Pse shkoj pra asthue ky ne Tirane????????????????
Anulohet takimi Kosumi-Islami
Shekulli
TIRANË – Kryeministri i Kosovës, Bajram Kosumi, anuloi dje takimin me ministrin e Punëve të Jashtme Kastriot Islami. Protokolli i shtetit kishte parashikuar një takim të veçantë të Kosumit me Islamin, por në momentin e fundit takimi është hequr nga axhenda e kryeministrit kosovar. Zyra e shtypit e Ministrisë së Jashtme pohoi se ky ishte një gabim i protokollit të kësaj ministrie, pasi nuk është në praktikën e vizitave të tilla që një kryeministër të vizitojë Ministrinë e Jashtme . Nga ana tjetër Islami e ka shoqëruar Kosumin gjatë takimeve që ai ka zhvilluar qoftë me kryetarin e Kuvendit, qoftë me presidentin e Republikës. Ndërkaq, anulimi i vizitës së kryeministrit kosovar Kosumi në zyrën e ministrit tonë të Jashtëm Islami është komentuar nga opozita edhe si një “mosdëshirë” nga ana e të parit, pikërisht pas firmosjes së marrëveshjes me homologun e tij të Unionit Serbi-Mali i Zi, Vuk Drashkoviç, ku Kosova njihej si pjesë e territorit të Jugosllvisë. Në fakt kjo u shpjegua si një gabim teknik nga Ministria e Jashtme, por një problem i tillë i zbuluar në një nga mbledhjet e qeverisë solli mjaft reagime. Gjithsesi, anulimi i vizitës së Kosumit në Ministrinë e Punëve të Jashtme nuk ka pasur ndonjë arsyetim zyrtar.
Kryeministri i Kosovës takon kreun e Kuvendit Pëllumbi dhe presidentin Moisiu
Kosumi: Na ndihmoni për pavarësinë
“Kërkojmë mbështetjen politike dhe diplomatike të Shqipërisë që 2006-ta të ndryshojë historinë e Kosovës”
Darina Tanushi
TIRANË – Viti i ardhshëm do të jetë viti vendimtar për zgjidhjen e statusit të Kosovës që sot më shumë se kurrë paraqet një Kosovë të pavarur, është shprehur dje kryeministri i ri i Kosovës Bajram Kosumi, pas takimit me kryetarin e Kuvendit, Servet Pëllumbi. Sipas Kosumit, Kosova kërkon mbështetjen politike dhe diplomatike të Shqipërisë në mënyrë që viti 2006 të ndryshojë historinë e Kosovës. “Ne kemi nevojën të krijojmë një strategji unike me sa më shumë shtete europiane rreth statusit final të Kosovës dhe roli i Shqipërisë në këtë rast është shumë i madh, duke ditur lidhjet e shtetit shqiptar me shtetet e tjera, qoftë me shtetet në rajon qoftë edhe më gjerë për integrimin e Kosovës në proceset rajonale”, tha Kosumi. Ndërsa kreu i Kuvendit Pëllumbi tha se “ne kurdoherë kemi qenë në mbështetje të popullit të Kosovës, në mbështetje të të institucioneve të Kosovës të cilët po luajnë një rol me të vërtetë historik, tepër të rëndësishëm për përgatitjen e standardeve dhe të gjitha kushteve për zgjidhjen përfundimtare të çështjes së Kosovës”.
