Zgjedhjet parlamentare ne Maqedoni

[Beqari002]

Mendoj se eshte e rruges qe te japim mendimet dhe vlersimet tona rreth ktyre zgjedhje per te cilat gjate ketij gjysem viti eshte ngritur nje pluhur mjaft i madh jo vetenm nga maqedonasit-sllavet por edhe nga shume parti politike shqipetare dhe vet lidert e tyre.


MAQEDONI: Incident me armë, rrihen dy gazetarë


SHKUP (15 shtator) - Pasditen e sotme u dëgjuan të shtëna me armë zjarri pranë nje qendre votimi ne fshatin Lesok ne veriperendim te Maqedonise. Dëshmitarë okularë thanë se një grup i armatosur ka hyre në qendrën e votimit, dhe ka vjedhur kutine e votimit ku ndodheshin fletevotimet e personave qe kishin votuar. Pasi dolen nga qendra e votimit ata shtine disa here ne ajer me arme automatik dhe me pas u larguan. Nuk ka njoftime për viktima. Incidenti eshte konfirmuar edhe nga Komisioni Qendror Zgjedhor ne Shkup, qe e cilesoi ate si me te rendin te ndodhur qe prej fillimit te procesit te votimit. Nderkohe, ne afersi te fshatit Kosel dy gazetare maqedonas te televizionit privat TVM te Ohrit jane rrahur dhe vjedhur. Gazetaret ishin duke filmuar nje perleshje mes dy grupe njerezish ne afersi te nje qendre votimi. ro/ko (ANSA/BalkanWeb

[Beqari002]

MAQEDONI: Shënohen incidentet e para gjatë votimit


SHKUP (15 shtator) - Komisioni qendror zgjedhor ne Shkup beri te ditur se gjate oreve te para te votimit u shenuan disa incidente te vogla. Ne fshatin Vratenice nje aktivist shqiptar i Bashkimit per Integrimin Demokratik, te drejtuar nga ish komandanti i UÇK- se Ali Ahmeti, u plagos pasi u godit me pistolete ne koke nga disa individe qe tentonin te hynin me force ne nje qender votimi. Ndersa ne komunen Stip nje vezhgues maqedonas eshte goditur nga disa manifestues. Menjehere ne vendngjarje mberriten forcat e policise dhe nje grup vezhguesish te OSBE-se. Nderkaq, ne komunen Stajkosçi ne afersi te kryeqytetit Shkup, nje grup personash tentuan te hidhnin ne kutite e votimit disa flete votimi te plotesuara. Ne fshatin Mavroviani ne veriperendim te vendit u verifikua se nuk eshte zhvilluar procesi i votimit. Pronari i godines ne te cilen ishte vendosur kutia e votimit ne momentet e fundit perpara nisjes se votimit, vendosi te mos shfrytezohej ambienti, pasi sipas tij, qeraja e dhene ishte e pamjaftueshme. ro/ko (ANSA/BalkanWeb)

[Beqari002]

Si duket edhe pse gjate tere kohes u be nje zhurme mjaft e madhe rretrh ketyre zgjedhje sllave ne Maqedoni,serish do te vazhdoj ai avazi i vjeter me partite politike shqipetare.Po duket se partit shqipetare kane bere nje tradite ne kete drejtim e partin e te "madhit Xhaferi" qe ishte dora e djathte e Georgievskit dhe klikes se tij tani do e zavendsoj per tek Cervenkovski BDI.
Per mendimin tim kjo nuk tingllon aspak mire por cka ti bejshe,sepse une mendoj se keta te dy jane te njejte si Cervenkovski apo Georgievski sepse thote nje fjale e menqme jona "Ali Hoxha,Hoxh Alia" mendoj se eshte e njejte vetem kemi bere nderrimin e vendeve te emrave e mbiemrave.




MAQEDONI, BDI: Stabiliteti i qeverisë, varet nga pjesëmarrja jonë në të


TETOVE (16 Shtator) - Partia e ish-shefit të luftëtarëve shqiptarë, Ali Ahmeti, u shpreh sot se "stabiliteti i qeverisë së ardhshme maqedonase, do të varet nga pjesëmarrja e saj në një koalicion qeveritar". "Asnjë opsion tjetër nuk do të vlejë nëse duam që të kemi një qeveri të qëndrueshme në Maqedoni" - i deklaroi shtypit Teuta Arifi, zv.kryetare e Bashkimit Demokratik për Integrimin (BDI). "Parimi demokratik kërkon që për të patur një pushtet ekzekutiv të qëndrueshëm duhet që, partia që ka marrë numrin më të madh të votave nga elektorati shqiptar të bëjë pjesë në të dhe kjo është BDI-ja, deklaroi Arifi kur e pyetën se çfarë do të ndodhte nëse SDSM-ja do t'i propozonte një partie tjetër shqiptare të formonte një koalicion. "Shpresojmë se vullneti i zgjedhësve që votuan masivisht për BDI-në do të respektohet", tha ajo. anjo



Oj sharki e lehte si era , a ka aedhur ne Shqiperi pranvera?

