Festivale ne Shqiperi

[sirena_adria]

Festivale te bukura - art, kulture, histori, kujtese, nderim !

[sirena_adria]

Rikthehet Inva Mula në “Parisin e vogël” shqiptar me muzikë franceze

Sopranoja Inva Mula bën bashkë në “Parisin e vogël” shqiptar artistë, si Manjola Trebicka, Genc Tukiçi, Olen Çezari, të cilët krijimtarinë e tyre e kanë të përqendruar jashtë vendit, por nuk mungojnë asnjëherë në Shqipëri kur gjërat bëhen me dashuri.

Përgjatë katër ditëve në Korçë do të zhvillohet “Mik Festival”. Sopranoja Inva Mula flet për arsyet, se përse destinacioni i festivalit, që ka në qendër muzikë frankofone, është Korça. Artistët më në zë të muzikës klasike bëhen bashkë

"Mik Festival” është një festival që ka lindur spontanisht si ide. Ka lindur spontanisht, pasi kam ndierë një atmosferë shumë artdashëse në Korçë, një energji që nuk e gjen në një qytet tjetër. Ka qenë një lidhje shpirtërore, por që ndjeva që atje ka shumë për të bërë edhe për të krijuar vërtet. Ndoshta, edhe sepse ka turistë.
Inva Mula, soprano

Festivali do të zhvillohet në “Pazarin e vjetër” dhe Teatrin e Korçës në datat 25-29 korrik. Një mbrëmje do t’i kushtohet artistes Tefta Tashko Koço

E kemi nisur me Tefta Tashkon, emblemën e artit shqiptar lirik. Do të doja që çdo vit të kishte portrete, që janë me origjinë nga Korça. Kështu përjetësojmë këto figura të mëdha dhe ecim në rrugën e artit, duke mos harruar dhe duke i vlerësuar. Nuk mund që të fillonte ky festival pa figurën e Tefta Tashkos.
Inva Mula, soprano

Artistët që janë pjesë e këtij festivali e kanë të përqendruar krijimtarinë e tyre jashtë vendit, por edhe në Shqipëri ata vazhdojnë të lënë gjurmët e tyre

Manjola me origjinë nga Korça, por edhe njohëse shumë e mirë e kulturës frankofone. Unë kam dashur, që në këtë festival të ketë lidhje të artistëve shqiptarë, që punojnë edhe jetojnë jashtë, por aktiviteti shtrihet kudo. Rëndësi ka që ne të vijmë këtu edhe të lëmë një gjurmë.
Inva Mula, soprano

Për Inva Mulën këto festivale vijnë plot vërtetësi, prandaj për të sadisfaksioni është i madh

Gjithmonë më kanë thënë, përse në Shqipëri nuk bën asgjë, por ka qenë një vit që më ka zgjuar dëshira për të bërë atë që skam bërë me vite. Është shumë bukur, që ti krijon diçka në vendin tënd, që nuk mund që ta krijosh diku tjetër.
Inva Mula, soprano


Valeria Dedja - Shqiptarja.com
http://shqiptarja.com/lajm/rikthehet...uzike-franceze

[sirena_adria]

UNUM FESTIVAL 2021: SHËNGJIN, 3 - 7 QERSHOR, 2021

[sirena_adria]

Festivali “Netët e Bejkës së Bardhë”, riktheu bukurinë dhe traditën e isopolifonisë

Në fshatin e Pilur, Himarë përfundoi festivali i polifonisë ”Netët e Bejkës së Bardhë”. Edicioni i dytë i këtij festivali u zhvillua gjatë fundjavës ku riktheu për qytetarët bukurinë dhe traditën e isopolifonisë.

Ky festival i veçantë i isopolifonisë është një motiv për të mbajtur gjallë traditën e kombit por edhe krijimtarinë e të ndjerit Lefter Cipa, i cili ia kushtoj jetën e tij kësaj trashëgimie të rrallë.

