KINO-DITARI : Filma të rinj në 2008

[Fiori]

It's a free World është përsëri film i 2007 (madje dhe në pjesën më të madhe të Europës në 2007 ka dalë )...

Mua me ka pelqyer shume si film. Aksenti dhe fakti qe Angie nget motorr me bene te shikoja filmin, sepse nga skenat e fillimit pak si 'monotone' mu duk. Por me pas eshte shpirti i 'entrepreneur' (une marr superxhiro nga stimulime te tilla lol) dhe fakti qe nganjehere duhet shkuar kunder rrymes dhe se rreziku eshte vetem dicka qe ne si njerez e 'imagjinojme' ; )

Zhfrytezimi i te dobtit pastaj ka egzistuar qe me fillimet e njerzimit. Por ne fund kam idene qe andej nga Europa njerzit jane pak me te eger dhe pak me dembele...pak a shume si jugu ketu ne U.S.

[autori]

Mua me ka pelqyer shume si film. Aksenti dhe fakti qe Angie nget motorr me bene te shikoja filmin,

Ne cilin web-site e pe ? Sepse nuk besoj te kete dale neper kinema ne USA...

Shfrytezimi i te dobtit pastaj ka egzistuar qe me fillimet e njerzimit. Por ne fund kam idene qe andej nga Europa njerzit jane pak me te eger dhe pak me dembele...pak a shume si jugu ketu ne U.S.

Po pra. Ky eshte dhe thelbi i dallimit midis te djathtes dhe te majtes ne Oksident (si koncept) : e djathta e pranon shfrytezimin si fatalitet ("keshtu eshte shkruajtur, s'kemi ç'bejme : shfrytezimi eshte ne natyren e kafshes, me fal desha te them te njeriut ", ndersa e majta, ajo qe quhet social-demokraci, mendon se duhet intervenuar (nderhyrë) permes shtetit per ta zbutur pak kete barbari.

Shkurt, rraca njerezore vazhdon te sillet si rracë kafshërore, sepse eshte ende ne adoleshencen e saj (ka fort shance qe Njeriu te jete ne moshen e adoleshences se tij dhe ende te mos kete arritur pjekurine e tij si qënie). Për aq kohe sa nuk vijne te na terheqin (shkulin) veshin jashte-tokësorët (extraterrestralët), keshtu do shkoje kjo pune : do vazhdojme te "bejme qejf", pra te hame njeri-tjetrin IshALLAH nuk na kane filmuar jashtetokesorët, se do kemi lënë koqen e namit ! lol

[Fiori]

Nga e di ti që nuk na kanë filmuar, e na kanë studiuar e ... lol

Nuk jam për shfrytëzimin e njeriut, në asnjë lloj mënyre apo forme, ndaj dhe siç përmënda dhe më lart 'kam idene se njerzit në Europë janë pak më të egër dhe pak më dembelë' se këtu ku jetoj në përgjithsi bëhet gjullurdi e madhe për të drejtat e njeriut, ndaj dhe një njeri i thjeshtë si puna ime, e ardhur nga fundi i Botës, gëzon të njëjtat të drejta si gjithë Amerikanët e lindur këtu.

Por në të njëjtën kohë jam reale : Ne si njerëz e kemi në natyrë këtë lloj sjellje, shfrytëzimin dmth, qoftë kjo sjellje kafshërore apo jo. Mendoj se dhe ata të cilët nuk shfaqin shumë tiparet e kafshës, apo dhe mundohen ta 'zbutin' kafshën tek njeriu, thjesht sa kundërshtojnë veten. Dhe gjithashtu mendoj se në situatën e duhur, të gjithë njerzit a kanë më të lehtë të jenë kafshë.

Nuk e mbaj mënd në çfarë faqe e kam parë (në US ka dalë në Tetor të 2007 ), por ka mundësi dhe tek ajo faqja lart ku kam vendosur lidhjen ku mund të shikoni filmin e Will Smith. Ka faqe plot në internet për këto punë... : )

---------------

Këtë fundjavë pashë 'Legend of the deep' - me kalin e ujit. Hmm ishte 'çka'...




E pashë me shume sepse mu duk si film i thjeshte dhe si per tu larguar nga rremuja e javes por dhe nuk kishte ndonje nivel apo zhvillim kushedi te ngjarjes. Sikur mezi po prisja sa te mbaronte filmi gjate gjithe kohes.