[erzeni]

## Përse duhet të humbte Arbën Xhaferri?


. . . . . . . . . . . . . . . . . . . . . . . . . . . . . . . . . . .

16 shtator 2002 / Mero Baze
Ish-udhëheqësi i Ushtrisë Çlirimtare Kombëtare të shqiptarëve në Maqedoni arriti për herë të parë të thyejë traditën shqiptare në Ballkan, duke kthyer fitimtarët e luftës në fitimtarë të zgjedhjeve.
Votimet e 15 shtatorit në Maqedoni provuan se qytetarët e shtetit më me ankthe të Ballkanit janë duke rendur drejt liderëve që sjellin më shumë siguri për komunitetet që u përkasin.
Kështu, shqiptarët u desh të votonin për një udhëheqës të cilin një vit më parë e pranuan për herë të parë të hynte lirshëm në Maqedoni, ndërsa maqedonasit u kthyen te socialdemokratët e dalë nga rrënojat e ish-Partisë Komuniste Jugosllave, të cilët japin më shumë siguri për nostalgjikët e vjetër të stabilitetit të Maqedonisë.
Por ajo që ka habitur më shumë vëzhguesit nuk është fitorja e Ahmetit dhe Crvenkovskit se sa humbja e thellë e qendrës së djathtë shqiptare dhe maqedonase.

Arbën Xhaferri




Arbën Xhaferri, i humbur apo i konsumuar?

Partia Demokratike Shqiptare e Arbën Xhaferrit ishte për dy-tre vitet e fundit thuajse faktori kryesor politik në Maqedoni.
Një parti e fraksionuar nga Partia e Prosperitetit Demokratik të krijuar në vitin 1990 në Maqedoni me ndihmën e demokratëve në pushtet, në Shqipëri kjo parti arriti të ishte një opozitë bindëse dhe avancuese për promovimin e ideve të reja të shqiptarëve në Maqedoni.
Profili i saj politik u rrit në disa fushata elektorale në vitin 1995-1996, derisa në zgjedhjet e vitit 1998 arriti të fitojë si parti e parë dhe të hyjë në koalicion me nacionalistët maqedonas të VMRO-DPMNE-së.
Në atë kohë u mendua se dy partitë e qendrës së djathtë, njëra e ardhur në pushtet me retorikë probullgare dhe tjetra me retorikë proshqiptare, do të bënin më shumë për shpërthimin e kornizës që mbante të mbytur zgjidhjen e problemeve në Maqedoni.

Dhe në fakt, diçka bënë në këtë fushë. Ky koalicion ishte i pari që guxoi të vepronte në Maqedoni dhe të merrte përsipër faturën e reformave politike.
Pavarësisht individëve dhe kontekstit në të cilat u vendosën reformat politike, mund të thuhet se për herë të parë shqiptarët në Maqedoni arritën të jenë faktor vendimtar në zgjedhjen e presidentit dhe të fitojnë thuajse në praktikë të drejtën e përdorimit të gjuhës dhe të Universitetit, megjithë shmangien nga projektet fillestare.
Koalicioni i Xhaferrit me nacionalistët maqedonas, po ashtu i hapën rrugë një hapësire më të madhe për të ekstremizuar situatën në Maqedoni dhe për t’i dhënë krah fantazisë së dy palëve, herë-herë dhe për ta prishur Maqedoninë.
Pa një koalicion të tillë, zor se shqiptarët do të kishin shkuar drejt rrëmbimit të armëve dhe zor se “Luanët” e Boshkovskit do të irritonin pjesën tjetër të popullsisë në atë shkallë sa e irrituan. Pra, në njëfarë mënyre, mund të thuhet se gjatë këtij mandati politik, shqiptarët nuk mund të konsiderohen të humbur, por liderët e tyre mund të konsiderohen të konsumuar.
Hapësira që ata krijuan në planin politik dhe rrethanat e ndryshuara në Kosovë dhe Shqipëri, bënë që ata të prodhojnë politikë më shumë se sa të jep siguri profili politik i Menduh Thaçit dhe bashkëpunëtorëve të tjerë të zotit Xhaferri.


