Grand Prix per klipin evropian ne Tirane

[Lioness]

Vera Grabocka sjell të parin Festival Evropian të Videoklipit, në 3 qershor në Tiranë. Me pjesëmarrjen e rreth 29 shteteve. Në konkurrim edhe fituesi i “Sanremo 2006”, Povia.

Një tjetër eurofestival që ofron më shumë se këngë. Producentja Vera Grabocka rikthehet në skenën e Pallatit të Kongreseve me Festivalin Evropian të Videoklipit. Për herë të parë vihen në garë këngëtarët më të mirë të Evropës Juglindore dhe emra të njohur nga Perëndimi. Janë rreth 29 këngëtarë që përfaqësojnë 29 shtete evropiane në 3 qershor në Tiranë. Mes tyre mund të përmendim italianin Povia, fitues i edicionit të fundit të Festivalit të Sanremos, këngëtarin serb Zeljko Joksimoviç, kroatja Severina, këngëtari i njohur maqedonas Toshe Projevski, qiprioti Kostandin Kristofori, ukrainasen Olena Grebenuk dhe rumunin Mihai Traistariu, pjesëmarrës në Festivalin Evropian në Athinë, e shumë të tjerë. Por ndërsa Lindja paraqitet me më të mirët, nga Perëndimi vijnë emra jo fort të njohur nga shqiptarët, por gjithsesi të suksesshëm në vendet e tyre. Shqipëria në garë përfaqësohet me këngëtaren Genta Ismajli, fituese e Festivalit “Netët e klipit shqiptar” dhe “Kënga Magjike 2005”.

Vetë organizatorët e pranojnë se këngëtarët pjesëmarrës ndahen në dy kategori. Këngëtarët e Lindjes janë ata të kategorisë A, ndërsa vendet perëndimore ofrojnë këngëtarë të përzgjedhur nga shtëpitë diskografike, me të cilat është bashkëpunuar, si “Sound scaper” nga Gjermania, “MY 5” nga Belgjika, “M&T” nga Zvicra etj. Gjithsesi mendohet që gara të jetë e fortë. Sipas drejtorit ekzekutiv, Ermal Mulosmani, festivali do japë një çmim të madh, “Grand prix”, për videoklipin më të mirë, me një vlerë prej 10 mijë eurosh, si edhe një çmim special. Votimi për çmimin e madh do jetë i ngjashëm me atë të Eurosong-ut, ku çdo vend pjesëmarrës në festival voton për konkurrentët e tjerë, por me të vetmin ndryshim që votuesit janë të pranishëm në sallë. Çdo vend do ketë një përfaqësues në juri dhe votimi do jetë i drejtpërdrejtë.

Skenografia e festivalit po realizohet nga piktori dhe skenografi Bashkim Ahmeti, regjia mban firmën e Vera Grabockës në bashkëpunim me regjisorin Ylli Pepo, ndërsa prezantimi është në duart e Alketa Vejsiut, e cila shoqërohet nga aktori amerikan Eduard Villaume. Përgatitjet kanë kohë që kanë filluar dhe prej shqetësimit të organizatorëve, kuptohet që nuk është e lehtë të sjellësh në Tiranë artistë të huaj, që nuk kanë dëgjuar kurrë për Shqipërinë, apo e mendojnë ende si një vend maskash. Drejtori ekzekutiv Mulosmani, thotë që Festivali Evropian i Videoklipit është një markë tërësisht shqiptare dhe pretendohet që të kthehet në traditë, por gjithçka është në varësi të realizimit të këtij edicioni. Festivali do transmetohet nga 25 televizione të huaja, disa prej të cilëve do jenë në lidhje të drejtpërdrejtë. Nata e 3 qershorit transmetohet nga Tv Klan.


