Alkooli dhe qendrimi Islam !!!

[fisniku-student]

Ministria e shëndetsisë e Francës e konsideron alkoolin prej gjërave më të këqija

Ministria e shëndetsisë ka filluar një fushatë të fuqishme kundër konsumimit të alkoolit, duke e llogaritur si një shkaktar kryesor të kancerit. Kjo fushatë ka shkaktuar indinjatë tek prodhuesit e alkoolit në Francë. Gazeta "The Times", e cila edhe e ka përhapur lajmin thotë se stagnimi ekonomik është dashur ta shtyjë kryetarin francez Nikola Sarkozi të zgjedh një kohë tjetër më të përshtatshme për këtë fushatë.

Kjo fushatë koncentrohet në udhëzimet e "Institutit francez për luftë kundër kancerit", i cili sqaron prerazi se konsumimi i alkoolit, sidmos verës duhet të ndalet. Kjo ministri potencon se një gotë me verë e konsumuar për çdo ditë e shton mundësinë e goditjes me kancer për 168 %.

Drejtori i këtij instituti, Dominik Maranshi thotë se konsumimi i disa gllënkave të vogla të alkoolit shkakton aso dëme të mëdha për shëndetin e njeriut që as nuk mund të parafytyrohen, ai thotë "Një sasi e verës, sadoqë është e vogël nuk mund ti bëjë aspak dobi njeriut".

Kjo nuk është hera e parë që përgjegjës francez tërhjekin vërejtjen nga reziqet e verës. "The Times" ka potencuar se ministritë e shëndetit në mbarë botën vazhdimisht insistojnë tek njerëzit që ta lënë konsumimin e alkoolit për ta ruajtur shëndetin e tyre.

Gazeta "The Times" terhjeki vëmendjen edhe drejt një pikë të rëndësishme për të cilën kjo fushatë ka veçorinë e vet, e ajo është se kjo fushatë vjen nga qeveria franceze, e cila verën e konsideron një pjesë të jetës dhe nga trashëgimia kombëtare.

Gazeta tregon se ministria e shëndetsisë është mbështetur në krahasimin mes qindra studimeve ndërkombtare dhe ka ardhur në përfundim se ka lidhje të ngushtë mes llojeve të ndryshme të kancerit dhe ushqimit e pijes dhe mënyrës se jetesës.

Rezymeja të cilën e ka përgaditur ministria e shëndetsisë potencon se alkooli është parapërgaditje për goditje me kancer në gojë, fyt, mushkëri, zorë dhe gjinjë.

Hidhërimi i prodhuesve të alkoolit

Kjo fushatë i ka shtyrë prodhuesit e alkoolit të shprehin hidhlrimin e tyre të madh, duke llogaritur se ky raport është skandal dhe i kanë akuzuar lobi grupet shëndetsore se janë duke u orvatur të ngulfatin një element që llogaritet lavdi e popullit francez.

Ata përmendën edhe rolin e mundshëm të kryetarit Sarkozi në këtë fushatë, pasiqë ai nuk konsumon më alkool dhe e kompenzon atë me ujë dhe lëng portokalli, kur të tjerët konsumojnë lloje të ndryshme të alkoolit.

Liga e përgjithshme e prodhuesve të alkoolit thiri në ndalje të asaj që e quajti "presione që përjeton alkooli" duke pretenduar se konsumimi i alkoolit është zvogëluar për 50 % në njëzet vjetëtët e fundit, mirëpo përqindja e kancerit është ritur.

Marrë nga: www.aljazeera.net

[Vista]

Edhe un e ndegjova lajmin se ne France do te shtrengohet shitja e alkoolit , reklamimi i tij etj etj.
Dmth edhe kto popuj krishter ose ateista , po e kuptojn se alkooli eshte i demshem .

[Sefedini_PZ]

Allahu xh.sh. thotë në Kur’an:

5:91. Shejtani nuk dëshiron tjetër, përveç se nëpërmjet verës dhe bixhozit të hedhë armiqësi mes jush...

Kjo është shumë e vërtetë sepse personalisht kam përjetuar shumë raste ku njerëz që e përdorin alkoholin më kanë sulmuar befasishëm dhe pa arsye gjë që më ka befasuar shumë.
Shumë nga ata që e përdorin alkoholin janë njerëz temperamentë, njerëz që nuk kanë fare durim, çdo gjë e marrin me stres dhe panikë dhe kur ju ndodhë ndonjë fatkeqësi dëshpërohen aq shumë sa që janë gati të lajthiten.

