Angjelina dhe injoranca

[Brari]

Angjelina lengon nga plaget e plumbave.

Per nji gisht kryetari i Partise se Proletareve NANO BOSI ka shkuar 120 here ne Greqi ne klinikat me speciale dhe natyrisht MAFIA e Angjeleve e RUceve ka paguar miliona per gishtin e Strategut te tyre.

Angjelina shkrete , heroina qe nuk ju nen shtrua trafikanteve po vuan ne dhomat e qelbura te spitalit te Laprakes.

Gazetat kane hallin e tyre. Ato duan te Shiten. Ska rendesi per keta bashibozuk te shtypit gjendja tragjike e Angjelines.
Edhe ashtu ne gjendje KOMA ata duan ta shfrytezojne vajzen e mjere.
AJO klinikisht ka nevoje per qetesi absolute, per kujdes maximal nga mjeket reanimatore, per aparatura te kontrollit te zemres, te kontrollit te oksigjenit ne gjak, te serumit , te frymarrjes etj etj..
Angjelina ka nevoj per zerin e fytyren e nenes por ajo eshte nen dhe.
Ajo ka nevoje per ledhatimin e babait por dhe Ai iku.
Ajo do vec mjekeve dhe psikolog te koka per ti perballuar plumbat e kallashit dhe humbjen e prinderve..
Mirpo dhoma e Angjelines me sa shihet eshte vene ne dispozicion te Shtypit e te gazetareve injorante te cilet po ja marrin shpirtin me pyetje e sterpyetje fshatares se pafajshme.

Lereni te qete Angjelinen more derra kalemxhij te pangopur!!!


Ja dhe intervista e saje e dhene me shpirt nder dhembe..

GSH:
---------

Interviste/ Protagonistja e masakrës së Divjakës tregon bisedën e bërë në shtëpi para vrasjeve



Ardita Bala

TIRANE

Fytyra e Linës është krejtësisht e bardhë. Duket se ka vetëm pak gjak në trup. Në pizhamat e saj të kaltra me lule të vogla janë mpiksur shenjat e gjakut. Plagët në kurriz i kanë nxjerrë gjak deri vonë. Angjelina Lala, 19-vjeçarja e mbijetuar nga masakra e Divjakës, është e shtruar në repartin e Kirurgjisë në Spitalin Ushtarak.

Eshtë e lodhur, e mpirë. Në sytë e saj të shkruar ka vetëm pak fije jete. Akoma nuk e di se çfarë gjëme ka ndodhur në shtëpinë e saj. As që dje i kanë varrosur dy prindërit nuk ka patur guxim që t'ia thotë njeri. Lina është në një gjendje depresioni. Pyet, ka filluar të dyshojë. Zgjuarësisë së saj nuk i shpëton mosardhja e prindërve. Në dhomën e mbushur plot me të afërm, me motrat e saj që kanë ardhur nga larg, në dukje nuk ka atmosferë vdekjeje. Të gjithë janë të veshur me rroba me ngjyra, mundohen që t'ia ngrenë humorin, pastaj dalin në korridor dhe ia plasin të qarit, burrat zbresin në lokalin e spitalit dhe kthejnë nga një gotë me fund. Familjen e ka dërmuar dhimbja, por dje të gjithë ruanin Linën, ajo s'duhej të kuptonte asgjë. Gjatë ditës së djeshme njerëzit e familjes Lala kishin kthyer mbrapsht me dhjetëra gazetarë. Ata ishin jo pak të irrituar me fjalët në shtyp "prostitucion", "kishte dashur ta merrte me qëllim trafikimi" etj. Gjithsesi dje e ndihmuar ndoshta më shumë nga fati dhe nga dëshira e familjarëve për të dalë në shesh e vërteta, Lina ka pranuar që të flasë ekskluzivisht për Gazetën. Sapo është ngritur nga krevati, janë hapat e parë që bën pas plagosjes dhe kur hyjmë ne së bashku me disa familjarë habiten të gjithë që ajo është në këmbë.

Si je sot?
Jam pak më mirë. Jam shumë e lodhur. (Kushërira që rri me të, Vjollca mundohet që t'i japë një thelë portokalli që ajo e refuzon).

Ke ngrënë gjë sot?
Nuk më hahet fare, kam pirë vetëm lëngje sa për të mbajtur ilaçet.

Do të më tregosh si ndodhi që u plagose?
Po ja, Alfredi erdhi me armë dhe qëlloi...( merr frymë thellë, ngrihet ngadalë dhe lag fytyrën me ujin e pakët të çezmës së dhomës).

Lina, përpara kësaj, atë ditë çka ndodhur?
Rreth orës 11.00 të së dielës Fredi është takuar me babain tim. Aty ai për herë të parë ka biseduar me babain, për t'u fejuar me mua.

Më përpara s'kish ardhur ndonjëherë në shtëpinë tuaj?
Jo, jo ai ka qenë takimi i parë. Aty isha dhe unë dhe në prezencën time babai i tha të pyesim vajzën njëherë. Pasi më pyeti në doja të fejohesha me të, unë iu përgjigja, jo.

Po më pas?
Pas kësaj Alfredi iku dhe unë nuk e kam parë më atë ditë deri kur erdhi në darkë në shtëpinë tonë me armë.

Në darkë çndodhi?
Duhet të ketë qenë ora 12.00 kur ai ka ardhur dhe ka thyer xhamin e derës. Ka filluar të qëllojë me armë, kur dola unë nga dhoma ku po flija me Xhulin dhe Eraldon, pashë babin dhe mamin të shtrirë në tokë. Ata kishin dalë nga dhoma e tyre siç duket sapo kishin dëgjuar kërcitjen e xhamit. Pas meje nga dhoma ka dalë dhe Eraldi. (Këtu ndalon sërish, mbushet fort me frymë dhe me gishtat e saj të hollë, fshin sytë. Pas një pauze disa sekonda ngrihet në këmbë dhe duke u mbështetur tek hekurat e shtratit rifillon tregimin...).

Kisha hallin e Eraldit, prandaj jam hedhur sipër tij dhe e kam mbuluar me trup. Pastaj nuk kam ndjerë asgjë. Nuk mbaj mend se çka ndodhur më pas...

Po me Alfredin kishe kohë që njiheshe?
Jo, ai kishte rreth një muaj që më ngacmonte, më hidhte ndonjë fjalë si gjithë djemtë e tjerë, por sinqerisht jua them me të nuk kisha as edhe një të përshëndetur. Nuk e kuptoj dot përse e bëri një gjë të tillë, unë asnjëherë nuk i kisha dhënë asnjë motiv, asnjë shpresë, unë as që i përgjigjesha kur më ngacmonte. (E mbyt një ngashërim pa lotë dhe fjalët fillojnë t'i mbahen). Është e kotë të ndërhysh në këto momente. Kjo zgjat vetëm pak dhe Angjelina rifillon rrëfimin e saj...

Nuk e kuptoj sinqerisht. Ai njëri tani më duket i çmendur. Vetëm një i tillë mund të bëjë një gjë si kjo ( dhe me dorë të kthyer nga pas vë gishtat në tre plagët që ka në kurriz). Më kanë thënë se gazetat kanë shkruar se donte të më çonte si prostitutë në Itali. Fredi e ka thënë? Ai më kanë thënë se nuk flet dot, atëherë kush ma thotë dot mua në sy se përse më donte?

Angjelina, është e dërmuar dhe akoma nuk ka marrë vesh më të rëndën. Lina është vetëm 19 vjeç, me bindje përsërit se është e pafajshme në të gjithë këtë histori...
------------------------------------------

???????????