Lindja natyrale e UÇK-së në Maqedoni

Një shkak tjetër i humbjes së thellë të partisë së Xhaferrit është dhe autoriteti që arriti të vendoste Ushtria Çlirimtare Kombëtare në Maqedoni. Ndryshe nga në Kosovë, kjo ushtri lindi në Maqedoni dhe ruajti “pavarësinë” e veprimit të saj nga interesat konkrete të qytetarëve të Maqedonisë.
E ndihmuar nga fakti se rrethohej nga dy shtete shqiptare, kjo ushtri thuajse nuk u përzie fare me shërbimin sekret të Shqipërisë dhe shmangu importimin prej tij të paternalitetit politik për lidershipin e kësaj ushtrie.
Kjo ushtri ka atë komandant që zgjodhi vetë dhe realizoi ato ide për të cilat u krijua. Ajo nuk bëri asnjë prej gabimeve të UÇK-së në Kosovë. Së paku, nuk u lidh ngushtësisht me Tiranën zyrtare, nuk zhvilloi një betejë eleminuese brenda faktorit shqiptar dhe nuk inkriminoi me dhunë shqiptarët në luftë.
Në këtë plan, askush nuk ka tani, pas lufte, ndonjë akuzë për Ali Ahmetin se ka vrarë apo kërcënuar gazetarë dhe politikanë shqiptarë, nuk ka akuza se ka djegur fshatra për të krijuar skena lufte dhe nuk lidhej me krimin e organizuar të Tiranës.
“Paslufta” e luftëtarëve të Ali Ahmetit nuk është histori pushtimi dyqanesh dhe “luftëtarësh” që konvertohen në gangsterë.

Në njëfarë mënyre, kemi një ushtri natyrale, që arriti të përfaqësonte zemërimin e studentëve të Universitetit të Tetovës që nuk u lejohej Universiteti i tyre, arriti të përfaqësojë zemërimin e shqiptarëve të Gostivarit dhe Tetovës që ndjeheshin si qytetarë të një demokracie të korruptuar, dhe më tej akoma, arriti të siguronte shqiptarët që ndryshimi do të vazhdojë.
Dhe në këtë mes, me siguri që ka ndikuar jo pak aleanca thuajse e shenjtë mes Arbën Xhaferrit dhe Hashim Thaçit, një aleancë politike që do të ishte normale sikur të mos kthehej në një aleancë antiRugovë dhe për më tepër, të mos difuzonte problemet e dy formacioneve tek njëri-tjetri.
Në këtë plan, korrupsioni mbeti produkti politik më i shkëmbyer mes tyre. Sado të pavërteta të jenë historitë me trena nafte nga Shkupi në Obiliq dhe legjendat rreth benzinatave të “Thaçëve”, ato gjithsesi identifikojnë me të njëjtin problem të dy partitë në Maqedoni dhe Kosovë, duke u dhënë të njëjtin ndëshkim – humbjen.


Eklektizmi politik i zotit Xhaferri dhe partisë së tij

Raportet e zotit Xhaferri me partinë e Hashim Thaçit dhe me Tiranën zyrtare janë një problem për biografinë politike të partisë së tij. Partia Demokratike Shqiptare e zotit Xhaferri u krijua me dy tipare kryesore. Së pari, si parti e qendrës së djathtë dhe së dyti, si parti antikomuniste.
Duke përdorur brutalitetin e Partisë Demokratike të Shqipërisë dhe të deleguarve të zotit Berisha, Xhaferri arriti të formonte tek shqiptarët e Maqedonisë një shpresë më shumë se sa kërkesat vegjetative të elitës ish-titiste të shqiptarëve në Maqedoni. Fushata e tij elektorale me videoklipe që nisnin me Berishën dhe përfundonin me ambasadorin shqiptar në Shkup, nuk harrohen lehtë nga popullsia shqiptare në Maqedoni.

Më tej, pas vitit 1998 kur erdhi në pushtet, Xhaferrit iu desh të afrohej me Tiranën zyrtare dhe për këtë askush nuk mund t’i mbajë mëri. Por duke qenë një parti me tipare nacionalkomuniste, tek partia e tij, në fakt, u zbërthye thelbi enverist i shumë simpatizantëve të fjetur të komunizmit shqiptar që respektin për izolimin e Shqipërisë nga komunizmi e konvertonin në krenari kombëtare.
Baza politike e partisë së zotit Xhaferri filloi të dominohej pak nga pak nga nacionalkomunistët e tipit të partisë së Hashim Thaçit në Kosovë. Kjo bëri që raportet e tij me Partinë Demokratike të Berishës jo vetëm të ftoheshin, por të shkonin deri diku në armiqësi.
Partia e tij u bë reparti më fanatik anti-Berishë tek shqiptarët në Maqedoni, duke reflektuar dhe duke shumëfishuar në disa raste mllefet e Tiranës zyrtare. Ai arriti të sulmojë Berishën, përse ky i fundit mbështeti Rugovën në akuzat që iu bënë si “Tradhëtar i Kombit” dhe më pas arriti të angazhohej në problemet e brendshme politike të Tiranës në krah të Partisë Socialiste.
Kjo bëri që më afër opozitës në Shqipëri të ishte partia e drejtuar nga Ymer Ymeri, se sa partia që realisht kishte krijuar vetë zoti Berisha.