Allahu xh.sh. na lajmëron në Kur’an se dëmi i alkoholit është i madh:

2:219. Të pyesin ty për verën dhe bixhozin. Thuaj: "Që të dyja janë mëkat i madh, e ka edhe dobi në to (të pakta) për njerëz, por dëmi i tyre është më i madh se dobia e tyre...

Njerëzit që e përdorin alkoholin gjykimin e kanë të mjegulluar.
Edhe shkenca e ka vërtetuar që alkoholi i sulmon dhe i shkatërron qelizat nervore.
Prandaj këta njerëz janë të ngutshëm në marrjen e vendimeve dhe bëhen nervozë shumë lehtë.
Tek ne shqipëtarët në përgjithësi të gjitha gjërat që e dëmtojnë organizmin siç janë alkoholi, kafeja, duhani, etj. përdoren shumë dhe në masë të tepruar prandaj njerëzit janë shumë temperamentë dhe nervozë.
Një nga arsyet pse këto gjëra janë prezente tek ne është edhe mungesa e edukimit fetar, prandaj do të ishte shumë mirë që feja të futet si lëndë e veçantë nëpër shkolla kështu që njerëzit edhe nëse nuk e praktikojnë së paku të kenë njohuri për hallallin dhe haramin.

Paqja, udhëzimi dhe mëshira e Allahut qoftë me ne!

Përgatiti: Sefedin Muçaj, Prizren, Kosovë.

[Perfume]

Po anestezioni qe eshte alkohol, si do ja besh ti kur iken te mjeku?????

[Fakir]

2:219. Të pyesin ty për verën dhe bixhozin. Thuaj: "Që të dyja janë mëkat i madh, e ka edhe dobi në to (të pakta) për njerëz, por dëmi i tyre është më i madh se dobia e tyre...

Sa i perket shkences, shkenca tjetercka ka vertetuar. Ne mbare boten dihet se nje gote birre ne mengjez ndihmon bubregun. Deri ne 200ml vere te kuqe ne dite, ndihmojne zemren. Mastika (lloj Rakije) ndihmon ne luftimin e ulcus ulcera (i thati) ne lukth e shum e shum shembuj te tjere.

Per kete arsye edhe Ajeti i larteshenuar deshmon me se miri, ne masa te medha konzumi i Alkoholit fakt qe demton, por per ilaq lejohet si me Kuran si me Hadith te Pejgamberit a.s.

[Apollyon]

Sikur cdo gje te perdoret me karar ashtu sic duhet, atehere ska asnje pasoje te keqe nga asgje qe mbin mbi toke.

[Safka]

ouuuu cfarë thoni more ju,
alkooli është rreptësisht i ndaluar qoftë një gotë, qoftë një pikë, të deh apo s'të deh.
Muslimanët nuk pijnë alkool, kjo është e ndaluar me Kuran.
Nuk është e vërtetë se alkooli të bëka mirë për veshkat e ku ta di unë, ato janë statistika të pavërteta dhe të pa vërtetuara të bëra nga kompani të ndryshme qafirash. Pyetni cilin mjek që të doni, i huaj le të jetë dhe nuk është e thënë të jetë musliman, asnjëri prej tyre s'ka tu thotë se alkooli ndihmoka për diçka, efektet e tij janë afatshkurtër dhe më shumë prish se sa ndreq. Përkundrazi, alkooli i irriton zorrët, e ngarkon zemrën dhe shumë të tjera, dhe e rrit rrezikun e sëmundjeve të mëlçisë dhe organeve tjera. Po ta marrim ashtu, edhe lëndët narkotike në masë të vogël të kënaqin, nuk të dëmtojnë asgjë fizikisht, po janë të ndaluara. Në të njejtën mënyrë sikur drogat edhe alkooli në organizëm zhvillon mvarësi psiqike dhe fizike.
Nëse dikush e preferon alkoolin, le të mos mundohet të gjej çfardolloj arsyetimi në fenë tonë të pastër për t'ia arsyetuar vetes.
Alkooli është rreptësisht i ndaluar.