[autori]

Skenaristi i "Le petit Lieutenant" (Lietnanti i vogel) dhe "Selon Matthieu" (Sipas Mateusit), dy filma shume te mire franceze, kete rradhe, dhe per here te pare për të, eshte regjizor i nje filmi : "LE TUEUR" - "Vrasësi".

Historia eshte e thjeshte: Léo, afarist, jeta e te cilit shkon per bukuri, kupton nje dite se duan ta vrasin.

Pra behet fjale per nje triller, nje zhanër i ster-perdorur ne kinema. Por "Vrasesi" eshte gjithe nerv kinematografik e pa dyshim, me i miri qe kam pare per kete vit qe fillloi. Ka diçka prej Kitano-je ne film, nje humor i zi dhe i ftohte. Por edhe fibra sentimentale eshte tejet interesante dhe origjinale, sikunder dhe loja autentike e aktoreve dhe fotografia e filmit ( sigurisht, perderisa e ka bere kameramania më e talentuar qe ka aktualisht Franca, dmth Caroline Champetier ).

[autori]

Pas nje trilogjie me teme qendrore hakmarrjen ("SYMPATHY FOR MR. VENGEANCE" (2002), "OLD BOY" (2003), "LADY VENGEANCE" (2005), Park Chan-wook ndryshon komplet regjister : "I'm a cyborg" ("Une jam robot")eshte komedi romantike, me sfond fantastiko-shkencor. Ka diçka prej teatrit absurd te Ionesco-s ose Beckett-it ne kete film.

Personalisht, nuk kam qene fans i "Old boy", sukses kinematografik i regjizorit ne fjale qe te krijonte pershtypjen se dinte te bente vetem filma me dhune dhe provokues.
Ky i fundit, eshte vertete nje suprize e magjishme, qe me pelqeu SHUME SHUME !

Nje vajze e re dergohet ne spital psiqiatrik sepse i genjen mendja qe eshte robot (cyborg), rrefuzon te hajë, dhe ne vend te ushqimit, lepin bateritë elektrike dhe "bisedon" me automatet !

Gjithe filmi zhvillohet ne spital psikiatrik, ku vajza bie ne dashuri me nje te shkalluar tjeter. Dhe te dy, shkallojne edhe me shume bashke ! E bashke me ta shkallon dhe filmi, me nje forme komplet rococo (por jo film-skeç !!!), ku spitali i te çmendurve perdoret si alegori e shoqerise jug-koreane, por dhe e shoqerise njerezore, ne kuptim më te gjere, shoqeri e robotizuar, e pa shpirt, e zhveshur nga ndjenjat. Por te gjitha keto jane rrefyer me shume humor ! Filmi keshtu trajton ne menyre origjinale temat e dashurise, miqesise, familjes.

"I'm a cyborg" ka imazhe vertet te mrekullueshme filmike, mund te kuptohet edhe pa lexuar titrat (perkthimin) e dialogjeve. Tamam film per mua, qe jam shume kaqol per te kuptuar skenarët e ngaterruar te filmave te ngaterruar


TRAILER i filmit: http://www.youtube.com/watch?v=YhhRj...eature=related

web-site i filmit : www.jesuisuncyborg-lefilm.com

[Fiori]

Mire dakord Fiori , qe ky film nuk ka bere ndonje sensacion kushedi apo sukses , por mos harro qe listat bazohen ne fitimet e tyre.

Pink, po c'film romantik moj e 'shkrete' une u semura duke qare...megjithse dhe humor kish si film, ashtu dhe aq sa duhej.

'What was the point...it's so crazy I could kill somebody.."

Tani per ata qe lexojne titrat - filmi eshte bazuar ne novelen e pare te shkrimtares Irlandeze Cecelia Ahern, i publikuar ne 2004. Hilary Swank me pelqeu shume. Yeah, yeah dhe ai ishte sheqerke dhe kaluar sheqerkes lol

"You made my life...and I'm just one chapter in yours."