Po kaq i komplikuar u paraqit zoti Xhaferri dhe në raport me spektrin politik në Kosovë. Duke pasur aleat natyral LDK-në, Xhaferri nuk diti të ndajë mllefet e tij personale ndaj Rugovës, të cilit ia kishte marrë për të madhe pse nuk u prononcua hapur ku po ndahej nga Prosperiteti Demokratik në vitin 1994, dhe u përfshi në luftën e brendshme politike kundër tij me çdo mjet, herë duke mbështetur kundërshtarët e tij brenda LDK-së dhe pas vitit 1999, duke qenë thuajse një parti e përbashkët me Hashim Thaçin.

Ky eklektizëm politik, në fakt, zhbëri portretin politik të partisë së tij, duke e transformuar nga një parti e qendrës së djathtë në një parti nacionalkomuniste me element të korruptuar, që përdori autoritetin e pushtetit shqiptar për të kthyer komunitetin shqiptar në një principatë që prodhonte para.
Shqiptarët në Maqedoni nuk e kanë të lehtë të pranojnë një shqiptar që dhe për të futur një mësues në punë dhe për të vënë një telefon në shtëpi dhe më tej akoma, për të regjistruar një fëmijë në shkollën shqipe, të paguajnë.
Ata i gëzohen një mundësie më shumë për liri, por jo një shansi më shumë për t’u plaçkitur po nga shqiptarët. Pas katër vitesh në pushtet, në fund, askush nuk e mban mend si nisi dhe si përfundoi historia politike e partisë së zotit Xhaferri.
Dhe në të tilla raste, oferta më të sigurta si ajo e Ali Ahmetit fitojnë më lehtë.

Ai është një ofertë shqiptare më e pavarur për shqiptarët e Maqedonisë, më pak i ndikuar nga shefat e Tiranës, Shkupit dhe Prishtinës.


Fitorja reale e Xhaferrit, rikthimi i zgjedhjeve

Përkundër dëshpërimit apo gëzimit që ngjall rezultati, lajmi më i gëzuar që vjen prej Shkupit është fakti se të gjitha palët pranuan zgjedhjet. Sindroma e frikshme e Tiranës zyrtare eksportuar tek partia e zotit Xhaferri vitin e kaluar në zgjedhjet lokale, ngjallte ende dyshime.
Shumëkush mendonte se skenat e dhunës së zgjedhjeve lokale, ku partia VMRO/DPMNE humbi për shkak të keqqeverisjes dhe partneri shqiptar i saj, PDSH, “fitoi” thellë megjithëse ishte pjesë e asaj qeverie, linte dyshime se faktori shqiptar nuk do të mund të shkonte dot drejt zgjedhjeve të lira.

Dyshimet shtoheshin edhe për faktin se maqedonasit ishin në njëfarë mënyre të interesuar të linin shqiptarët në një stad primitiv parademokratik, duke i lejuar të kacafyteshin dhe t’i vidhnin votat njëri-tjetrit.
Fakti që procesi u mbyll pa incidente të rënda dhe sidomos fakti që palët pranuan rezultatin, është një fitore e të gjithëve, por mbi të gjitha, e zotit Xhaferri.
Ikja e partisë së tij nga pushteti me zgjedhje të lira, është një pasuri politike për shqiptarët dhe një shpresë se ata që gabojnë mund të korrigjohen.
Kjo vlen sidomos për çlirimtarët, që prej sot do të pushtojnë zyrat e shtetit. ##

[Beqari002]

Bene se edhe keshtu !!!

MAQEDONI, Aliti: Përfshirja e BDI-së në koalicion, një çudi që do të zgjatë 3 ditë