[Nete]

[QUOTE][Per kete arsye edhe Ajeti i larteshenuar deshmon me se miri, ne masa te medha konzumi i Alkoholit fakt qe demton, por per ilaq lejohet si me Kuran si me Hadith te Pejgamberit a.s./QUOTE] tani e degjova kete,me sa di eshte i ndaluar as edhe per ilaq te perdoret.

[alDI]

Midja dhe gjith te tjeret qe kane paqartesira i keshilloje te lexojne kete temen ketu

http://www.forumishqiptar.com/showthread.php?t=82846

Gjitha keto paqartesira vijne prej perdorimit te fjales alkohol ne vend te fjales origjinale qe eshte perdor ne Kuran qe eshte khamer, qe ka kuptimin e cdo gjeje qe intoksikon trurin.
Pra ketu nuk futet vetem alkoholi por edhe drogat e ndryshme.

Ketu shifet urtesija e Allahut ku me nje fjale i perfshine te gjitha pijet apo ushqimet intoksikuese per mos ti lene vend tipave te ndryshem qe te bejne komentime simbas qefit.

Per sqarime te metejshme lexoni temen qe ka hapur vella fisniku tek linku me siper.

[alDI]

Cdo dite vertetohen ajetet e Allahut .

Nje pint ne dite me birre ose nje gote e madhe me vere rrite rrezikun e kancerit ne zorrë ne 10% .
Kurse ata qe pine me shum se 30 gram alkohol ose birre te forte (lager), rrisin rrezikun e kancerit ne 25%.

Ky lajm esht dhene ne cdo kanal televiziv ne UK para 4-5 ditesh dhe ishte shokues per anglezet, mbasi dihet s ata jan shum konsumues te alkoholit.

Per ta vertetuar, lexoni kete lajm nga gazetat me prestigjoze ne UK.

http://news.bbc.co.uk/1/hi/health/6921998.stm

http://news.independent.co.uk/health/article2819599.ece

http://www.telegraph.co.uk/news/main...ncancer131.xml

Thjesht po rifreskoj temen per te gjith ata qe kane paqartesira.

[fisniku-student]

Një studim konstaton se sasia e vogël e alkoolit e dëmton njeriun

Allahu i Lartësuar thotë: "O besimtarë! Me të vërtetë, pijet alkoolike, bixhozi, idhujt dhe shigjetat e fallit janë vepra të ndyta nga punët e djallit. Prandaj, largohuni nga këto, me qëllim që të shpëtoni! Vërtet, djalli me pije alkoolike dhe me bixhoz kërkon që të fusë midis jush armiqësi e urrejtje dhe t’ju shmangë nga të kujtuarit e Allahut dhe kryerja e namazit. Prandaj, a po hiqni dorë?" (Maide, 90-91)

I Dërguari i Allahut, lavdërimi dhe paqja e Allahut qoftë mbi të, ka vendosur rregull të artë për sa i përket alkoolit, i cili përfundimisht e ka ndaluar konsumimin e tij. Ai thotë: "Ajo lëndë që të deh kur është shumë, edhe pak prej saj është e ndaluar." Allahu e ka mallkuar atë që konsumon alkoolin, qoftë edhe në sasi të vogël. Këtë e vërtetojnë ajetet dhe hadithet para më shumë se një mijë e katërqind vitesh përmes gjuhës së të Dërguarit të Allahut. Mirëpo disa mjekë pretendojnë se sasia e vogël e alkoolit mund të konsiderohet si ilaç dhe shërim, ndërsa disa të tjerë pretendojnë se sasia e vogël e alkoolit e freskon zemrën. Çfarë thonë studimet e fundit rreth tematikës së alkoolit?

Bazuar në një studim të cilin e ka bërë dr. Sarah Lewis nga sektori i mjekësisë shoqërore nga Universiteti Bristol, është vërejtur lidhja e fortë ndërmjet konsumimit të alkoolit dhe presionit të gjakut. Ajo thotë se konsumimi i alkoolit ndikon në presionin e gjakut shumë më tepër sesa kemi konsideruar më parë.

Një grup hulumtuesish kanë konstatuar se nëse njeriu konsumon një sasi të vogël alkooli, kjo do të ndikojë negativisht në shëndetin e tij dhe gradualisht çon në ngritjen e presionit të gjakut dhe si rrjedhojë mund të pësojë vdekje të papritur nëse nuk largohet nga konsumimi i alkoolit përfundimisht.
Dr. Sarah vazhdon duke thënë se ky studim ka rezultuar se konsumimi i alkoolit e rrit presionin e gjakut më tepër se ç’e kemi menduar në të kaluarën, madje qoftë edhe nëse konsumohet në sasi të vogla.