Oh dhe 'mesova' qe asnje nga ne nuk del 'gjalle' nga jeta, hah kush e dinte...

p.s. sa pallto/xhaketa ndrroi Hilary Swank ne kete film? : )

------------------

Gjithashtu dje pashe dhe 'Sex and Breakfast' me Macaulay Culkin dhe Eliza Dushku. Hmmm cka - mu duk pak si version 'modern' i Indecent Proposal.

------------------

Ndonje film i ri qe ja vlen per tu pare kete fundjave?

[autori]

Ndonje film i ri qe ja vlen per tu pare kete fundjave?

filmi i ri i Sean Penn-it, "INTO THE WILD" ! Do shkoj sot pasidte ta shoh, por po konstatoj qe ne USA paska dale ne tetor dhe veçse ne 600 salla kinemaje (nga rreth 6 mije qe ka USA).

[peoples]

Nuk mjafton literatura (Kerouac),muzika(Devendra Banhart),edhe kinemaja ka marre persiper t'i afrohet ideve utopike te disa personava te kamur qe nuk shijojne me ate çfare i afrohet,qe braktisin shkollat e mira amerikane ku dalin pinjollet e teknollogjive te fundit (Google,Facebook etj).
Shija qe me la ky film eshte pak e dyshimte.Filmi eshte realizuar mire,me nje zgjedhje estetike qe pranohet.Bashkepunimi me nje francez (Eric Gautier) ndoshta i ka dhene me shume ide Sean Pen.
Por,nje kontroll paksa romantik i personazhit kryesor,sikur ia heq pak forcen shpirterore te veprimit te tij.Nuk besoj se Alexander Supertramp ka pranuar te udhetoje e te lirohet nga "zinxhiret" e konsumizmit dhe te progresit per t'u bere nje dite nje star,nje person mediatik.Por kjo eshte Amerika e djallit,qe premton se çdo person dhe veper qe ai kryen,si vrasje,tmerre apo dhe bamiresi,do te kaloje nepermjet sistemeve te ndryshme te imazheve.
Romantik,utopist.Filmi nuk zgjedh idealin e Alexander si perparesi,por vetem si nje ane dytesore.Eshte e dukshme qe Sean Pen nuk ka arritur te gjeje tjeter formule ne nje film qe zgjat 2 ore e 1/2.Ai mbush planet me imazhe te natyres,dhe nuk eshte keq,por ketu nderhyn ana dokumentaristike.
Sidoqofte,nje film qe le dyshime.Ka nje energji dhe eshte e pranueshme qe Sean Pen ka punuar me te vertete mire ne kete film,por liria qe ai ka patur per te prodhuar filmin sikur e ka ulur pak efektin qe mund te kene disa tipa qe largohen nga familja,urrejne prinderit psikopate,por qe sot asgje nuk ka ndryshuar dhe s'do te ndryshoje.Mjafton te largohesh ne Afrike dhe te mos kesh nevoje per te hekurosur rrobat apo per t epaguar fakturat e telefonit dhe te internetit.Liria gjendet kudo,dhe ketu ndodh ana paksa e pabesueshme e filmit qe personazhi nuk eshte lene ne paqe.Filmi nuk di te heshti per te respektuar qendrimin e tille apo dhe qellimin.Per kete thoja me siper qe literatura apo muzika edhe mund te pranohet si mjet,qellim artistik,por imazhet kane nje tjeter qellim,te gjithe kerkojme te shohim,te pelqejme.Dhe Alexander nuk zgjodhi Alasken per t'i pelqyer te tjereve,por vetem per veten e tij dhe asnjeri nuk e di se perse,perjashto shkrimet e tija.

[Fiori]

Nuk mjafton literatura (Kerouac)...

Por kjo eshte Amerika e djallit,qe premton se çdo person dhe veper qe ai kryen,si vrasje,tmerre apo dhe bamiresi,do te kaloje nepermjet sistemeve te ndryshme te imazheve...

Kush eshte Kerouac? Une e di qe filmi eshte bazuar tek libri me te njejtin titull, i shkrimtarit amerikan Jon Krakauer. Duhet theksuar se Krakauer vete eshte alpinist dhe librat e tij ne pergjithsi kane nota biografike. Ai ka pasion eksplorimin e maleve ne pergjithsi dhe Alasken ne vecanti, ndaj dhe mendoj se nje film i bazuar ne nje liber biografik nuk kish si te mos kish nota dokumentari.