Moisiu
Ndërsa në takimin me presidentin e Republikës, Kosumi falënderoi autoritetet shqiptare për rolin që kanë luajtur dhe po luajnë në çështjen e Kosovës, duke theksuar edhe një herë vitin e ardhshëm si një vit që mund të sjellë finalizimin e statusit të Kosovës. Ndërsa presienti i Republikës Moisiu uroi kryeministrin kosovar Kosumi për detyrën e re dhe shprehu kënaqësinë për takimin. Duke vlerësuar aktin dinjitoz të ish-kryeministrit Haradinaj, kreu i shtetit shqiptar e cilësoi atë hero të luftës dhe të paqes dhe njëkohësisht vuri në dukje pjekurinë e klasës politike kosovare. Presidenti Moisiu tha se politika dhe gjithë spektri politik shqiptar janë në një zë për të ardhmen e Kosovës dhe ritheksoi qëndrimin e tij se për fatin e Kosovës do të vendosin qytetarët e saj (shqiptarë, serbë, boshnjakë, romë, ashkali) në bashkëpunim me faktorin ndërkombëtar; zgjidhja përfundimtare e kësaj çështjeje do të qetësonte jo vetëm Kosovën, por të gjithë rajonin. Kreu i shtetit nënvizoi rëndësinë që ka zhvillimi i dialogut për çështje teknike midis Prishtinës e Beogradit dhe përshëndeti deklaratën e kryeministrit Kosumi në këtë drejtim. Presidenti Moisiu theksoi rëndësinë që ka zhvillimi i marrëdhënieve mes Shqipërisë dhe Kosovës dhe vuri në dukje angazhimin e shtetit shqiptar dhe të tij personal për të kontribuar në përputhje me detyrimin kushtetues. Nga ana e tij, kryeministri Kosovës, Bajram Kosumi duke shprehur mirënjohjen për pritjen e rezervuar e mbështetjen që presidenti Moisiu i ka dhënë kësaj çështjeje, informoi kreun e shtetit shqiptar për programin e qeverisë së tij. Ai vuri në dukje faktin se përparësi në këtë program kanë përmbushja e standardeve të kërkuara nga komuniteti ndërkombëtar, por mjaft të domosdoshme për vetë Kosovën, zhvillimi i ekonomisë dhe fillimi i bisedimeve për statusin final për të cilën shprehu besimin që nga mesi i vitit të ardhshëm të finalizohet. Kosumi tha se qeveria që ai drejton po punon për të krijuar kushtet që qytetarët e saj të ndjehen njësoj dhe të jetojnë të qetë në Kosovë. Në takim mori pjesë ministri i Jashtëm Islami dhe shefi i misionit të Shqipërisë në Kosovë Bashkim Rama.
shekulli
Protokolli, deshton takimi Islami-Kosumi
E Diele, 03 Prill 2005
Kryeministri i Kosoves, Bajram Kosumi, nuk ka zhvilluar nje takim te parashikuar mengjesin e djeshem me Ministrin e Puneve te Jashtme te Shqiperise, Kastriot Islami. Protokolli ndaloi qe drejtuesi i nje qeverie te pritej nga nje minister, per me teper ne zyren e tij. Si u perfshi ne axhende biseda Islami-Kosumi dhe anullimi i saj
Elton METAJ
Kryeministri i Kosoves, Bajram Kosumi, nuk ka zhvilluar nje takim te parashikuar mengjesin e djeshem me Ministrin e Puneve te Jashtme te Shqiperise, Kastriot Islami. Shefi i qeverise se Kosoves, ne diten e dyte te vizites ne Shqiperi, mesohet se e ka cilesuar si te papershtatshme nga ana protokollare takimin me Islamin, per me teper ne seline e Ministrine se Puneve te Jashtme. Ndaj takimi i ores 09.00 nuk eshte zhvilluar dhe Kryeministri Kosumi ka vijuar axhenden e parashikuar te bisedimeve me Presidentin Alfred Moisiu dhe kreun e Parlamentit, Servet Pellumbi. Ne mesdite, sipas programit, Kosumi dhe delegacioni qe e shoqeronte ka vizituar Krujen, nen shoqerine e Ministrit te Financave, Arben Malaj.
Burime diplomatike thane per "Korrieri"-n, se ne axhenden e shkembyer dhe rakorduar fillimisht mes Tiranes dhe Prishtines, nuk ka patur asnje takim te parashikuar mes Islamit dhe mikut kosovar. Bajram Kosumi u prit ne aeroportin e Rinasit te premten pasdite nga Ministri i Shtetit per Koordinimin, Marko Bello dhe menjehere iu drejtua selise se Kryeministrise. Per pasardhesin e Ramush Haradinajt ishin rreshtuar truprojat e nderit dhe ishte shtruar tapeti i kuq. Bisedimet koke me koke, pastaj me delegacionet dhe se fundmi konferenca e shtypit kane zgjatur rreth dy ore. Nano dhe Kosumi kane darkuar bashke, ndersa Ministria e Puneve te Jashtme njoftoi se Kryeministri i Kosoves do te takohej edhe me kryediplomatin shqiptar.
Por gjithcka eshte anulluar mengjesin e djeshem, kur specialistet e protokollit kane arsyetuar se Kosumi, duke qene nje Kryeminister, nuk mund te pritet nga Ministri i Puneve te Jashtme te nje vendi tjeter, qofte ky edhe Shqiperia. Per kete arsye, Kryeministri 45 vjecar eshte lene te pushoje edhe nje ore me teper, per t'iu drejtuar me pas Presidences Shqiptare (Korrieri)
Krijoni Kontakt