Lajmet më të fundit nga zgjedhjet në Maqedoni.

[RaPSouL]

Marrëveshja VMRO-DPMNE-BDI shmang njohjen e Kosovës

Njohja e Kosovës si shtet fqinj i pavarur nuk është përfshirë në marrëveshjen për bashkëqeverisje midis VMRO-DPMNE dhe BDI.

Në dokumentin e marrëveshjes të publikuar nga partia maqedonase VMRO-DPMNE nuk është përfshirë çështja e njohjes së pavarësisë së Kosovës, njofton agjencia e lajmeve INA.

Zyrtari i kësaj partie, Ilija Dimovski nuk ka komentuar çështjen e njohjes së pavarësisë së Kosovës nga Qeveria e re. Ndërkohë, BDI akoma nuk ka komentuar versionin e saj të marrëveshjes me VMRO-DPMNE.

Partia e drejtuar nga Ali Ahmeti gjatë fushatë si një nga prioritetet e qeverisjes ka përmendur njohjen e shpejt të pavarësisë së Kosovës nga Maqedonia.

Njohja e Kosovës po vazhdon të debatohet në koluaret politike në Shkup.

Shefi i diplomacisë i Maqedonisë, Antonio Milloshoski deklaroi se përcaktimi i kufirit me Kosovën nuk është çështje e lidhur me vendimin për njohjen e këtij vendi fqinj.

“Demarkacioni i kufirit nuk është i lidhur me vendimin për njohjen e Kosovës. Ne presim që procesi i shënimit të kufirit të vazhdojë me dinamikë të përshpejtuar”, deklaroi ministri i Jashtëm i Maqedonisë, Antonio Milloshoski.

Sipas tij, vendimi për njohjen e pavarësisë së Kosovës do të shqyrtohet në mënyrë plotësuese dhe se Qeveria e Maqedonisë do të vlerësojë se ka ardhur koha për këtë çështje.


(INA)

[RaPSouL]

Parlamenti nga mesi i korrikut do të votoj kabinetin e ri qeveritar

Mandatari për formimin e Qeverisë Nikolla Gruevski deri më 12 korrik do të duhet që t`ia dorëzojë Parlamentit programin dhe përbërjen e kabinetit qeveritar.

Pas përmbylljes së këtij afati, kryetari i Parlamentit të Maqedonisë, Trajko Veljanovski në afat prej 15 ditëve do të duhet të votojë kabinetin e ri qeveritar të VMRO-DPMNE-së dhe BDI-së. Sipas afateve të parashikuara, Qeveria e Maqedonisë do të finalizohet më 6 gusht.

Koalicioni i partive me VMRO-DPMNE-në përbëjnë 63 deputetë, BDI 18 deputetë dhe PAE 1 deputetë. Kjo maxhorancë përbën shumicën e numrit të deputetëve në Parlamentin prej 120 anëtarësh.


(INA)

[RaPSouL]

Opozita maqedonase komenton koalicionin VMRO-DPMNE dhe BDI

Opozita maqedonase duke komentuar përbërjen e koalicionit VMRO-DPMNE kërkoi që sa më shpejt kryeministri Gruevski të përmbush premtimet e bëra.

Zëdhënësi i LSDM-së, Emilijan Stankoviç deklaroi se Gruevski tashmë ka siguruar shumicën e duhur dhe sa më shpejt duhet të përmbuësh premtimet e bëra.

“Koalicioni VMRO-DPMNE dhe BDI tregon disa punë.Së pari ranë në ujë të gjitha ato satanizime që u bënë gjatë gjashtë viteve të kaluara, që i pësuan të gjithë veprimtarët politik në Maqedoni për shkak se bashkëpunuan me BDI-në, sepse VMRO-DPMNE vazhdimisht BDI-në e quante terroristë. Vetëm se tani nëse nuk vazhdon kryeministri Gruevski ministrat e BDI-së në mbledhjen e Qeverisë t`i quaj terroristë”, deklaroi Stankoviç.
Sipas tij, VMRO-DPMNE mund të bënte koalicionin me BDI-në edhe në vitin 2006.


