Medin Zhega

[[PaRTiZoNi]]

thx partizan qe ke sjell foton e te madhit zhega..

po e shikoj e spo me besohet..
ishte njeri i mire..

ngushellime familjes..shkodraneve e gjith adhuruesve te futbollit..

E njëjta gjë ndodhi dhe me mua Brar, sapo e pashë tek Top Channel spo mu besonte. E mbaj mend si trajner tonin të kombëtares, si analist në emisionet tona sportive për kombëtaren dhe kontributin që ka dhënë për zhvillimin e futbollit shqiptar. Fatkeqësisht se kam arrit ta shoh të luaj, por futbolli shqiptar humbi një personalitet të rëndësishëm, një njeri të shkëlqyer, një sportist me një histori të madhe.

Ngushëllime familjarëve dhe sportdashësve shqiptar për humbjen e legjendës Z.Medin Zhega.

[Brari]

partizon..
une i perkas brezit qe e pa din zhegen ne stadium..
ishte teknik..
ishte i njerzishem ne loje..
pa hile pa nerva..pa egersi..
ishte simpatik e dukej si gjerman.. me at ftyr bardhoshe e floket bjond..
besoj ka qen idhull i femnave ne koh te vet..por ai ishte besoj une..njeri shum i edukuar e shum xhentil..
krosonte bukur e sidomos i rrezikshem me koke..
besoj shumicen e golave e ka bere me nderhyrjet me koke..
keshtu jasht stadiumit.. nga afer e kam pa ne poradec..
ai ishte trajner ose ndihmes trajner i kombetares e un me te tjere kurioz e adhurus futbolli qe shihnim kombetaren duke ber stervitje ato dit..
kshu qe pata rastin edhe te degjoj me veshet e mi pergatitjen psikologjike qe ai bente me lojtaret..
ne mos gaboj do ndeshej shqipnia me gjermanet.. ka qen viti..diku tek 80 e caja..
Din Zhega me ate te folmen e tij shkodrance te embel po u thoshte keshtu lojtarve..

Djema.. mos u trembni nga emri i tyre.. ne fushe do jini ju dhe ata.. jo gjith gjermania.. ju 11 djelmosha..ata 11 djelmosha.. cfar kan ata ma shum se ju..
pra nuk ka pse te mos shpresojm edhe per nje fitore..

Vura re se keto fjal ben efekt pozitiv tek lojtaret por dhe te ne sehirxhijte qe rrinim aty prane..
dhe kto fjal te Din Zheges nuk i kam harruar kurre..
dhe keshtu duhet te mendojne dhe sot lojtaret tane..

[Besoja]

Kam patur fatin ta ndjek nga afër në vitet 1968-72 kur isha në shkollë ne Tiranë.
Ishte njeri dhe besoj se kjo vlen shumë.Së paku kështu thoshin shkodranët që kisha në klasë apo shkollë.

[Brari]

moderator.. ndryshoja titullin temes..
psh vere..

Medin Zhega, Futbollisti Legjendar..

ose

Medin Zhega


----------

mapo

Mehdin Zhega/ Shiu i Leverkusenit i ka një borxh

Jeton Selimi

Atë mbrëmje të Leverkusenit asnjë tifoz shqiptar nuk do ta harrojë. Ishte 24 marsi i vitit 2001. Shiu në minutat e fundit nuk kishte të ndalur në “Bay Arena” dhe kuqezinjtë tanë do të dhuronin një nga performancat më të mira të historisë së tyre në tokë të huaj. Sebastian Daizler do të ndëshkonte me një goditje nga distance hezitimin e Foto Strakoshës për të grushtuar topin, ndërsa në Leverkusen askush nuk po e besonte rezistencën që po bënte përfaqësuesja jonë ndaj atyre që një vit më pas do të ishin finalistët e Kupës së Botës në Kore dhe Japoni. Loja e Shqipërisë është e rrjedhshme, e bukur dhe plot pasime të shkurtra dhe të sakta. Komentet do të ishin plot superlativa për lojën e kuqezinjve tanë, që do të barazonin pak minuta pas golit të Daizler me një goditje të shkëlqyer nga Bledar Kola. Mirditori do të stoponte topin me të majtën dhe po me të majtën do të godiste fluturimthi drejt portës së Oliver Kahn, teksa përbindëshi i kuadratit gjerman në hedhjen e tij do të shikonte dëshpërimisht sferën që do të prehej në rrjetë. Në Leverkusen gjithçka hesht. Rudi Fëler kërkon të zgjojë të tijtë, ndërsa trajneri shqiptar duartroket modestisht djemtë që kishte hedhur në fushë. Koha do të rëndohet dhe shiu do të nisë furishëm. Fëler do të hedhë për herë të parë në fushën e lojës me fanellën e Gjermanisë, një djalosh të lindur në Opole të Polonisë dhe që asokohe luante për Kaizerslauternin. Quhet Miroslav Klose dhe, në bashkëpunim me ndihmën e dhënë nga gjyqtari italian Cezari, do të shënojë golin e fitores për Gjermaninë, pasi, përpara se topi të shkojë te Klose, Janker do të shkaktojë faull ndaj Strakoshës, ndërsa me prekjen e tij të topit, Klose do të dilte jashtëloje. Por treshja italiane, siç ndodh rëndom me kuqezinjtë tanë, e zyrtarizoi golin.

Shiu në Leverkusen ishte shtuar shumë, ndërsa regjia kërkonte dhe gjente trajnerin shqiptar, që nuk po futej ende në dhomat e zhveshjes. Shikonte lart dhe shfrynte me dëshpërim. E dinte se humbja ishte e padrejtë, kur edhe barazimi pas një loje të tillë ishte i padrejtë. Nuk ishte ulur në stol përgjatë gjithë sfidës, ndërsa po duronte edhe rrebeshin e shiut gjerman.

Ishte Mehdin Zhega, njeriu që në stolin kuqezi solli trofeun e dytë ndërkombëtar, kupën “Rothmans” në turneun e Maltës. Falë tij, tifozët e Shqipërisë kanë përjetuar një nga edicionet më të bukura eliminatore të kuqezinjve. Mposhtëm 2-0 Greqinë me golat e Bushit dhe të Fakajt, ndërsa helenët për të na ndëshkuar për guximin tonë na degdisën në Kretë në sfidën e kthimit, në një stadium që nga federate greke asokohe ishte i pezulluar për sfidat e kampionatit dhe u lejua të priste ndeshje ndërkombëtare(?!). Humbëm me Anglinë në Tiranë, ndërsa Rraklli barazoi me një gol të shkëlqyer 2-2, por që sërish gjyqtarët vendosën të linin firmën e tyre duke e anuluar.

Ishte një kombëtare e bukur dhe kishte një trajner të madh, që një vit më pas nuk do të drejtonte më asnjë klub, duke u përkushtuar në organin më të lartë të Federatës, Komitetin Ekzekutiv.

Dikur, ndërsa sillte për botim një koment të tijin, ku kishte bërë një përmbledhje të Kampionatit Botëror të vitit 2006, thoshte duke qeshur: “Ta botojmë këtë se kismet deri në Botërorin tjetër të vitit 2010…” Natyrisht që qesha, sepse Dini me fizikun e tij dukej se do të jetonte përjetë. Por ai na dribloi të gjithëve, edhe pse asnjë nuk do të donte që të ishte kështu.

[[PaRTiZoNi]]