Me ra ne sy gjithashtu pershkrimi qe i ke bere Amerikes. Sa vjet ke jetuar ne Amerike qe ke dale ne kete konkluzion, apo ishin ato dy ore e gjysm film te mjaftueshme per te nxjerre 'filozofine e jetes' te nje kontinenti te tere?

Into the Wild



Une e sugjeroj kete film...por kuptohet nuk eshte dicka qe mund ta shikosh ne nje mbasdite te premte per shembull me shoqerine. Ky eshte film per te shtunen ne darke, me nje pije perpara dhe me mendje te qete. Te jep mundesi reflektimi dhe sigurisht nje pjese e mire e tij zhvillohet ne Alaske, qe per mendimin tim eshte Parajsa e Botes (e kam 'studiuar', 'vezhguar' lol, kam degjuar te njohur te flasin per te dhe vete mezi po pres te shkoj kur te me plotesohen disa kushte te vogla )


p.s. autor vertet aq shume kinema ka ketu? Nuk i kisha numeruar ndonjehere . Filmi ne fakt doli dhe tek kinemaja e qytetit tim ...kenaqu sot me te.

[autori]

Por,nje kontroll paksa romantik i personazhit kryesor,sikur ia heq pak forcen shpirterore te veprimit te tij.Nuk besoj se Alexander Supertramp ka pranuar te udhetoje e te lirohet nga "zinxhiret" e konsumizmit dhe te progresit per t'u bere nje dite nje star,nje person mediatik. Por kjo eshte Amerika e djallit,qe premton se çdo person dhe veper qe ai kryen,si vrasje,tmerre apo dhe bamiresi, do te kaloje nepermjet sistemeve te ndryshme te imazheve, dmth kinemase.

Po aman dhe ti, sikur nuk e di ti qe kinematografia amerikane ose shkurt Ameriqia vdes te imortalizojë nje çikë ne ekran (t'i ktheje në të "pavdekshem") personazhe nga jeta e vertete. Keshtu ka qen qe ne lindjen e kinemase, i beson kesaj lloj kinematografie Amerika, ç'ti bejme ne tani aman

Une ne fakt, nuk e dija nje fakt te tille, pra nuk e dija qe "INTO THE WILD" bazohet ne nje ngjarje te vertete. E mesova ne fund te filmit dhe ne nje fare menyre, sigurisht qe ma hoqi paksa opinionin e mire per filmin (kujtova une i mençmi : "Sa mire qe e paska stisur Sean Penn-i kete histori ?" lol). Nejse, s'ka ndonje gje skandaloze ne kete mes, per me teper qe Sean Penn eshte regjizor qe ka provuar se nuk eshte rrugaç apo klloun cirku, ndaj moraliteti i filmit eshte goxha i lavderueshem.

Montazh shume i shpejte, muzikë në çdo dy minuta. Por çuditerisht, perdorur me mend. Mu krijua pershtypja se Sean Penn ka dashur te beje nje film Malick-ian (pra, nje regji e frymezuar nga regjizori i mrekullueshem Terrence Malick - http://www.forumishqiptar.com/showpo...&postcount=146 ). Kuptohet, Penn nuk ja arrin gjithe kohes, sidomos ne fund te filmit ne fjale : duhet te quhesh vertet Terence Malick per te bere nje mbyllje aq te shpejte, aq te mrekullueshme sa ajo e "The new World"... .

p.s. autor vertet aq shume kinema ka ketu?

Po pra, ne USA ka rreth 6 mije kinema (per gati 300 miljon banore), dmth nje kinema per rreth 50 mije banore. Ne France jane rreth 1200 kinema per 60 miljon banore, dmth nje kinema per rreth 50 mije banore. Fiks i njejti proporcion.




web-site i filmit: http://www.intothewild.com/


Ne foton e meposhtme: Sean Penn duke filmuar personazhin kryesor te filmit te tij.

[peoples]

Autori,je gabuar mik i dashur per numrin e kinemave,nuk e di nga i ke marre keto shifra?Ne France ka plot 5340 kinema,ne 2007 (shifrat e publikuara nga CNC).vetem Parisi numeron 330 kinema,nje nga qytetet e vetme ne bote me nje numer aq te madh kinemash.

