, paralajmëron Gjekmarkaj, do të ‘zbehte gjithashtu ëndrrën e kësaj zone të rëndësishme bregdetare në veri të vendit për të zhvilluar turizmin’. Kreu i Partisë Demokratike, Lulzim Basha, drejtoi gishtin tek mungesa e transparencës nga ana e kryeministrit, i cili ‘nuk ka mandat të negociojë me asnjë vend: Italia është aleati dhe partneri ynë, një vend mik, por këtu bëhet fjalë për interesa kombëtare’, shtoi ai, duke akuzuar Ramën si përgjegjës për ikjen e vetë shqiptarëve jashtë vendit, ‘ndërsa ai vendos të sjellë këtu emigrantë të paligjshëm. Është e papranueshme’.

Rama ka nënshkruar marrëveshjen ‘i shtyrë vetëm nga interesat e tij të errëta’, ka denoncuar ish-kryeministri i qendrës së djathtë Sali Berisha, ndërsa nga Partia e Lirisë (PL) e ish-presidentit të Republikës Ilir Meta kryeministri shqiptar akuzohet se ‘Po përdorë vendin si të ishte pronë e tij private. Një tregtar i gatshëm të bëjë biznes me interesat e Shqipërisë, në këmbim të mbështetjeve të pandershme dhe trafikimit të interesave’, shkruan deputeti i PL, Petrit Vasili. Mediat shqiptare nënvizuan edhe polemikat politike që ka ngjallur marrëveshja në Itali, duke kujtuar nga ana tjetër një deklaratë të Ramës të nëntorit 2021, ku premtoi se ‘Shqipëria nuk do të jetë kurrë një vend ku vendet e tjera më të pasura mund të ngrenë kampe për refugjatët e tyre’.

Marrëveshja me Shqipërinë për emigrantët e shpallur dje mund të bëhet ‘model bashkëpunimi mes vendeve të BE-së dhe vendeve jo-BE për menaxhimin e flukseve migratore’, ka deklaruar kryeministrja Giorgia Meloni sot në një intervistë për ‘Il Messaggero’.

Është një marrëveshje ‘e cila forcon partneritetin strategjik midis Italisë dhe Shqipërisë dhe në thelb ka tre objektiva: të luftojë trafikimin e qenieve njerëzore, të parandalojë flukset e parregullta migratore dhe të mirëpresë në Europë vetëm ata që kanë vërtet të drejtën e mbrojtjes ndërkombëtare’, ka shtuar Meloni.
Për drejtuesen e të majtës italiane (PD) Elly Schlein marrëveshja ‘duket se është në kundërshtim të hapur me rregullat e së drejtës ndërkombëtare dhe të së drejtës europiane’. Schlein është shprehur se kjo marrëveshje duhet parë mirë dhe me shumë kujdes. ‘Giorgia Meloni’, shtoi Schlein, ‘ duhet më tepër të bindë aleatët e saj nacionalistë europianë që të ndajnë përgjegjësitë në pritjen e emigrantëve dhe të mos e lënë Italinë vetëm’.

Marrëveshja me Shqipërinë është ‘e paligjshme në nivel kombëtar e ndërkombëtar dhe joefektive’ për emigracionin e paligjshëm, ‘e parëndësishme për pritjen e emigrantëve: ndryshimi i vetëm është se do të kushtojë shumë më tepër para’. Kështu ka deklaruar ish-zëvendësministri i Brendshëm i Partisë Demokratike, partisë më të madhe të së majtës italiane, Matteo Mauri duke nënvizuar se ‘së pari qeveria duhet ta bëjë publik tekstin nëse ekziston’ dhe se ‘ato rregulla duhet të kalojnë në parlamentin italian’, sepse ‘nuk është absolutisht e vërtetë’ se mjaftojnë dy traktate ndërkombëtare bashkëpunimi të nënshkruara edhe në të shkuarën me Tiranën.

Syri

[Albo]

Ben Andoni: Firmosja e marrëveshjes me Italinë në ‘terr’ do të thotë se kjo qeveri nuk u përket më shqiptarëve

Analisti, Ben Andoni ishte i ftuar në emisionin "Ora e Betit" ku u diskutua për marrëveshjen e emigrantëve mes Italisë dhe Shqipërisë. Andoni u shpreh se për këtë marrëveshje ka qenë në terr i gjithë publiku dhe se kjo qeverisje nuk i takon më shqiptarëve.