Hulumtuesit konstatojnë se kur njeriu konsumon alkool, qoftë edhe pak, e pastaj e le atë, në trupin e tij mbetet një sasi alkooli, e cila largohet vetëm pas dhjetë ditësh. Hulumtuesit nuk kanë precizuar saktësisht sa kohë qëndron alkooli në qelizat e njeriut pas konsumimit të tij dhe lidhur me këtë nuk ekzistojnë studime të hollësishme, mirëpo i Dërguari i Allahut, lavdërimi dhe paqja e Allahut qoftë mbi të, na ka lajmëruar se konsumuesit të alkoolit nuk i pranohet namazi dyzet ditë! I Lartësuar qoftë Allahu! Sikur i Dërguari i Allahut dëshiron prej nesh që çdo qelizë prej qelizave në trupin tonë të jetë e pastër, e çiltër, në mënyrë që t'i drejtohemi Allahut me namaz dhe të na pranohen lutjet tona.

I Lartësuar qoftë Allahu! I Dërguari e ndalon konsumimin e alkoolit edhe në sasi shumë të vogla, ndërsa hulumtuesit po përsërisin sot të njëjtat fjalë dhe me shumë bindje deklarojnë: Edhe sasia e vogël e alkoolit i sjell dëm njeriut. Ah, sikur të braktiset përfundimisht!
Kjo është shkenca, gjithnjë duke dëshmuar vërtetësinë e kësaj feje të pastër dhe se i Dërguari ynë, Muhamedi, lavdërimi dhe paqja e Allahut qoftë mbi të, kur ndaloi nga konsumimi i alkoolit dhe çdo pije dehëse tjetër, ka qenë në të vërtetën. Të vërtetën e ka thënë Allahu i Lartësuar kur flet për të: "Ai nuk flet sipas qejfit të vet, por ajo (që thotë) është vetëm shpallje hyjnore, që i vjen atij." (Nexhm, 2-3)

Kurse atyre që e ofendojnë këtë të Dërguar, paqja e Allahut qoftë mbi të, u themi: Çfarë ju ka bërë ky i Dërguar, i cili është më i mëshirshëm ndaj jush sesa mjekët tuaj? U them vëllezërve dhe motrave të mia për hir të Allahut, ky i Dërguar i mëshirshëm për njerëzimin a nuk meriton ta nderojmë madje edhe duke e përhapur një hadith dhe mrekulli të tij, në mënyrë që të mësojë e tërë bota se kush është ky i Dërguar dhe cila është feja jonë? Prandaj, vëllezër të nderuar, kërkoj nga ju t'i përhapni mrekullitë e këtij të Dërguari Fisnik, me shpresë që ai të na shikojë Ditën e Gjykimit me syrin e dhembshurisë, me shpresën që do të jetë i kënaqur me ne. Kush respekton të Dërguarin, ai ka respektuar Allahun dhe me atë që është i kënaqur i Dërguari, edhe Allahu do të jetë i kënaqur me të.


Përshtati: Almedin Ejupi
23.5.2009

Referencat:
A Greater Than Previously Thought Link Between Alcohol And Blood Pressure Found
http://www.medicalnewstoday.com/articles/99310.php
Link between alcohol and blood pressure greater than previously thought, EurekAlert 4/3/2008.

[Explorer]

Konsumi i alkoolit

Problemet shëndetësore që dalin nga konsumimi i Alkoolit

1. Dëmtimi i Përgjithshëm
Alkooli u shkakton dëm rruzave të kuqe të gjakut për të përfunduar në një grumbull problemesh deri te bllokimi i kapilareve te gjakut.

Kjo redukton aktivitetin e trurit dhe pa aftëson koordinimin e muskujve, turbullon mendimin dhe gjykimin.
Në mënyre direkte ndikon ne performancen fizike.
Alkooli gjithashtu pa aftëson ne ngasjen e automjeteve, madje edhe një ditë pasi qe alkooli është konsumuar.


2. Dëmtimi i trurit
Alkooli dëmton drejtpërdrejt qelizat e trurit , konsumimi i tij ndikon në procesin e mësimit. Qelizat e trurit të plagosur nga alkooli nuk janë në gjendje për të formuar një proteine materiale të nevojshme për përpunimin e "qendrës se kujtesës." Memoria është zvogëluar më tej për shkak të alkoolit. Alkooli plagos nervat duke i bërë ato më pak të afta për t'iu përgjigjur stimujve.