Sa per saktesimet, Jack Kerouac eshte nje shkrimtar amerikan,perfaqsuesi me i denje i beat generation.Libri i tij i famshem On the road,mund te kete influencuar gjithe historine,ate te verteteten dhe ate te bere paçamurr nga Paramounti.
Ne USA s'kam jetuar,ne Europe po jetoj per momentin.Nuk flas jashte kontekstit kinematografik,nese permend djallin kam parasysh studiot (majors) dhe triumfin e tyre mbi artin.Warner,MGM,Paramount,Columbia,RKO,UA,jane disa nga djajte qe i kane dhene dhe i kane marre kinemase amerikane qe mbetet akoma e shendetshme megjithe grevat qe kane mberthyer studiot.Pastaj SHBA nuk perfaqson nje kontinent te tere,apo gabohem?
Sidoqofte,ide interesante te shohesh nje film,te shtunen,me nje gote perpara;ketu ne France nuk lejohen pijet alkolike ne salle,perveç popcorn apo ndonje shishe plastike coca-cola,nuk gjen gje tjeter.Dhe keto ne ndonje kinema per filma me lufte dhe perkedhelje.

[Fiori]

Hahaha...

Filmi eshte bazuar ne librin me te njejtin titull sic e permenda dhe me lart 'Into the Wild' botuar ne 1996, me autor Jon Krakauer. Librin mund ta blini ketu. Vetem pasi te keni lexuar librin mund te flasim per anomalite e tjera, sepse kam idene nga argumentat qe jepni ne pergjithsi, qe flisni per hir te te folurit, jo te bazuar ne njohuri dhe fakte...eh sigurisht sigurisht...!




Po, ka kinema ne SHBA ku mund te shijosh nje gote vere duke pare filmin, madje dhe mund te hash darke me tavolina perpara. Biletat jane me te shtrenjta ne keto raste si dhe ushqimi paguhet me vete. Gjithashtu, ne US ka me shume se 6000 kinema, madje nq se je i interesuar per numra te sakta autor, mund te t'i dergoj ndonje dite me emra dhe vendodhje. Sa qesharak me duket fakti i numerimeve : )


p.s. sigurisht SHBA nuk eshte kontinenti, edhe pse e kemi ne plan qe ta bejme keshtu lol, por dhe ti nuk kishe permendur SHBA me lart, kishe permendur Ameriken

[autori]

Autori,je gabuar mik i dashur per numrin e kinemave,nuk e di nga i ke marre keto shifra?Ne France ka plot 5340 kinema,ne 2007 (shifrat e publikuara nga CNC).vetem Parisi numeron 330 kinema,nje nga qytetet e vetme ne bote me nje numer aq te madh kinemash.

Po, e vertete, mesa di une, jane rreth 5000 salla qe perdoren edhe si kinema, edhe per aktivitete te tjera (teater, spektakle etj etj), kjo me se shumti ndodh ne qytete te vogla (si pune "pallatesh kulture"), ose ne qytete relativisht te vogla (me kujtohet te kem qene ne Poitiers, dhe ne qender te qytetit ish nje salle, qe midis te tjerash sherbente edhe si kinema, por si fuksion te pare ishte salle spektaklesh).

Keshtu qe kur thoja se ka rreth 1200 salla kinemaje, flisja per salla kinemaje ne kuptimin strikt te fjales

[PINK]

Tani kur behet fjale per salla si i numeroni ato , kinama apo salla brenda kinemase ?

Kot kuriozitet me shume ne France si i keni kinemate ju Autor me sa salla brenda ?


PS: Fiori po dhe ti Drame nuk mund ta quajme se ke qare shume ti
Ne fakt prekes ishte une e thashe , po e kishin gershetuar bukur me romantizem dhe pak humor qe ne fund te linte nje shije te kendshme .
Dhe e bukur ajo quota vertet "You made my life...and I'm just one chapter in yours."
Me shume kuptim .... eh jeta vazhdon .

nejse . Po Atonement e ka pare njeri ? Ja vlen , se nga lista vetem ky duket sikur mund te jete "dicka" ..

[autori]

Tani kur behet fjale per salla si i numeroni ato , kinama apo salla brenda kinemase ?

Numerohet numri i kinemave, pak rendesi ka se sa salla ka brenda kinemaja.

Ne France, si i keni kinemate ju Autor, me sa salla brenda ? ..

