Ka kohe qe shkelqen politikani i ri e me te ardhme Sokol Olldashi..
Dje ai u beri nje dush pervelues Mafiasheve te Ps-es.
RD
--
diskutimi i Olldashit..deputet i PD-se..
-------------------
Dokumenti i zyrës së Taksave. Si vidhet shteti nga ministri i Bujqësisë, Agron Duka
Duka, pasuri 34 milionë dollarë, taksa 191 mijë lekë
Meqenëse ky është një debat që duhet t'i referohet të vërtetës, unë do të përpiqem që të sjell disa të vërteta krejt ndryshe nga marmalata që gëlltiti sot zoti Nano dhe meqenëse tema e këtij debati është konflikti i interesit, raste të tilla përgjithësisht ne përfaqësuesve të opozitës i pari që na kujtohet, është zoti Duka.
Duke u përpjekur për debatin e sotëm, pikërisht për të thënë të vërteta dhe jo retorika politike me ndihmën e një socialisti të xhindosur, arrita të depërtoj në Zyrën e Taksave të Durrësit, dhe të marr disa letra shumë interesante të cilat do t'jua paraqes.
Ky është vlerësimi tatimor për tatimin mbi fitimin të kompanisë "Aiba". I përket vitit 2003, i rakorduar në 18 janar 2005. Pra, është dokumenti zyrtar i fundit për këtë firmë. Tatim fitimi që është në nivelin prej 25%, për një vit ka paguar vetëm 191 mijë lekë që i bie 3 të mijëtat e xhiros, ndërkohë që tatimi që paguan biznesi i vogël, d.m.th. kioskat në cepin më të humbur të këtij vendi ka qenë 4% e xhiros, gjë që do të thotë që fqinji im që shet cigare në ballkon, i paguan shtetit 12 herë më shumë se Duka.
Pra, zoti ministër, sipas shifrave që relatohen nga zyra e taksave paguan 191 mijë lekë, kur sipas mesatares së asaj pjese të biznesit që i shlyen detyrimet shtetit, duhet të paguante 30-40 milionë lekë.
Asgjë tjetër, veç nënshtrimit të shtetit ndaj pushtetit të njeriut të fortë të Nanos nuk mund të shpjegojë një situatë e tillë.
Sipas këtyre të dhënave del se fitimi vjetor i zotit Duka është diçka më shumë se katër mijë dollarë, gjë që do të thotë se për të vënë një pasuri prej 34 milionë dollarësh, aq sa ka deklaruar shtypi, Dukës do t'i duheshin 7234 vjet, periudhë që na çon në epokën e tiranosaurëve. Por ne nuk kemi asnjë dëshmi historike që dukosauri i parë të jetë marrë me biznes.
Për më tepër, nëse fitimi i gjithë ndërmarrjes së Dukës është vetëm 4 mijë dollarë, më mirë ta mbyllë biznesin se kursen më shumë nga rroga e deputetit dhe shpëton edhe nga andrallat në të njëjtën kohë. Le të shohim pasqyrën e TVSH-së për firmën e Agron Dukës.
Për vitin 2003, kur ka realizuar shitje në vlerën 620 milionë lekë, Duka ka paguar TVSH 8 milionë lekë dhe po në të njëjtin vit është rimbursuar apo më mirë i janë kthyer nga shteti 20 milionë lekë.
Pra, gjatë një viti që pasqyrohet në tabelën e TVSH-së, Duka i ka paguar shtetit 8 milionë e 191 mijë lekë dhe ka marrë prej tij 20 milionë lekë. Bëni vetë diferencën se kush del i fituar, Duka apo shteti.
Kam edhe disa letra të tjera për shoqërinë OERD dhe SUCRALBA, që janë pronë e grupit Koka, dhe situata është pak a shumë e ngjashme.
Nisur nga shifrat që unë sapo ju paraqita, më duket se debati i sotëm për konfliktin e interesave është koncept i gabuar.
Këtu nuk kemi të bëjmë më me njerëz që kanë konflikt midis interesit publik dhe interesit privat, por kemi të bëjmë me njerëz që kanë vetëm interesa private, njerëz që e trajtojnë këtë vend si plaçkë. Ky nuk është konflikt interesi, ky është konflikt social.
Kemi të bëjmë me të njëjtin tip, me të njëjtin model që po përsëritet në Shkodër, Vlorë, Korçë, Elbasan. Banditë ose hajdutë, por më të parapëlqyerit për kryeministrin tuaj janë ata që i kanë të dyja cilësitë. Ne kemi vite që paralajmërojmë për këtë rrezik, por së fundi edhe një pjesë e vogël e juaja po fillon të kuptojë që beteja tashmë është nëse do të ndërtojmë një vend normal, europian, me rregulla loje të barabarta për të gjithë apo do të lejojmë që dukosaurët e rinj, që po përhapen kudo, të mbeten specie mbizotëruese dhe ta shndërrojnë Shqipërinë në një xhungël të dominuar prej tyre.