3. Dëmtimi i fetusit
Konsumimi i Alkooli gjatë shtatzënisë ndikon në zhvillimin e fetusit. Zhvillimi i trurit te frytit është shumë i prekur. Si dhe eshtrat, sytë, dhëmbët, lëkura.
Edhe në sasi të vogla të alkooli mund të rezultojë në mangësi te fëmija.


4. Përdorimi i alkoolit dëmton sistemin e tretjes se ushqimit dhe mëlçinë
Konsumi i alkoolit, sëmurë sistemin e tretjes , duke përfshirë ezofagun , shkakton dhe kancerin e zorrës së trashë.

5. Kanceri
Shumica e njerëzve nuk e kuptojnë që përdorimi i alkoolit rrit rrezikun e llojeve te ndryshme te kancerit , duke përfshirë edhe kancerin e pankreasit , stomakut, mëlçisë, dhe gjirit. Sa më shumë qe është konsumuar alkooli , aq më i madh është rreziku. Disa studime kanë ardhur ne përfundim se edhe përdorimi i pakte i alkoolit shkakton kancerin e gjirit.


6. Lëndimi i muskujve te zemrës

Studimet e fundit në. mjekësi kane bere teste definitive qe kanë treguar shenja të lëndimit të muskujve të zemrës nga konsumi i alkoolit . Edhe konsumimi " I moderuar" (i lehte) i alkoolit shkakton sëmundje koronare te zemrës.


7. Impotenca
Alkooli shkakton impotence seksuale


8. Dëmet Tjera
Forca e muskujve gradualisht zvogëlohet në mesin e atyre që pinë alkool.
Nga fotografimet me skaner x-ray është pare mplakje e eshtrave te atyre qe pine alkool per 10 deri 20 vjet me shumë , si dhe është vrejtur humbje e dendësisë se eshtrave

[fisniku-student]

Alkooli demton rëndë trurin e të rinjëve



Alkooli shkakton dëmë të pariparueshme në trurin e adoleshentëve.

Kjo u ndodh atyre të rinjve që gjatë periudhës së adoleshencës konsumojne sasi të mëdha alkooli. Sipas studimit të publikuar në revistën akademike amerikane “PNAS”, paraqitet eksperimenti i bërë me një shimje të moshës se re.

Pasi konsumoi alkool në sasi të mëdha, në trurin e kafshës janë vënë re dëme të rënda, sidomos në zonën e orientimit. /tch/

[fisniku-student]

Alkooli më i dëmshëm se kokaina dhe heroina



Alkooli është më i rrezikshëm se drogat ilegale, siç është heroina dhe kokaina, nëse merret parasysh efekti i tij te personi që e konsumon, por edhe te shoqëria në përgjithësi.

Gjatë një studimi, ekspertët britanikë kanë analizuar ndikimin e alkoolit, kokainës, heroinës, ekstazit dhe marihuanës, në bazë të efektit shkatërrues në organizmin e konsumuesit, por edhe të shoqërisë në përgjithësi.

Heroina, kokaina dhe metamfetamina konsiderohen si droga më vdekjeprurëse për individët, por nëse merret parasysh ndikimi në shoqëri, alkooli është më i dëmshëm, kurse pas tij vijnë heroina dhe kokaina.

Në vlerësimin si më të rrezikshme (me pikë prej 0-100), alkooli prin me 72 pikë, pason heroina me 55 pikë, pastaj kokaina me 54 pikë, ndërkohë që marihuana gjendet shumë më poshtë.

Ekspertët thonë se alkooli gjendet në vend të parë, pasi që përdoret më shumë dhe ka pasoja të shumta, jo vetëm tek alkoolistët, por edhe te shumë njerëz rreth tyre.

Kur teprohet me konsumimin, alkooli dëmton thuajse të gjitha organet. Po ashtu, shumë vepra kriminale janë të lidhura me alkoolin, sesa me ndonjë drogë tjetër. /Telegrafi/

[fisniku-student]

Alkooli dhe familja




Alkooli nuk është vetëm një produkt psikotrop, por edhe toksik për organizmin. Te fëmijët të dy elementet luajnë rol thelbësor: psikika dhe trupi i tyre nuk janë gati të përballojnë efektet e alkoolit.