SHKUP (17 shtator) - Rezultati i dobët i PPD krahasuar me atë të BDI, në zgjedhjet e së dielës në Maqedoni, shpjegohet nga kryetari i kësaj partie Abdurahman Haliti, si një gjendje "paskrizës". "Eshtë një eufori, e cila na ktheu nja 12 vjet prapa dhe nuk shoh tjetër shpjegim". I pyetur nëse ekziston mundësia që SDSM të përfshijë partinë e tij në koalicion, Haliti shprehet se "gjasat ekzistojnë, por pozicioni është i dobet dhe nuk jemi shumë të interesuar për këtë". Sipas kryetarit të PPD, "nëse social-demokratët bëjnë koalicion me BDI-në, kjo do të jetë një çudi që zgjat tre ditë, më pas do të heshtet krejt dhe do të kalojë si është më mirë". I pyetur nga DË nëse përfshirja e një partie tjetër shqiptare, si PPD, mund të ndihmojë SDSM-në të përligjë para opinionit maqedonas koalicionin me BDI-në, Haliti tha se "Ka edhe të tilla kombinime. Unë aktualisht nuk merrem me to, por ne jemi aty si jemi dhe do të mbetemi ashtu. Si të veçantën e këtyre zgjedhjeve Haliti përmendi faktin që përfundimisht edhe shqiptarët në numër shumë të madh dolën në zgjedhje, ku manifestuan një shkallë e lartë e vetedijes së tyre. A votuan sipas bindjeve politike ose jo mbetet të analizohet, por me siguri që "po". Eshtë shumë e rëndësishem që zgjedhjet kaluan në atmosferë të qetë dhe pa incidente. "Nuk jam shumë i sigurtë nëse acarimet ndëretnike kaluan njëherë e mirë, sepse edhe në njëren edhe në tjetrën anë, ka masa kritike, e cila në moment të caktuar mund të shkaktojë situata destabilizuese" - përfundoi Aliti. anjo/ko (DW/BalkanWeb)



Oj sharki e lehte si era , a ka ardhur ne Shqiperi pranvera?

[Beqari002]

Kjo nuk eshte fare cudi !!!


MAQEDONI, Ahmeti: Dua Ministrinë e Brendshme ose të Mbrojtjes
Lajmi i ores 8:20

SHKUP (18 shtator) - Ali Ahmeti, partia e të cilit siguroi numrin më të madh të votave mes partive shqiptare ne zgjedhjet parlamentare të së dielës në Maqedoni, deklaroi se partia e tij (BDI) dëshiron të marrë një nga ministritë kyc, me anë të të cilave u luftua UCK në vitin 2001. Ahmeti tha se ministritë që ndikojnë direkt në integrimin e shqiptarëve janë Ministria e Mbrojtjes dhe ajo e Brendshme. Eshtë mëse e arsyeshme që një nga këto ministri t'i përkasë komunitetit shqiptar, që përbën rreth 23% të popullsisë. Ende nuk është e qartë se cilin post do t'i ofrojë Ahmetit Branko Crvenkovski. Ministria e Brendshme ka përdorur linjën e ashpër ndaj nacionalistëve. ro/mr (Reuters/BalkanWeb)


Oj sharki e lehte si era , a ka ardhur ne Shqiperi pranvera?

[Beqari002]

Po bene edhe keshtu,aleance me Georgievskin keta e tani ata aleancen me Cervenkovskin e mes bveti jo.





Partia Demokratike Shqiptare ka përjashtuar çdo bisedim për hyrje në qeverinë e re maqedonase

Tetovë, 18 shtator - Partia Demokratike Shqiptare e Arbër Xhaferit do të kalojë në opozitë. Në një konferencë të mbajtur përfaqësuesit kryesorë të kësaj partie Arbër Xhaferi dhe Menduh Thaçi kanë përjashtuar çdo mundesi a bisedim për hyrje në qeverinë e re maqedonase. Kjo parti ka refuzuar edhe ftesën e Ali Ahmetit që të marrë pjesë në qeveri.
Drejtuesit e saj kanë thënë se PDSH-ja do të mbetet "opozitë konstruktive" dhe do të mbështesë qeverinë kur është fjala për interesat e shqiptarëve.
Xhaferi dhe Thaçi theksuan në një konferencë me gazetarë se ftesa që të gjitha partitë shqiptare të hyjnë në qeveri u duket romantike.



Oj sharki e lehte si era ,a ka ardhur ne Shqiperi pranvera?

[Albo]

Ajo qe me beri mua pershtypje ne keto zgjedhje eshte dalja komplet jashte loje e 2 partive te vjetra shqiptare ne Maqedoni, dhe dy krereve te saj. Shqiptaret arriten te fitojne afersisht 30% te vota ku egziston nje hendek i madh midis formacionit te ri politik te luftes te kryesuar nga Mehmeti me dy partite e tjera shqiptare.

Keto zgjedhje permbajne mesazhin se:

1. Shqiptaret ne Maqedoni e shohin formacionin ushtarak te djeshem si nje force reale politike te sotme qe mund te avancoje dhe mbroje me se miri te drejtat e tyre. Shqiptaret ne keto zgjedhje investuan besimin e tyre tek partia e Ali Mehmetit.

2. Shqiptaret ne Maqedoni nuk ishin aspak te kenaqur nga perfaqesimi politik i Xhaferit ne 4 vjetet e fundit ku ai hyri edhe ne koalicion. 5% i partise se tij ben qe Xhaferri jo vetem te dali ne opozite por te jete nje faktor i parendesishem ne jeten politike ne vend.