Zotërinj deputetë,
Si një njeri që politikën nuk e konsideroj biznes të pataksueshëm, por, për-kundrazi, një sakrificë parimore në shërbim të së ardhmes, unë deklaroj sot se do të jem kandidati i Partisë Demokratike në zonën elektorale 26 në Shijak, për të shkulur prej andej Agron Dukën. Por Agron Duka nuk është më një individ. Duka po shndërrohet me shpejtësi në një fenomen dhe ndaj këtij fenomeni, secili duhet të bëjë detyrën e vet.
--------------------------------------
Te lumt goja e mendja Sokol !
Rd
----
Nano: "Nanokopter është e Xhoit, jo e imja"
Kryeministri Fatos Nano pranoi dje në Parlament se grabitjet e tij dhe të anëtarëve të kabinetit që drejton, janë akte normale të shtetit që socialistët kanë ngritur gjatë këtyre viteve. I thirrur nga opozita në Parlament për të debatuar lidhur me konfliktin e interesave, Nano tha se ligjet e mia nuk pengojnë asnjë nga ministrat e mi që të rrjepin pasurinë e këtij vendi. Edhe Kushtetuta e miratuar pa demokratët nuk na pengon, theksoi ai.
Realiteti qeverisës i këtij vendi është në harmoni me deklaratat e Nanos. Një shtet i ngritur në funksion të interesave të biznesit, familjes dhe miqve të tij, nuk krijon kurrfarë konflikti brenda tij. Për kryeministrin Nano ka kohë që janë shembur muret që mbajnë larg babëzinë e tij dhe të ministrave në të mirat e pakta që krijohen në Shqipëri. Gjithçka shtetërore është shndërruar në çifligun e Nanos e të bandës që drejton. Në të gjitha monopolet e krijuara në vend, në mos është bosi i madh dhe i vetëm, është partneri i parë. Miliona e miliona dollarë çdo vit kalojnë në llogaritë e tij brenda dhe jashtë vendit, dhe asgjë nuk e frenon maninë e tij për të qenë pjesë e çdo korrupsioni dhe grabitjeje, sado e vogël qoftë. Tashmë, arka e shtetit të varfëruar shqiptar është xhepi i Fatos Nanos dhe nuk ka ligj që e ndal këtë rrjedhje.
Nuk mund të gjendet konflikt interesash në mentalitetin banditesk dhe grabitës të Nanos, dhe pasuesve të tij. Ata kanë krijuar një model unik shqiptar në qeverisje. Sistemi i qeverisjes së këtij vendi është i njëjtë me sistemin e grabitjes së pasurive të shqiptarëve. Shkallët e hierarkisë së pushtetit janë të njëjta me ato të bandës që kontrollon të gjithë ekonominë informale në vend. Termi konflikt nuk ekziston, pasi as Nano dhe ministrat e tij nuk bëjnë ndonjë favorizim të bizneseve të tyre. Nano dhe ministrat e tij kanë uzurpuar qeverisjen e këtij vendi, dhe e gjithë administrata e kontrolluar prej tyre është në shërbim të plotë të bizneseve të tyre. Për ta nuk ekziston një interes shtetëror dhe një interes privat, pasi ky i fundit është i vetmi që sundon në shtetin e tyre. Administratorët, menaxherët dhe kontrollorët e sistemit të ngritur nga socialistët nuk janë veçse ingranazhe të një sistemi që grabit pa ndërprerje dhe ka krijuar milionerët Nano, Angjeli, Duka, Malaj, Poçi e me radhë.
Konflikti i vetëm që krijohet në sistemin e Nanos janë ata që provojnë të grabisin jashtë interesit të tij. Dhe ai ka treguar se askush nuk mund të punojë jashtë këtij sistemi. Harbutërinë, përçmimin dhe hakmarrjen e tij e kanë ndjerë jo pak zyrtarucë socialistë, që i vë dhe i heq si gurë shahu. Kushdo e di se Nano nuk të falë nëse konflikton interesin e tij dhe të bandës që e ndjek. Në këtë pikë ai e zbaton ligjin.
Artur Kopani
Socialistët mbrojnë bizneset e tyre në interpelancën për konfliktin e interesave
Kryeministri nuk mohon asnjë nga akuzat e drejtpërdrejta
Kryeministri Fatos Nano nuk pati guximin të mohonte asnjë nga akuzat e drejtpërdrejta të kryetarit të PD-së, për përfshirjen personale të tij në drejtimin e bizneseve që bien ndesh me Kushtetutën. Jo vetëm kaq, por kryeministri nuk arriti të thotë asnjë fjalë edhe kur Berisha e akuzoi atë se kompania e helikopterëve të gruas së tij është transportuesja kryesore e sasive të mëdha të drogës, me drejtim Korfuzin dhe Kukësin. Nano pretendoi se akuzat i bëhen për shkak të fushatës elektorale dhe harroi se këto akuza nuk janë prodhim vetëm i opozitës, por edhe i denoncimeve të vazhdueshme në media të organizmave ndërkombëtare.