Fillimisht më duhet të them se assesi nuk duhet menduar se alkooli paraqet problem vetëm për familjet të cilat në radhët e tyre kanë alkoolikë, problem kanë edhe familjet që në radhët e tyre kanë ndonjë konsumator që nuk ka rënë në varësi, por kuptohet në masë më të vogël.

Nisur nga kjo u përcaktova për këtë nëntitull e nuk iu binda nëntitullit: Alkooliku dhe familja.
Në lidhje me këtë nuk do ta zgjasim shumë, por, duke marrë parasysh pasojat e alkoolit (disa nga to i përmendëm), po i parashtrojmë disa pyetje, të cilave s’do të ketë nevojë t’u përgjigjemi:

-Sa mund të mendohet se janë të kënaqur prindërit e një të riu që bie në varësi nga alkooli?
-Sa është e mundur që një alkoolik i varur t’i kryejë të gjitha obligimet e tij ndaj bashkëshortes, fëmijëve..?
-Ç’ndikim ka alkooli te pasardhësit e alkoolikut?
- Ç’shembull paraqet alkooliku për fëmijët e tij?....

Të gjitha këto pyetje paraqesin probleme në vete dhe meritojnë enkas të studiohen, por këtu ne do të mjaftojmë vetëm së përmenduri disa gjëra të cilat nuk guxojmë t’i lëmë në harresë.
Alkooli me ndikimin e tij negativ në jetën seksuale, duke shtuar vetëm dëshirën e duke zvogëluar potencialin, bën që alkoolikët të bëhen xhelozë, karakteristikë kjo e cila shkakton probleme të shumta, si: fyerje, rrahje, shkurorëzime etj.

Dr. Riçard Frolih thotë se: Alkooli jo vetëm që dëmton konsumatorin, por ai bart ndikimin e vet shkatërrues po ashtu edhe te pasardhësit. Kurse dr. Ivan Hercog thotë: “Për shkak të degjenerimit shpirtëror, alkooliku shkatërron familjen e tij, bëhet punëtor i keq, pra në çdo aspekt person antisocial”.


Vartësi nga alkooli

Alkooli, pra, ka ndikimin e tij shkatërrues në të gjitha ato sfera, pa të cilat nuk mund të ketë familje të shëndoshë, stabile. Nëse rastet e këtilla na janë të shumta, atëherë duhet ditur se jemi anëtarë të një shoqërie që shkon drejt rrënimit.
Së këndejmi, askush nuk ka të drejtë të hidhërohet me ata që e luftojnë këtë të ligë, me ata që dëshirojnë të jenë pjesë e një shoqërie të shëndoshë.

Të gjithë e njohin alkoolin, edhe fëmijët! Ai zë një vend të privilegjuar në shoqërinë, gastronominë dhe kulturën tonë. Rreth 4 të rritur në 5 konsumojnë alkool. Disa e bëjnë këtë çdo ditë, të tjerë vetëm në fundjavë ose në raste festash të ndryshme dhe të tjerë abuzojnë ose vuajnë nga vartësia e tij. Fëmijët me mënyrën e tyre e kanë kuptuar këtë. Shumë të vegjël e ndiejnë që do të jetë pothuajse e detyrueshme që një ditë dhe ata vetë të pinë alkool. Ju si prindër nuk duhet t’u jepni këtë shembull fëmijëve. Më mirë prisni që ata t’ju pyesin vetë dhe pastaj pozicionohuni në mënyrë të qartë: alkooli nuk është një pije për fëmijë, sepse ka efekte psikotrope: ai mund të krijojë probleme të rënda për të gjitha moshat.
Alkooli nuk është vetëm një produkt psikotrop, por edhe toksik për organizmin. Te fëmijët të dy elementet luajnë rol thelbësor: psikika dhe trupi i tyre nuk janë gati të përballojnë efektet e alkoolit.

Duhet bërë dallimi midis të provuarit të shijes së alkoolit nga një fëmijë 8 vjeç, i cili shijon pak nga gota e të rriturit, nga konsumimi i përditshëm i një 12-vjeçari. Në rastin e parë bëhet fjalë për një eksperiencë të izoluar, në rastin e dytë bëhet fjalë për një sjellje për të cilën duhet të preokupohemi: në moshën 12- vjeçare një gotë pije alkoolike çdo
javë përbën një rrezik i cili mund të zhvillojë më vonë probleme konsumimi, sepse produkti mund të zërë një vend të rëndësishëm në jetën e një fëmije.