3. Shqiptaret ne Maqedoni nuk jane aspak te kenaqur as nga mungesa e mirekuptimit ne rradhet e partive politike shqiptare. Mos hyrja ne zgjedhje me koalicion flet qarte per kete.

Rezultati i zgjedhjeve eshte i kenaqshem per ne shqiptaret, tani nuk na ngelet vecse ne bashkepunim me nderkombetaret te kerkojme implementimin e mareveshjes se Ohrit dhe rikthimin e te gjitha lirive dhe te drejtave te qytetareve shqiptare ne Maqedoni qe deri dje trajtoheshin si qytetare te dores se dyte.

Nese sllavet nuk pelqejne ndryshimet politike, Maqedonine e pret lufta.

[Beqari002]

NHe vendet me demokraci te zhvilluar lidhur me kete se a duhet dikush te perfshihet ne qeveri apo te jete ne parlamnet duhet te vdnosin te fuqishmit e botes.
Gjithcka ne rregull !!!???
Po kjo eshte demokracia bashkohore ne Maqedonin e cila si duket eshte duke lulezuar nga demokracija koheve te fundit sipas shenimeve nga vendet me demokraci te zhvilluara lidhur me kete.

Përfaqësuesit ndërkombëtarë në Maqedoni, heshtin për Ahmetin


SHKUP (18 Shtator) - Përfaqësuesit e bashkësisë ndërkombëtare në Maqedoni shprehën sot kënaqësi për rrjedhën e zgjedhjeve parlamentare të së Djelës, por nuk u shprehën nëse ish-lideri politik i UÇK-së, tani kryetar i Bashkimit Demokratik për Integrim (BDI) Ali Ahmeti, duhet të përfshihet në qeverinë e ardhshme ose në Parlament, duke e konsideruar këtë si çështje të partisë që fitoi zgjedhjet. "E Djela ishte fitore për procesin demokratik dhe konfirmim se pjesa më e madhe e qytetarëve të këtij vendi dëshirojnë paqe, stabilitet dhe ardhmëri të mirë për familjet dhe vendin e tyre", deklaroi zëdhënësi i OSBE-së. Por përfaqësuesit ndërkombëtarë në Maqedoni nuk pranuan t'i përgjigjen drejtpërsëdrejti pyetjes nëse lideri i BDI-së, Ali Ahmeti, duhet të përfshihet në qeveri ose në Parlament. "Për ne ka rëndësi që të qëndrojmë pranë qeverisë së re dhe pranë koalicioneve të reja ose partneriteteve që do bëjnë ata. Shpresojmë se ky do të jetë një proces i menduar mirë, që të krijohet një qeveri e cila do qëndrojë pas gjithë popullit", deklaroi zëdhënësi i NATO-s, Kreg Ratklif. Edhe zëdhënësja e të dërguarit të posaçëm të BE-së Irena Gjuzellova, theksoi se "nuk i takon bashkësisë ndërkombëtare që të flasë për koalicione qeveritare" dhe se "kjo është punë e partisë më të madhe". Lidhur me këtë temë, zëdhënësi i OSBE-së tha se bashkësia ndërkombëtare "nuk do të përzihet" në krijimin e qeverisë së re. "Në demokracitë funksionale çdo koalicion është i mundshëm. Politikanët e zgjedhur e kanë në dorë të gjejnë rrugën më të mirë, dhe ne nuk do të përzihemi. Ky është një vend sovran", deklaroi zëdhënësi i OSBE-së në Maqedoni, Volfgang Greven. anjo/ko (BalkanWeb)



Oj sharki e lehte si era , a ka ardhur ne Shqiperi pranvera?

[Beqari002]

MAQEDONI SDSM: Shqiptarët e përfshirë në konflikt, jashtë ekzekutivi

SHKUP (19 shtator) - Ndonëse në Maqedoni ende nuk kanë filluar bisedimet për krijimin e qeverisë së re pas zgjedhjeve të së dielës, Lidhja Socialdemokrate maqedonase që triumfoi në to, thotë se në pushtetin ekzekutiv nga pala shqiptare nuk duhet të përfshihen persona të cilët kanë marrë pjesë në konfliktin e armatosur të vitit të shkuar. Ndërkohë që partia fituese shqiptare, Bashkimi Demokratik për Integrim që doli nga strukturat e ish- UÇK-së ka lënë të kuptohet se ka për të kërkuar që shqiptarët të drejtojnë ndonjë dikaster të rëndësishëm si ministrinë e mbrojtjes, apo të punëve të brendshme. ro/mr (QIK/BalkanWeb)



Oj sharki e lehete si era , a ka ardhur ne Shqiperi pranvera?