(INA)

[RaPSouL]

Fuere: Qeveria e re të përkushtohet në përmbushjen e reformave

Ambasadori i BE-së në Shkup, Ervan Fuere në një deklarat për media përshëndeti marrëveshjen e arritur për koalicionim mes BDI-së dhe VMRO-DPMNE.

Sipas tij, me rëndësi është që kjo përbërje e re qeveritare, të përkushtohet në implementimin e kritereve për anëtarësimin e vendit në BE dhe të ndëshkojë autorët e incidenteve parazgjedhore.

"Me rëndësi është që kjo qeveri t'u përkushtohet plotësisht përmbushjes së reformave, posaçërisht atyre 8 kritereve që u vendosën nga ana e BE-së. Kjo është e një rëndësie të madhe për të gjithë, posaçërisht kur kihet parasysh se koha është shumë e shkurtër. Presim që qeveria e re të vazhdoj dhe t’i qëroj hesapet me të gjithë ata persona që kanë qenë të involvuar në parregullësitë zgjedhore dhe kanë shkaktuar incidente gjatë kohës së zgjedhjeve. Presim që qeveria e re t’i bëj ndryshimet në Kodin Zgjedhor me qëllim që të mund të siguroj garanci se do të jetë krejt në rregull sa u përket zgjedhjeve lokale që do të mbahen në pranverë të viti të ardhshëm”, tha Fuere.

Ai ka përshëndetur edhe deklaratën e PDSH-së së do të jetë opozitë konstruktive.


(INA)

[Bl3ri]

Je ti gabim i nderuar.


Postimi thote, qe KSHZ ka pranuar ankesat e PPD-se, pra ka pranuar qe ti shqyrtoj, jo se i ka pranuar si te tilla..


Dhe pastaj pasi i pranoi ankesat qe ti shqyrtoj, i refuzoi ato!

Ah ashtu ndoshta, por me bon te dyshoj titujt e shkrimeve.
Nejse kerkoj falje.

[Acid_Burn]

Hey valla akoma nuk mu pergjigj kush pse doli PD-ja me Sh-ne e ngjitur gabimisht me 1 qershor ne mbremje tu festu?

hahahaha duhet te na e beni per hajer fitoren ne zgjedhje dhe ta perjashtoni Thacin prej partie. hahahahah edhe dicka ... mos e merrni ma Bugajskin t'ju japi mend se hahaha nuk fitoni dot.

[Alienated]

Hey valla akoma nuk mu pergjigj kush pse doli PD-ja me Sh-ne e ngjitur gabimisht me 1 qershor ne mbremje tu festu?

hahahaha duhet te na e beni per hajer fitoren ne zgjedhje dhe ta perjashtoni Thacin prej partie. hahahahah edhe dicka ... mos e merrni ma Bugajskin t'ju japi mend se hahaha nuk fitoni dot.

Acid_Burn
Ja po ta them une. PDSH qe nga 2002 e kendej s'ka fituar zgjedhjet ASNJEHERE, por ka festuar GJITHMONE fitoren e VMRO-se ose te LSDM.

Bugajski ishte nje reklame. Ka ardhur per tre dite afer Menduhit, ia ka marre parate dhe ka ikur. Sa here e keni pare ne TV Bugajskin afer Menduhit?! Ja, le ta thone keta te Menduhit, sa gjate qendroi Bugajski ne PDSH?!

[Renea]

U kryten zgjedhjet mo , tash merrnu me dicka tjeter

[Zombi]

U kryten zgjedhjet mo , tash merrnu me dicka tjeter

Me dasma e kanagjexhe lol

[Bl3ri]

Mbylleni temen
Herave tjera shpresojm te fitoni