Eshte identikisht si ne USA dhe ne shumicen e vendeve perendimore: pra, nje kinema, ka shume salla brenda. Megjithate, ekzistojne edhe kinema (sikurse dhe ne USA, i kam pare vete kur kam qene !) me nje salle te vetme, pra kinema te vogla, ku jepen vetem filma autorialë (ose, art movie- siç perdoret nganjehere ne USA). Kinemaja ku shkoj me se shumti eshte as e madhe, as e vogel, ka 5 salla dhe me se shumti (ne 80% te rasteve) shfaq filma autorialë, pra qe kane nje numer te vogel shperndarjeje.

Sa per numrin preçiz te kinemave ne nje vend, mendoj se eshte disi e veshtire te thuhet ekzaktesisht. por di që nje blockbuster (film hollywoodian), ne USA, shperndahet relativisht ne 2000-3000 kopje, dmth ne 2000-3000 salla, ndersa ne France ne 700-800 kopje (salla). Ndaj thoja qe, ne perfundim, i bie qe shperndarja e sallave ne USA dhe ne France, eshte relativisht e njejte, ne proporcion me popullaten e secilit vend (USA- afresisht 300 miljon banore, France, relativisht 60 miljon banore). Avantazhi i Parisit si qytet (dhe ketu jam plotesisht dakort me peoples) eshte se Parisi eshte vertet kryeqendra kinematografike e botes, dhe te jep mundesine te shikosh filma nga me te rrallet, filma te vendeve me kinematografi shume te vogel ne sasi, por qe nuk ja heqin vleren (cilesine). Une personalisht, ti e di, nuk jetoj ne Paris, por dhe ketu ku jam, vijne filma te rralle, gje qe e kam shprehur ne forum, ne komentet e filmave qe shikoj. per shembull, mendimi im eshte qe keto 3-4 vitet e fundit, filmat me te mire kane qene ata jug-koreanë, izraelitë, gjermanë e deri diku, francezë. Edhe pse, filmi qe me ka mrekulluar me shume ne keto 4-5 vitet e fundit mbetet nje film... paraguajan (amerika e Jugut).

nejse . Po Atonement e ka pare njeri ? Ja vlen , se nga lista vetem ky duket sikur mund te jete "dicka" ..

Une them se ja vlen (ka fort shance te shkoj ta shikoj te marten), pra mund te jete "diçka", siç thua ti. Fundi thuhet eshte i mire SHUME ! Regjizori i tij, anglezi Joe Wright, 35 vjeç, ka pas bere para dy vjetesh filmin e tij te pare, qe nuk e pata pare: "Pride and Prejudice" (Orgueil et préjugés) por qe duhet te kete qene i mire. Ky, pra, "Atonement" ("Reviens-moi" ne frengjisht), eshte nominuar 7 here per Golden Globes, qe zakonisht nominojne kinomatografi deri diku te mire (çmimet e GOLDEN GLOBES 2008 merren vesh sonte, e djele, ne darke).

[Fiori]

Po Atonement e ka pare njeri ? Ja vlen , se nga lista vetem ky duket sikur mund te jete "dicka" ..

lol po pra preteksti. Nuk te thashe kot qe po e lija per ta pare ne momentin e duhur

Atonement, e permenda tek tema tjeter me duket. Mu duk pak i merzitshem. Ndoshta sepse dhe une isha si pa vemendje kur e kam pare, ndaj me la pershtypjen e nje filmi shume te gjate. Gjithe kohen mezi po prisja te mbaronte. Por nuk dua ti ul vlerat si film, mendoj se opinioni im u kushtezua nga rethanat ne te cilat e pashe (kur te flasin njerzit nga te dyja veshet : ), nuk e ke mendjen ta ndjekesh filmin sic do). Kur te kem kohe dhe te me jepet mundesia, do ta shikoj perseri.


Sot pashe 'Juno' - film i thjesht, por me pelqeu shume. Sidomos 'slang' qe perdoret neper gjimnaze, me kujtoi shkollen si dhe vdes per dy aktoret kryesore Ellen Page & Michael Cera. Ta sugjeroj nq se je 'ne ate moment' lol

[autori]

Uff, me ne fund nje film i mrekullueshem ! Edhe pse filmi i pare i nje regjizoreje te re !