[Beqari002]

Delen qe eshte ndare nga tufa gjithmone e ka henger ujku,keshtu thot populli.


MAQEDONI, Ali Ahmeti: Boshkovski s'mund të më arrestojë

SHKUP (19 Shtator) - Ndërkohë kur për Ahmetin, ekziston ende urdhëri i arrestit nxjerrë nga Ministria e Brendshme e Maqedonisë, Lideri i BDI-së shprehet se "është shumë e vështirë qe Boshkovski apo prokuroria të zbatojë një aktvendim aq të padrejtë, sepse unë jam i shoqëruar me mijëra e mijëra qytetarë". Sipas Ahmetit, ata duhet ta kuptojnë që është bërë një marrëveshje me ndërmjetësim ndërkombëtar.Mbi bazë të asaj marrëveshjeje që është nënshkruar, amnistohen të gjitha palët ndërluftuese dhe nëse ka shkelje prej palëve në konflikt, atëherë kompetent për trajtim të këtyre problemeve është Tribunali i Hagës, për çka ne, edhe çdo vendim të Tribunalit do ta respektojmë. Nuk është në kompetencë as të Prokurorisë së Maqedonisë dhe as të ministrit të punëve të brendshme që të ngrejë aktakuzë kundër meje apo bashkëluftëtarëve të mi. anjo/mr (DW/BalkanWeb



Oj sharki e lehte si era , a ka ardhur ne Shqiperi pranvera?

[Beqari002]

Vritet Mensur Jashari mbrëmë në Tetovë

Tetovë, 20 shtator - Një shqiptar 18-vjeçar vdiq natën e mbrëmshme nga plagët e rënda. Bëhet fjalë për Mensur Jasharin nga fshati Neraste i Tetovës, i cili ishte transportuar në spital e Tetovës në orën 2.00 pas mesnate. Njoftohet se i ndjeri u vra nga shkëmbimi i zjarrit mes dy grupeve të armatosura. Sipas policisë së Tetovës gjatë natës së mbrëmshme janë dëgjuar të shtëna në rajonin e disa fshatrave të Tetovës.


_____________________________
_____________________________

Oj sharki e lehte si era , a ka ardhur ne Shqiperi pranmvera?

[Beqari002]

Zigzaget "alla Branko", në prag të koalicionit


Nga Ylber LILI
Maratona paszgjedhore në Maqedoni nuk ka përfunduar, madje gjatë kësaj periudhe kohore po abuzohet me një mori variantesh, për
formimin e kabinetit të ri që do të marrë përsipër udhëheqjen e vendit. Dy fituesit ( LSDM-ja e kampit maqedonas dhe BDI-ja në atë shqiptar) po provojnë nervat e njëri- tjetrit duke mos gjetur ende emëruesin e përbashkët drejt një marrëveshjeje paraprake. Edhe pse
bëhet shumë zhurmë në media apo në konferenca për shtyp, deri më tani nuk është dhënë ndonjë sinjal, i cili do të paralajmëronte formimin e qeverisë me një formulë të saktë, të dhënë zyrtarisht. Gjithsesi, pritej se, njëherazi me shpalljen e rezultateve paraprake të zgjedhjeve, do të dilnin në pah dhe vështrësitë e para. Vetëm një ditë pas votimeve, partia maqedone triumfuese, provoi të kurdisë skema. Duke shpallur veten si fituese absolute, me 62 deputetë, ata qarkulluan disa ide si p.sh., se mund të qeverisnin edhe vetë, në rast nevoje. Mirëpo, nga rezultatet më zyrtare, doli se njerëzit e Crvenkovskit kishin vetëm 60 vende në Parlamentin e ri.

Kjo shifër e privon "koalicionin për Maqedoninë së bashku" nga "komoditeti" i formimit të një qeverie pa pjesëmarrjen e fituesve shqiptarë.

Në këto rrethana ka marrë rolin e saj edhe ish-partia në pushtet, humbëse në këto zgjedhje. Egzistojnë përpjekje që partia e sapozgjedhur e Crenkovskit të vazhdojë vijën politike antishqiptare ndjekur deri më dje. Formimi i qeverisë së re pas shpalljes së rezultateve të zgjedhjeve parlamentare po tentohet në një atmosferë të zymtë.