"A nuk përbën konflikt interesash nëqoftëse pranon dhuratë "Benz"-in 360 mijë Euro? A nuk përbën konflikt interesash një dhuratë e tillë dhe a nuk lartësohesh në krye të piramidës së ryshfeteve kur Banka Botërore dhe jo Sali Berisha deklaron vetëm një muaj më parë në raportin e vet se "ryshfeti në administratën e Fatos Nanos është fiks 1.4 miliard dollarë?", tha dje Berisha në parlament, por nuk mori asnjë përgjigje nga kryeministri.
Kryetari i Partisë Demo-kratike i përsëriti akuzat e tij për kryeministrin në seancën me debat që u zhvillua dje në Parlament, të thirrur nga Partia Demokratike në lidhje me konfliktin e interesave që prek të gjithë qeverinë aktuale socialiste. Seancën e hapi kryetari i Grupit parlamentar të Partisë Demokratike, i cili në fjalën e tij shpjegoi edhe motivin përse ishte thirrur interpelanca me kryeministrin. "Kërkuam këtë mocion me debat me ju, zoti kryeministër, bazuar në nenin 98 të Rregullores së Kuvendit, për një çështje esenciale që lidhet me zbatimin korrekt të Kushtetutës së Shqipërisë, pikërisht të nenit 103, pika 2 e saj, ku në mënyrë eksplicite thuhet: "Ministri nuk mund të ushtrojë asnjë veprimtari tjetër shtetërore dhe as të jetë drejtues ose anëtar i organeve të shoqërive fitimprurëse", frazë në të cilën shprehen qartë detyrimet kushtetuese të ministrave, për të mos hyrë në asnjë çast dhe rrethanë në konflikt të hapur apo të fshehur interesi me pozicionin e tyre zyrtar". Ndërkohë duke përjashtuar vetëm pak deputetë që i kanë ngelur Partisë Socialiste, të gjithë deputetët në Parlament akuzuan kryeministrin dhe qeverinë e tij se kanë shkelur atë pikë të Kushtetutës që përmendi deputeti Bamir Topi. Ministrat më të akuzuar mohuan akuzat, ndërsa aleati i tyre i majtë, Gaqo Apostoli, tha se zgjedhjet e ardhshme parla-mentare janë të rrezikuara për shkak të konfliktit të gjerë të interesave të ministrave aktualë të qeverisë.
PD paralajmëron nismë urgjente parlamentare për të mbrojtur pasuritë publike
10 konçensione para zgjedhjeve nga Nano
"Partia Demokratike ka garantuar se do të marrë të gjitha nismat e nevojshme ligjore për t'i dhënë fund praktikës abuzive të konçensioneve të përdorura nga qeveria aktuale, duke paralajmëruar se do të ketë një nismë urgjente parlamentare për të mbrojtur pasurinë publike". Këto komente, kryetari i Partisë Demokratike, Sali Berisha, i bëri dje gjatë një konference shtypi, një ditë pasi kishte takuar shefin e Bankës Botërore në Tiranë.
Berisha u tha gazetarëve se "dëshiroj t'ju informoj ju dhe opinionin publik se dje kam patur një takim me drejtuesin e Bankës Botërore në Shqipëri, takim ky me dëshirën e tij". Në këtë takim, sqaroi Berisha, "çështje kryesore e ngritur nga shefi i BB për Shqipërinë ishin praktikat e dëmshme, jo transparente, tepër të dëmshme për interesat e publikut shqiptar dhe ekonomisë, konçensionet e përdorura nga qeveria aktuale".
Në vazhdim, Berisha tha se "përfaqësuesi i BB më siguroi se ai ia ka ngritur këtë shqetësim në mënyrë të përsëritur qeverisë shqiptare. Pas këtij takimi, unë e garantova shefin e BB se do të marrim të gjitha nismat e nevojshme ligjore për t'i dhënë fund kësaj praktike të turpshme, që dhunon në mënyrë flagrante interesin e qytetarëve më të varfër të Europës".
Berisha bëri të ditur se "pas këtij takimi, unë informohem se kryeministri Fatos Nano ka bërë gati 10 konçensione të tjera, që të gjitha në kundërshtim flagrant me ligjin, standartet ndërkombëtare dhe në interes të plotë të xhepave e arkës së tij private. Në Këshillin e Ministrave janë dokumentat për 10 konçensione të tjera. Në këtë kontekst, do të ketë një nismë urgjente parlamentare për të mbrojtur këto pak pasuri publike që kanë mbetur të qytetarëve shqiptarë. Janë konçensione të paimagjinueshme, padyshim për të gjitha këto ne do të informojmë institucionet ndërkombëtare, të cilave u jemi mirënjohës për shqetësimin serioz dhe masat që ata kanë marrë". Kryetari i PD-së, Berisha, njoftoi se në ditët në vazhdim do të trajtojë më gjerësisht çështjen e konçensioneve të qeverisë aktuale.
M.B
Krijoni Kontakt