Më vonë, në moshën 16-vjeçare, një konsumim pak a shumë i përditshëm përbën problem pasi rrezikohet të kalohet nga përdorimi episodik në atë të zakonshëm dhe, në moshë më të rritur, nga përdorimi i zakonshëm, të kalohet në një gjendje vartësie ndaj alkoolit.
Gjatë festave ose fundjavës të pirët mund të kthehet shumë shpejt në dehje, në largim nga realiteti. Një dehje mund të çojë në një aksident me makinë, në sjellje të papërshtatshme ose edhe në një komë etilike. Këtu nuk bëhet më fjalë për moshën; është një problem që i kap të gjithë, edhe të rriturit. Por, tek adoleshentët efekti i alkoolit ndihet më shumë se te të rriturit.


Pasojat e konsumimit të alkoolit

Mënyra se si reagojmë ndaj alkoolit nuk varet vetëm nga sasia e konsumuar, por edhe nga situata në të cilën ndodhemi, nga forma fizike, gjendja shpirtërore gjatë atij momenti etj.
-Nëse kemi një peshë të lehtë trupore, reagojmë shpejt ndaj një sasie të vogël alkooli. Nëse nuk kemi ngrënë, alkooli na deh më shpejt sesa kur konsumohet gjatë ngrënies ose pas saj.

-Një person që nuk është mësuar me alkool dehet shumë më shpejt se një i mësuar me të.
-Nën moshën 16-vjeçare alkooli nuk asimilohet aq lirë sa tek të rriturit, për shkak të mëlçisë, e cila nuk është ende e zhvilluar plotësisht.
Nuk duhet të harrojmë që alkooli është një substancë psikotrope, e cila modifikon perceptimin e realitetit. Duke pasur parasysh specifikat e zhvillimit psikik në adoleshencë, alkooli përbën rrezik të madh në stabilizimin e psikikës.
“Vajza ime 17-vjeçare më tregon që gjatë mbrëmjeve me shokët, ajo pi shumë lloje përzierjesh alkoolike. A është kjo më e rrezikshme sesa birra?”

Këto përzierje të alkoolit të fortë (apo likerit) me lëng frutash apo lëngje gazuese shiten si të parapërgatitura ose edhe përgatiten në moment nëpër bare ose festa shtëpie. Në një përzierje të tillë përqendrimi i alkoolit varet nga sasia dhe nga lloji i tij. Mund të themi që këto përzierje janë më të rrezikshme se birra, sepse:
-Duke qenë se është një përzierje me lëngje frutash, ëmbëlsia e tyre mbulon shijen e hidhur të alkoolit dhe si rrjedhojë pijmë më shumë.
-Ka më shumë alkool sesa në një birrë.

-Me këtë lloj përzierjeje adoleshentët mësohen pak nga pak me alkoolin e fortë.
Për më tepër, gazi karbonik përshpejton kalimin e alkoolit në organizëm. Shitja e alkoolit të fortë, në vendet e Evropës dhe vende të tjera është e ndaluar për fëmijë nën moshën 18 vjeç. Përqendrimi i alkoolit varet nga pesha e vet individit, nga numri i gotave që ka pirë, nga sasia e alkoolit që ka pasur në gotë dhe nga ritmi i konsumimit.
Ja një shembull i alkoolemisë (alkoolit në gjak), pa ngrënë përpara. Nëse vajza ka një peshë të lehtë trupore, përqendrimi do të jetë më i lartë. Po nesër në mëngjes? Përqendrimi i alkoolit në gjak ulet 0.1% në orë.
Ja një shembull: Te një vajzë e re 17-vjeçare, 50 kg, që pi një “koktej” (5 cl përzierje alkoolike) çdo një orë, pa ngrënë asgjë, përqendrimi i alkoolit në gjak do të jetë...

Pas 1 ore dhe 2 kokteje: 0,6% = turbullim i lehtë,
Pas 2 orësh dhe 2 kokteje: 1,0% = dehje, ekuilibër i shqetësuar,
Pas 3 orësh dhe 3 kokteje: 1,4% = humbje e kontrollit,
Pas 4 orësh dhe 4 kokteje: 1,9% = somnolencë, letargji.