BDI-ja, do të duhet të bashkëpunojë me një ekip të politikës maqedone, që në të kaluarën ka demonstruar të njëjtën linjë nacionaliste me humbësit e Gjeorgjevskit. Kurse në kampin e Crvenkovskit ende mungon qartësia e vendimmarrjes, të paktën publikisht. Paraqitja e Branko Cervenkovskit ende nuk është e qartë, duke përjashtuar disa deklarata me dy kuptime, të cilat nuk përjashtojnë kurrsesi koalicionin me Ali Ahmetin, por nga ana tjetër nënvizojnë "mospjesëmarrjen në qeveri të atyre që realizuan konfliktin e vitit të kaluar". Ndoshta Crvenkovski synon ta lërë personalisht Ahmetin në pozicion jashtë loje, të paktën përsa i përket qeverisë. Modeli "alla Branko" është i njohur. Atij i nevojitet mbështetja e faktorit ndërkombëtar, të cilët kërkojnë pjesëmarrjen e Ahmetit në qeveri kërkon, por në të njëjtën kohë Crvenkovskit i duhet të kënaq edhe nacionalistët maqedonas.

Ai mendon se, duke lënë në hije Ahmetin në dy institucionet vendimmarrëse (Parlament dhe qeveri), do ta ketë më të thjeshtë të manovrojë me elektoratin e tij. Duke qenë i bindur se skemat e applikura për 8 vite me radhë kundër shqiptarëve, sot nuk mund të jenë të përdorshme, po provon një tjetër model, të luajë me nervat e fituesit shqiptar. Përballë lëvizjeve të dyshimta të fituesve të rinj
maqedonas, Ali Ahmetit i mbetet të luajë kartën e mbështetjes së madhe që gëzon tek elektorati shqiptar. Nga vetë maqedonasit, ende nuk po kuptohet rëndësia që paraqet kjo situatë paszgjedhore dhe rreziku që mund të rikthehet nga skemat që tentojnë përjashtimin e fituesve shqiptarë prej qeverisjes. Ata janë ende në kërkim të një forme që do të kënaqte të gjitha palët. Por kjo kohë nuk është koha e shpikjeve, as e rimodelimeve të së kaluarës, nga e cila shumëkush ruan ende rezerva. Për të shmangur një dështim brenda fitores, duhen bërë mirë llogaritë, së pari me veten, dhe, më pas, me bashkëqeverisësit. Që e sotmja të mos jetë më produkt "fajtorësh", por të sigurojë fillimin e mbarë të një kthese të fuqishme domosdoshmërisht të nevojshme për të gjithë maqedonët, duhet t'u jepet fund cicmiceve çintegruese. Pavarësisht nga numri i madh i deputetëve, të cilët koalicioni për Maqedoninë i ka siguruar te elektorati maqedon, pesha e votës shqiptare, e identifikuar kësaj radhe me liderin e ish-UÇK-së, do të arrijë të bëjë presionin e duhur që ky koalicion të jetë i denjë, ashtu siç mendohet të projektohet edhe Maqedonia e së ardhmes.



Oj sharki e lehte si era , a ka ardhur ne Shqiperi prnavera?

[Beqari002]

Per cdo dite te jejtit demagog qe te dduken si pedagog,por jo jane ata te vjetrit qe ishin me Xhaferin para disa vitesh,por keta te Cervenkovskit jane me te menqur pra "pedagog demagog"


MAQEDONI, Cërvenkovski: Asnjë ish-anëtar i UÇK-së, në Qeverinë e re


SHKUP (25 Shtator) - "Bisedimet me BDI-në për përbërjen e Qeverisë së re do të fillojnë javën e ardhshme, sepse Komisioni Shtetëror Zgjedhor ende nuk i ka shpallur rezultatet zyrtare, ndërsa kryetari i Kuvendit nuk e ka publikuar datën, në të cilën do të thirret mbledhja e Parlamentit", deklaroi sot lideri i LSDM-së Branko Cërvenkovski. Sipas tij, Bashkimi Demokratik për Integrim është përfaqësues legjitim i shqiptarëve në Maqedoni dhe atë me shumicë të madhe, krahasuar me partitë e tjera politike shqiptare. "Ne do ta respektojmë vullnetin e qytetarëve, por mbesim në tezën se jo vetëm për Ali Ahmetin, por për cilin do person tjetër, që në mënyrë të drejtpërdrejt ka qenë i involvuar në konfliktin e vitit të kaluar, nuk ka vend në pushtetin ekzekutiv të Republikës së Maqedonisë", tha lideri i LSDM-së. Në negociatat për përbërjen e re të Qeverisë, siç deklaroi Cërvenkovski, do të marrin pjesë njerëz që janë autorizuar nga ana e udhëheqësive të dy partive. Sipas supozimeve të tij, "nga ana tjetër do të jenë njerëz që nuk kanë qenë në mënyrë të drejtpërdrejt të involvuar në konfliktin e vitit të kaluar". dxh/ko (MIA/BalkanWeb)

Oj sharki e lehte si era , a ka ardhur ne Shqiperi pranvera?