"Gjëja që më bën përshtypje janë tre koncepte përsa i përket marrëveshjes. E para është negocimi, që ne kemi qenë në terr i gjithë publiku. Më vjen keq që nuk e dinë ligjvënësit shqiptarë.

E dyta është miratimit, kjo firma që ne të gjithë kujtonim se zoti Rama po bëntë një takim formal. E treta është pjesa që do jetë shumë e vështirë dhe kjo i takon më shumë opozitës në këtë rast që unë besoj se nëse do kishte zëra më të qetë nga pozita duhet të përgjigjeshin si duhet.

Brenda këtyre tre koncepteve shikoj që qeverisja në vendin tonë nuk thuhet më që fut ujë por është një qeverisje që nuk iu takon më shqiptarëve", tha ndër të tjera Andoni.

Syri

[Albo]

'Die Presse': BE rrëzon planin e Italisë për refugjatët në Shqipëri, e cilëson të paligjshëm



Gazeta e njohur austriake, ‘Die Presse’, raporton se Brukseli ka rrëzuar planet e Italisë dhe Austrisë për azilantët.

Njësoj si Italia, e cila planifikon të ngrejë dy qendra refugjatësh në Shqipëri, edhe Austria ka një projekt të ngjashëm.

Por gazeta shkruan se Brukseli i ka penguar këto plane, duke thënë se janë të paligjshme.

“Komisioni i BE-së u thotë jo procedurave të jashtme të azilit te vendet e treta. Planet si ato që Austria po ndjek në Afrikë apo Italia në Shqipëri, janë të paligjshme,” shkruan gazeta.

“Vetëm javën e kaluar, ministri i Brendshëm austriak, Gerhard Karner ra dakord me homologen e tij britanike, Stella Brverman për të punuar ngushtë së bashku për çështjet e azilit.

Londra po përpiqet të gjejë mbështetje nga ish-partnerët e BE-së për idenë e qendrave të jashtme të azilit në Ruandë dhe deri tani ka mundur të fitojë mbështetjen e kryeministres së Danimarkës, Mette Frederikson.

Kryetarja e qeverisë italiane, Giorgia Meloni kërkon gjithashtu të vendosë dy qendra të tilla azili në Shqipëri për të ridrejtuar fluksin e emigrantëve.

Por Komisioni i BE-së po i minon këto plane. Brukseli thotë se zhvendosja e procedurave të azilit në vendet e treta është e paligjshme. Sipas ligjit aktual të azilit, aplikimet për azil mund të bëhen vetëm në territorin e një shteti anëtar dhe jo jashtë, tha një zëdhënës i Komisionit të BE-së,” shkruan gazeta.

Syri

[Albo]

Marrëveshja për të qenë hale e Italisë

Nga Andi Bejtja

Marrëveshja e djeshme Meloni - Rama nuk është as më pak e as më shumë, po zhvendosje e halesë italiane (në kuptimin më pexhorativ) në territorin shqiptar.

Deri tani dimë që haleja do të mbajë flamurin italian; kapanonet do t’i ndërtojë Italia; dimë që do ketë vetëm burra që do të bëjnë shurrën në këmbë, të ndarë nga gratë dhe fëmijët më keq se në vitet e Holokaustit ashtu sikurse ka rrezik që sapunërat, letrat dhe ujin ta paguajmë vetë.

Ngado që ta shikosh këtë marrëveshje, është e cenueshme.

Si veprimtar i të drejtave të njeriut është jo vetëm e paligjshme, por dhe kriminale t'i ndash burrat nga gratë dhe fëmijët në këtë mënyrë.

Si ekspert i së drejtës ndërkombëtare, kjo marrëveshje është në kundërshtim me Kartën Europiane të të Drejtave të Njeriut dhe me Konventën e Kombeve të Bashkuara për Refugjatët.

Për institucionet shqiptare, që nga parlamenti e deri tek Presidenti, është përdhunim i pastër i çdo neni të Kushtetutës, shiko nenet 121, 122, 123.

Për disa juristë, dhënia madje e ekstra-territorialitetit mund të shkojë deri në tradhti kombëtare, që mund të dënohet dhe me burg.