Jorgo Goro, kryetari i Bashkisë së Himarës u shpreh se, “kjo traditë do të vazhdoj, do të forcohet më shumë duke arritur edhe atë që duam të arrijmë ne si komunitet. Kënga polifonike na shpreh më së miri ne si himarjot, si bregas, si lebër por edhe si shqiptar pasi është tradita jonë. Kjo është kultura tradita dhe turizmi ynë. Qëllimi është që ne ta trashëgojmë ndër breza që ata edhe ta këndojnë këtë vlerë të rrallë”.

Në këtë festival morën pjesë grupe nga qytete dhe zona si Himara, Piluri, Kuçi, Tërbaçi, Bolena, Dukati, Gramshi, Mallakastra, Belsha, Ramica, Tepelena, Zagoria dhe Gjirokastra.

Më 2019 është mbajtur edhe edicioni i parë i këtij festivali i cili pati shumë admirues por për shkak të pandemisë në 2020 nuk u zhvillua dhe u rikthye sërish këtë vit.


/ atsh / KultPlus.com

https://www.kultplus.com/muzika/fest...isopolifonise/

[sirena_adria]

Hapet Edicioni i 18 i “Sofrës Dibrane”, këngë e valle “pushtojnë” qytetin

Artistë nga mbarë trevat shqiptare, këngëtare dhe valltarë të folklorit popullor, dhe veshjet e tyre tradicionale shumëngjyrëshe, kanë pushtuar qytetin e Bajram Curri mbrëmjen e së enjtes, 10 Mars, ku u hap Edicioni e 18 i “Sofrës Dardane”.

Kenge dhe valle te muzikes popullore shqiptare nga te gjitha trevat u performuan nga 16 grupet e para arstistike, pjese e konkursit ne natën e pare te Sofres Dardane. Edhe per dy nete te tjera artistet do te ndezin atmosferen duke kenduar e vallezuar në stadiumin e qytetit.

Azgan Haklaj kreu i Unionit Artistik i Kombit Shqiptar, organizatori I ketij festivali shprehet i kenaqur dhe krenar qe Sofra Dardane kete vit përkon me 143 vjetorin e lidhjes shqiptare te prizrenit.

Sofra Dardane prej 18 vitesh ka bashkuar trojet shqiptare në qytetin e Bajram Currit, të cilin e kthejnë në një skenë gjigande të këngëve dhe valleve popullore të mbarë shqiptarisë.


/ KultPlus.com

https://www.kultplus.com/muzika/hape...tojne-qytetin/

[sirena_adria]

“Festivali i Resë” në Edicionin e Pestë sjell ritmin latin në Tiranë

15 QERSHOR, 2021

Mbrëmjen e djeshme tek Reja e Tiranës ka vijuar “Festivali i Resë” i cili vjen në këtë mjedis me edicionin e radhës.

Kjo mbrëmje u hap me koncertin e kuartetit të harqeve të RTSH i cili është i përbërë nga Gëzim Bulçari, Blerta Jakova, Albana Axha dhe Gëzim Belegu. Në programin e performancës që ka pasur mbrëmjen e djeshme ky kuartet, kanë qenë kompozitorët më të mirë të muzikës klasike shqiptare ndër vite.

Ndërsa më pas, mbrëmja ka vijuar me “Latin Dance”, zumba me Nikon dhe ka qenë vërtetë një moment i jashtëzakonshëm pasi të gjithë të pranishmit janë bërë pjesë e ritmeve muzikore.

Ky aktivitet përgjatë këtyre netëve, ka rikthyer gjallërinë dhe jetën artistike e dëfrimin në kryeqytet. /atsh / KultPlus.com


https://www.kultplus.com/muzika/fest...tin-ne-tirane/

[sirena_adria]

‘Za Fest’ së shpejti në Shkodër, artistë shqiptarë e të huaj bashkohen për festën kulturore

Edicioni i 6-të me radhë i festivalit të muzikës ‘Za Fest’, i cili do të mbahet në qytetin e Shkodrës, do të nis në fund të muajit Korrik.

Datat 28-29 dhe 30 Korrik do të jenë të rezervuara për festivalin ‘ZA’ i cili grumbullon një kast të madhe artistësh vendor dhe ndërkombëtarë.