Historia eshte e thjeshte dhe bazohet ne nje personazh qe ka ekzistuar vertet : Ne vitet 70-80, ne Paris, jetonte Vladimir Slepian, shkrimtar me origjine ruse qe arrin te botoje nga fundi i viteve '70 nje liber te vetem me te cilin korr sukses, pastaj... asgje. Dhe qe perfundon i pastrehë ne fund te viteve '90 (clochard). Por qe vazhdon gjithmone te shkruaje e te shkruaje, edhe pa botuar. Për të, pak rendesi ka koha, pak rendesi ka nese ato qe shkruan lexohen do te lexohen sot apo pas 100 vjetesh.

Filmi trajton keshtu temen e vetmisë tek nje njeri i mbyllur ne vetvete, qe nuk ben asnje perpjekje per te qene i shoqerueshem. Film poetik i trajtuar me delikatese dhe qe arrin te japë esencën e njerezimit : nje ecejakë e vetmuar, absurde dhe emocionuese.

web site i filmit: http://lhommequimarche.free.fr/

[Fiori]

Suburban Girl - film i 2007, sot del ne DVD ketu. Me pelqeu, nuk e di si e kalova pa e pare kur doli fillimisht ne kinema. Mendoj se duhet te kete me shume filma kushtuar shkrimtareve dhe editoreve. Me kujtoi karakteret e klases se gazetarise dikur...koha e ka gjithe fajin!




p.s. kjo e scooby doo - me ngjet pak me binjackat e forumit

[autori]

Rast i ralle per me pà nje film qe vjen nga nje vend i vogel europian si Irlanda.

"Garage" tregon jeten e perditshme te Josie, garazhist ne nje stacion servisi ne periferine e humbur te nje qyteze te humbur te Irlandes.

Film timid (i ndrojtur) per nga mizaskena, por pikerisht, duke qene shume i ndrojtur, regjizori mbyt filmin e tij, mbyt emocionin qe pritet nga filmi, duke e kthyer atë në gati-gati ne telefilm... :-(
Per mendimin tim, c'est du sous Dardenne (ou Dumont)...


web-site : http://www.garage-lefilm.mk2.com/

[autori]

Ang Lee, i famshmi regjizor kinez i "BROKEBACK MOUNTAIN", pas rreth 6-7 vitesh pune ne Hollywood si regjizor, i eshte kthyer vendlindjes se tij, ku ka xhiruar filmin e tij te fundit "Lust, Caution" ("Lluks, Kujdes, Vëmendje"), me te cilin fitoi vjet Luanin e Arte ne Festivalin e Filmit ne Venecia.

Filmin e pashe sonte; nuk di nese ka dale ne USA, por besoj se nuk ka dale akoma, pasi po lexoja se per Oscar, filmi ka mundesi te mos jete ne liste, pasi konsiderohet me se shumti si prodhim Kino-tajvanez se sa amerikan.

Para dy vitesh, hollandezi Paul Verhoeven, pasi punoi per vite ne Hollywood (dhe realizoi, midis te tjerash "Starship troopers" ose "Basic Instinct"), u kthye ne vendlindje, Hollande, dhe beri nje kryeveper : "Black Book" ( http://www.forumishqiptar.com/showpo...&postcount=319 ).
Te njejten gje ka bere dhe tajvanezi Ang Lee : pas realizimit te disa filmave per kompanite hollywoodiane, i kthehet Kines dhe realizon "Lust, Caution". Dhe ndodh i njejti fenomen si me Verhoeven-in : NJE MREKULLI !

"Lust, Caution" eshte nje film qe s'ke nevoje te lexosh fare perkthimin, qe s'ke nevoje te besh kujdes per intrigen e filmit. Gjithshka flet vete permes imazheve, filmuar gjithe art !
Cuditerisht, historia eshte e ngjashme me ate te "Black book", pra infiltrimi i nje femre te re tek nje pushtetar kinez, pro-japonez, ne kohen e Luftes se II boterore (kur Kinen e kish pushtuar Japonia). Kaq per intrigen. Gjtishka pastaj eshte kryeveper : Ang Lee eshte perfundimisht nje regjizor i madh !! BRAVO !

web- site i filmit : http://www.lustcaution-lefilm.com/