Për një ekspert të sigurisë kjo është një minë me sahat që nuk cenon thjesht turizmin te Mrrizi i Zanave. Ndaj, automatikisht bie dhe teoria "Zero probleme me fqinjët" - sidomos për Greqinë si vend kufitar i BE-së.

Ndërkohë, fatkeqësisht, termometri i opozitës nuk është i njëjtë me temperaturën e popullit që në rrjete sociale këtë dyndje refugjatësh e quan ngjarje më të rëndë se armët kimike, që në fund të fundit ishte një proces teknologjik. 35.5º shënon termometri edhe i së ashtëquajturës “opozitë e re”, si Arlind Qorri apo dhe Endri Shabani që mendon se Shqipëria shpëton po la Ylli Rakipi, punën.

Ndaj, në këtë situatë nuk ka pikë rëndësie pse po e bën Rama këtë, çfarë do të mbulojë apo çfarë të zbulojë! Për ty si shqiptar ka vetëm një pyetje që do urgjent përgjigje: A do pranosh të jesh hale e Italisë dhe ndoshta nesër, dhe më keq?!


Syri

[Albo]

Marrëveshja Shqipëri-Itali, reagon UNHCR: Nuk jemi të përfshirë e as të informuar



Agjencia e Kombeve të Bashkuara për Refugjatët ka reaguar në lidhje me marrëveshjen Shqipëri-Itali, të nënshkruar një ditë më parë nga kreu i qeverisë Edi Rama dhe homologia e tij italiane Georgia Meloni.

Në një njoftim zyrtar UNHCR, thotë se nuk është palë dhe as e informuar për këtë marrëveshje.

UNHCR njofton se po kërkon të diskutojë më tej detajet me qeverinë italiane dhe atë shqiptare për të kuptuar më mirë implikimet për refugjatët dhe njerëzit e tjerë që kanë nevojë për mbrojtje ndërkombëtare.

REAGIMI I PLOTË:

UNHCR, Agjencia e Kombeve të Bashkuara për Refugjatët, nuk është palë apo e përfshirë në marrëveshjen Itali-Shqipëri, e cila u njoftua të hënën. UNHCR-ja nuk ishte informuar apo konsultuar për përmbajtjen e marrëveshjes apo detajet e saj. Aktualisht po kërkojmë informacione të mëtejshme nga autoritetet përkatëse.
Qëndrimi i kahershëm i UNHCR-sëLidhja është e jashtmeështë se kthimet ose transferimet në vende të treta të sigurta mund të konsiderohen të përshtatshme vetëm nëse përmbushen disa standarde – në veçanti, që ato vende të respektojnë plotësisht të drejtat që rrjedhin nga Konventa e Refugjatëve dhe detyrimet e të drejtave të njeriut, dhe nëse marrëveshja ndihmon në ndarjen e përgjegjësisë për refugjatët në mënyrë të barabartë midis kombeve, në vend që ta zhvendosin atë.

Sipas ligjit ndërkombëtar për refugjatët, përgjegjësia kryesore për vlerësimin e kërkesave për azil dhe dhënien e mbrojtjes ndërkombëtare i takon shtetit në të cilin një azilkërkues arrin, qoftë në kufijtë tokësorë apo në det, dhe e kërkon atë mbrojtje. Ky detyrim mbetet i pandryshuar nga transferimi i azilkërkuesve apo përpunimi jashtëterritorial. Ndërsa marrëveshjet e transferimit ligjor për bashkëpunimin për azilin mund të bëhen ndërmjet shteteve, masa të tilla duhet të sigurojnë dhe përmirësojnë mbrojtjen e refugjatëve.

UNHCR vazhdimisht ka bërë thirrje për veprim për të trajtuar situatën e dëshpëruar në Mesdhe dhe për të garantuar solidaritet, veçanërisht me shtetet më të prekura. UNHCR njeh sfidat e paraqitura nga rritja e lëvizjeve të përziera dhe është e gatshme të punojë me shtetet për masa të ligjshme për t’iu përgjigjur në mënyrë më efektive ardhjeve, bazuar në ndarjen e përgjegjësive dhe në përputhje me standardet ndërkombëtare, në frymën e bashkëpunimit ndërkombëtar, me masa mbrojtëse dhe garanci adekuate. për të garantuar respektimin e të drejtave.