Elina Duni ishte artistja e parë, emri i së cilës u bë i ditur për publikun ditë me parë. Elina Duni bashkë me bendin muzikor “Rob Luft” do të performojnë më 29 Korrik.

Lylit është artistja tjetër që pritet të performoj në datën e njëjtë më 29 korrik. Në anën tjetër, kantautorja e muzikës italiane, Cristiana Verardo vjen me datë 30 Korrik në Kalanë e Rozafës.

Data 28 mirëpret Linda Rukajn dhe Arben Bajraktarajn për të vazhduar me emra të tjerë artistësh.

Po ashtu, grupi i rock-ut “Jericho” do të performojë live në edicionin e ri të këtij festivali me datë 30 Korrik.


/ KultPlus.com

https://www.kultplus.com/muzika/za-f...ten-kulturore/

[sirena_adria]

Jeni gati për “ Gjon Mili Jazz & Blues Festival ” ?

Njihuni me artistët që do performojnë në Tiranë dhe Korçë


Në datat 12, 13, 14, korrik vjen në Tiranë festivali “Gjon Mili, Jazz&Blues” si dhe në Korçë në datat 15-16 Korrik.

Shijoni magjinë e muzikës Jazz & Blues që mjeshtri i madh dhe novator i fotografisë botërore, Gjon Mili ka kontribuar artistikisht në zhvillimin e saj kryesisht gjatë Luftës së Dytë Botërore.

“Gjon Mili Jazz&Blues Festival” synon promovimin e figurës së Gjon Milit, si e vetmja urë lidhëse që kombi shqiptar ka me historinë botërore të muzikës Jazz dhe Blues, duke e bërë pjesë të Trashëgimisë Kulturore dhe Artistike të Shqipërisë.

Lindja e këtij festivali u motivua nga realizimi i projektit “Ëndrra e Gjon Milit” në vitin 2019, mbështetur nga Ministria e Kulturës. Festivali do të zhvillohet me dt 12-13-14 Korrik ne Tirane, ora 20:00 n’bahce te Rese dhe me dt. 15-16 Korrik 2022 prane Pedonales ne Korçë.

Ky projekt është aktivitet Flagship në kuadër të Titullit, “Tirana Kryeqyteti Evropian i Rinisë” për vitin 2022, zbatohet nga Kongresi Rinor Kombëtar në bashkëpunim me organizatën RIAS, Muzika për të Rinjtë dhe me mbështetjen e Bashkisë Tiranë, dhe një përfaqësi institucionesh kombëtare dhe ndërkombëtare në vend.

Grupet pjesëmarrëse në që do performojnë në festival janë si më poshtë:

Grupi finlandez “Pylkkanen Nu Botega dt 12 korrik
Pekka Pylkkanen saksofon
Adam Pache
Roberto Tarenzi
Kimon Karoutzos

Grupi “Kejdi Barbullushi Trio”, 12 Korrik
Kejdi Barbullushi- Kitarë
Nesim Maxhuni- Bateri
Ilir Bajri- Piano Elektrike

Grupi “Just Trio” 13 Korrik
Roni Gjura
Emiljan Dhimo
Mateos Gjipi

Grupi Austriak “TechRider – Julie Island guitar-trio” 14 korrik dhe 15 Korrik

Martin Bayer, Kitarë
Andi Tausch, Kitarë
Kenji Herbert, Kitarë

Grupi “Ermal Rodi Quartet” datë, 14 Korrik dhe 16 Korrik

Ermal Rodi- Saksofon
Angjelin Toma- Kitarë, Bas
Besjan Heri- Bateri
Kejdi Barbullushi Kitarë

Grupi “Philippos Nakas Big Band Selanik” 16 korrik

Grupi “Ivanov Quartet”

Ivan Ivanov – Tenor, soprano saksofon
Gordan Spasovski – piano
Andrea Mirchevska – doubleBass
Slavko Kocev – Bateri.


Top Channel

https://top-channel.tv/2022/07/11/je...ane-dhe-korce/

[sirena_adria]

Festivali Ndërkombëtar Operistik “MARIE KRAJA” - Nata finale, 31 Mars 2023

[sirena_adria]

South Outdoor Festival 2022 - Official Aftermovie