UNHCR po kërkon të diskutojë më tej detajet me qeverinë italiane dhe atë shqiptare për të kuptuar më mirë implikimet për refugjatët dhe njerëzit e tjerë që kanë nevojë për mbrojtje ndërkombëtare.

Euronews

[Albo]

Kush don me i pru skllavët fatkeq të botës nen çadrën e Shninit?

Nga Nesti Zefi

Kush don me i pru skllavët fatkeq të botës nen çadrën e Shninit?

Marrëveshja e djeshme në Romë ndërmjet Giorgia Meloni-it e Edi Ramës, ndryshe prej komenteve me tifozllëk me kriteret e rreshtimit politik militantesk, asht nji strategji e elitave globale masone, in primis fondacioni kriminal e diabolik i Soros-it. Ktu nuk ka asgja komplotiste dhe asht nen dritën e diellit çdo gja. Thjesht për kujtesë, po jap nji fakt domethanës të para disa muejsh, mbasi në shqiptarët e sidomos mediat të cilat në shumicë financohen prej aseteve kriminale me bekimin e ktyne OJQ po aq kriminale, janë në vështirësi me pa përtej hundës të tyne e kopjonit që u japin padronët e vet. Pra, nuk po japin shpjegime afër të vërtetës mbi rastin në fjalë; përkundrazi disa media e persona afër tyne publik, po mundohen me heq apo ba krahasime të sforcueme me historinë e emigracionin shqiptar dhe pritjen tonë në Itali, tue shantazhue qytetarët e përgjegjshëm që nuk duen nji kamp skllavnie në vendin tonë.

Fakti që due me zbulue asht domethënia e vizitës të Bill Klintonit në Tiranë me Aleksandër Soros dhe fill mbas asaj takimi i tyne gjys i mshehtë me Papa Franceskun, fokusi i të cilit ishte problemi I zbarkimeve të refugjatëve në Lampedusa dhe tensionet sociale me qytetarët italianë, të cilët kishin votue nji qeveri me agjendë elektorale kundra imigracionit masiv dhe të paligjshëm.

Dihet tashma botnisht që lobet masonike me në krye Soros, po bajnë çmos me shkul prej vendlindjes të tyne masa amorfe njerëzish për me i përdor si skllevër shantazhues e rezerv krahut të punës në Europë me qëllimin final të çrrënjosjes përfundimtare të lirive, demokracisë, shtetit të së drejtës, pra, të qytetnimit të kshtenë. Instrumentalizimi i Papa Franceskut dhe nji pjesë të mirë të Kishës Katolike asht fitorja provizore ma spektakolare e ktyne grupeve masone bashkë me industrinë kriminale që lëvizë në mrapavijë. Zgjedhja e Shqipnisë, ose ma mirë e Shninit dhe Giadrit, për shkak edhe të gjeografisë fetare, mund të jetë nji sugjerim i ambienteve të Kishës për me i angazhue vetë ata në nji model bamirësie pa vërtetsi me karakter filantropik, tipike e organizatave jo qeveritare masonike antiqytetare. Papa Benedikti I 16 thoshte me vizion profetik që para të drejtës me emigrue, ekziston e drejta me ndej në vendin tand, ndërsa Papa aktual, për shkak të nji plazmimit ideologjik në kulturën e tij dhe lexim të gabuem të situatës, bahet pa dashje aleat i multinacionales kriminale të skllavnisë.

Emergjencat artificiale, lufta periodike në çdo cep të globit, katalizimi i islamit radikal në këtë ndërmarrje diabolike skllavnie për me destabilizue Europën, janë pjesë e mirëmendueme e skenarit luciferrin të elitës e deep state global. Meloni e Rama si buratin apo vegla qorre ordinere e ksaj elitë kriminale, thjesht po i japin zbatim nji urdhni të qarte e të padiskutueshëm. Tashma, politika me kto njerëz të pilotuem ka mbarue, nji pjesë e Kishës me interferime e flirtime në vneshtën e kjoftëlargut po ashtu dhe ka ardhë bash koha që populli të marrë në dorë fatin e vet. Akti i parë duhet të jetë dezertimi në emën të koshiencës të organeve tona shtetnore për mos zbatim të marrëveshjes të paligjshme dhe reagimi kapilar i qytetarëve tonë në nji front unik për pshtimin kombëtar. Ne, nuk mund te bahena aleat të shkllavnisë, aq ma tepër ne shqiptarët ë vazhdojmë ta jetojmë ende këtë plagë të randë. Mos të hupim kohë të artë tue u ngatrrue ndër vedi me sebepe banale të induktueme prej helmit masonik, por secili simbas mundësive të veta njerzore, kulturore, intelektuale e fetare, të vehena në lëvizje me shmang rrezikun e përdhunimit të territorit e dinjitetit tonë dhe atyne të skllevnëve të shkretë modern që duen me na imponue.

Koha Jone

[Albo]

Kampi i refugjatëve në Shqipëri, PS për marrëveshjen me Italinë: Do të kalojë në Parlament



Nënshkrimi i protokollit të bashkëpunimit ndërmjet Shqipërisë dhe Italisë në strehimin e emigrantëve të paligjshëm në Shëngjin solli reagime të shumta në opinion.

Marrëveshja është komentuar për herë të parë edhe nga Partia Socialiste. I pyetur nga mediat, kryetari i Komisionit të Sigurisë, Nasip Naço thotë se ajo do të kalojë në parlament dhe për diskutim në komisionet parlamentare.

Qeveria u përgjigj duke publikuar disa të dhëna në rrjetet sociale nëpërmjet Agjencisë për Media dhe Informim. Aty nënvizohet se shteti italian do të marrë në përdorim sipërfaqe të territorit shqiptar për të ndërtuar me shpenzimet e saj strukturat pritëse.

Partia Demokratike e Bashës, ka bërë me dije se do të dërgojë në Gjykatën Kushtetuese marrëveshjen. Në dokumentin e firmosur nga deputeti Kreshnik Çollaku, thuhet se do t’i drejtohen Gjykatës Kushtetuese për të vlerësuar përputhshmërinë me ligjet e Kushtetutën e vendit, nisur nga faktin që kjo marrëveshje ka një ndikim të gjerë social.

Koha Jone

[Albo]

“Zëri i Amerikës”: Marrëveshja për migrantët mes Tiranës dhe Romës ngjall polemika



-Zëri i Amerikës-

Në Shqipëri opozita ka kritikuar marrëveshjen e firmosur dje në Romë mes kryeministres italiane Giorgia Meloni dhe kryeministrit shqiptar Edi Rama, e cila parashikon ngritjen në territorin e Shqipërisë të dy qendrave për pritjen e migrantëve, duke ngritur dyshime për mungesën e trnsparencës rreth saj. Komiteti shqiptar i Helsinkit i tha Zërit të Amerikës se një akt i bërë fakt i kryer, pa konsultime paraprake, ngre pikëpyetje. Komisioni europian po ashtu deklaroi sot se ka kërkuar infomacione të detajuara nga Italia duke qenë se bëhet fjalë për një marrëveshje që ndodh për herë të parë mes një vendi anëtar dhe një shteti jo anëtar.

Marrëveshja me Italinë parashikon që pala shqiptare të ofrojë vetëm pjesë të territorit të saj ku do të ngrihen dy qendra me një kapacitet maksimal prej 3 mijë vendesh, për migrantët e nisur nga veriu i Afrikës, të cilët shpëtohen në det nga anijet ushtaraka italiane apo ato të Guardia di Finanza-s. Çdo shpenzim mbulohet nga pala italiane, ndërkohë që policia shqiptare merr përsipër të garantojë sigurinë në perimetrin e jashtëm të dy qendrave, një në Shëngjin e tjetra në Gjadër.

Për kryetarin e Partisë Demokratike, Lulzim Basha, është e papranueshme që ndërsa shqiptarët po largohen nga keqqeverisja sipas tij, hapen kufinjtë për emigrantët e paligjshëm. “Detyra e parë është të vij të bëjë transparencën se kush i ka dhënë mandat të negociojë, me cilindo vend. Italia është një vend mik, aleat, partner, padiskutim, por këto janë interesa kombëtare, s’mundesh nga njëra anë të përzësh shqiptarët, nga ana tjetër të hapësh kufirin për emigrant të paligjshëm. Mbi çfarë baze? Me çfarë kushtesh?” u shpreh zoti Basha.

Pasdite, Partia Demokratike, bëri të ditur se deputeti i saj Kreshnik Çollaku ka kërkuar interpelancë me kryeministrin “për të bërë transparencë, përpara qytetarëve shqiptarë të arsyeve që kanë çuar Kryeministrin e Shqipërisë në këtë vetëofrim, pa asnjë kosultim publik, kur vendet europiane e kanë refuzuar atë, pavarësisht kapaciteteve për të menaxhuar këtë fluks emigrantësh”.

Ish kryeministri Sali Berisha tha se zoti Rama sipas tij “nuk ka autoritetin moral e as ligjor” për të nënshkruar një marrëveshje të tillë, duke kujtuar se mes Italisë dhe SHqipërisë ekziston një akt i përbashkët i firmosur shumë vite më parë: “Ne, njohim marrëveshjen që kemi firmosur me Italinë për të rikthyer në Shqipëri ata emigrantë të huaj që mund të kalojnë nga Shqipëria në Itali. Përndryshe u them miqve të mi italianë mos harroni se sipas statistikave të Eurostat, nga viti 2014 deri në vitin 2021, janë larguar më shumë se 100 mijë shqiptarë çdo vit për në Itali, Greqi dhe në hapësirën e Shengenit”.

Kryeministri Rama deklaroi dje se Shqipëria është borxhlije ndaj Italisë, dhe se për këtë arsye, një marrëveshje të tillë nuk do e kishte firmosur me asnjë shtet tjetër. Por nënkryetari demokrat i Parlamentit Agron Gjekmarkaj, u shpreh sot përmes një statusi në Facebook se pavarësisht mirënjohjes ndaj Italisë, Shqipëria sipas tij nuk është gati “ende gati për të ndermarrë hapa të tillë “mikpritjejë” , duke vënë në pah krizën e migrantëve të cilën “Italia mezi po e menaxhon mes shumë polemikash atje dhe kemi të drejtë të dyshojmë shumë për këtu”.

Komiteti shqiptar i Helsinkit i tha Zërit të Amerikës se “pikëpyetja që lind në kushtet kur kjo marrëveshje duket se bëhet faktike, pa asnjë proces konsultues gjithëpërfshirës, është se si do të mund Shqipëria të ndihmojë fqinjët pa dhënë rezultate të qëndrueshme e të qenësishme lidhur me këtë fenomen që ka prekur atë vetë, si një vend transit”, u shpreh drejtoresha Erida Skëndaj duke shtuar se “Kampet e refugjatëve edhe në vetë vendet e Bashkimit Evropian në jo pak raste kanë shfaqur një sërë problematikash në drejtim të respektimit të të drejtave të këtyre shtetasve, sa i takon kushteve dhe trajtimit jo adekuakt që kanë cenuar dinjitetin e tyre njerëzor, abuzimet e rënda që kanë ndodhur me ta, përdorimin apo shfrytëzimin e tyre nga organizata kriminale. Në kontekstin shqiptar, të gjitha këto risqe amplifikohen dhe janë më të shtuara”.

Sipas zonjës Skëndaj “kalimi i këtyre shtetasve nga Italia në Shqipëri nuk mund të justifikohet objektivisht, nëse marrim në konsideratë hapësirën gjeografike të secilit shtet, statusin e tyre ne raport me Bashkimin Evropian, zhvillimin ekonomik, social, kapacitetet pritëse por edhe nivelin e respektimit të të drejtave të njeriut si dhe vetë detyrat që i janë lënë Shqipërisë nga Komisioni Evropian në raportin e fundit screening”.

Marrëveshja e djeshme u pasua me polemika të shumta dhe në Itali. Kreyministrja Meloni, e cila vjen nga e djathta nacionaliste, u ngjit vitin e kaluar në pushtet duke premtuar frenimin e migracionit, por në fakt prurjet janë gati dyfishuar. Opozita italiane ngriti pikëpyetje mbi rrezikun e shkeljes së normave dhe konventave ndërkombëtare, si dhe me vetë dobinë e këtij akti.

Komisioni europian deklaroi sot se “ne jemi në kontakt me autoritetet italiane për detajet, sepse ne duhet të shohim detajet e kësaj marrëveshje dhe kemi kërkuar të kemi informacion për to”, theksoi zëdhënësja Anitta Hipper, duke shpjeguar se Komisioni kishte qenë paraprakisht në dijeni të marrëveshjes dhe me sa është njohur deri tani, ajo nuk duket të jetë e ngajshme me atë mes Britanisë së Madhe dhe Ruandës.

VOA