Joksimoviç, me drenushën në Tiranë

Për publikun shqiptar u bë i njohur me këngën “Lane moje” (“Drenusha ime”), fituese e çmimit të dytë në Festivalin Evropian 2004. Por në vendin e tij është ndër më të preferuarit. Zeljko Joksimoviç është ndoshta këngëtari më i mirë që merr pjesë në Festivalin Evropian të Videoklipit. Joksimoviç lindi në Beograd në vitin 1972. E nisi shumë herët rrugën si këngëtar e kompozitor dhe brenda një kohe të shkurtër u bë fitues i një mori çmimesh, jo vetëm në territorin e ish--Jugosllavisë, por edhe në rajon. Vetëm pak ditë më parë Joksimoviç u shfaq si kompozitor i këngës boshnjake “Leyla” e kënduar nga Hari Mata Hari, e cila u rendit e treta në garën e Athinës.


E ftuar Eliza e Hollivudit

Aktorja me origjinë shqiptare, Eliza Dushku, e lindur dhe rritur në Amerikë, do jetë në Tiranë e ftuar nderi në Festivalin e Videoklipit, organizuar nga Vera Grabocka. Ishte 12 vjeç kur luajti në filmin e saj të parë “That night”. Në vitin 1993 ajo do luante përkrah aktorit të madh Robert De Niro në rolin e vajzës së tij në filmin “This boy’s life” e më pas luan me aktorët Arnold Shwarceneger, Halle Berry, Kirsten Dunst etj. Sot, në moshën 26-vjeçare, Dushku ka arkivuar në karrierën kinematografike një sërë filmash prodhime hollivudiane dhe momentalisht është duke punuar për një projekt të ri.

[dodoni]

Genta nuk do marre pjese me klipin qe fitoi Netet e Klipit Shqiptar por me nje klip dhe kenge te re, te quajtur Posesion, apo keshtu dicka.

[romeoOOO]

Shume ide e bukur, dhe shpresoj te dali bukur ky edicion qe pretendohet te behet dhe ne vitet ne vazhdim. Eshte per tu vlersuar edhe nje here Vera Grabocka, e vetma ne llojin e saj ne Shqiperi.


Sa per kengetaret nuk mund te thuhet te jene te nai niveli kush e di se cfare, por megjithate si fillim nuk eshte i keq.


Shume ide e goditur edhe ftesa e bere per Eliza Dushkun, e cila do jete nje reklame shume e madhe ma mer mendja.

[ridy85]

pash reklamen e ktij programi...ta shofim iher çar do ken realizuar...si fillim nuk esht keq..dhe po pati sukses si spektakel..mbase vitin tjeter me shum vende perendimore do pranojn te konkurojn...po natyrisht qe me nje çmim prej 10 mij euro esht me se normale qe do jen vendet e europes juglindore ato qe do jen me te shumt ne kte festival.

[Cimo]

Cilet TV e japin ketu ne Maqedoni ?

[miko]

Grabocka e sjell në Tiranë. Deklaratat e para në aeroport



Mbërrin ylli shqiptar i Hollivudit





Përshëndetje” nga Eliza Dushku. Jo nga ekrani, por në tokën shqiptare. Kishte ditë që flitej për mbërritjen e saj. Pas 26 vjetësh aktorja e njohur hollivudiane Eliza Dushku do të zbriste në vendin e origjinës. Një fluturim nga Amerika e largët e solli mbrëmë në tokën e të parëve. E presim në aeroportin e Rinasit. Ora shënon 20.00 kur në daljen e vipave Eliza Dushku shkel për herë të parë tokën shqiptare. Mjaft sportive dhe e qeshur hyn në sallën ku të gjithë po e prisnin. Pasi i ka dërguar ftesën, Vera Grabocka e ka pritur atje për t’i uruar mirë-seardhjen. Nuk kishte ardhur vetëm. As e shoqëruar nga agje-ntë apo staf tjetër që punon me të, siç ndodh në raste të tilla. Dy vëllezërit, i ati dhe i dashuri i saj ishin bashkë me të në këtë zbritje të parë për të njohur Shqipërinë. Në fakt është ndjerë përnjëherësh pjesë e grupit që e priste. Madje këtë intimitet nuk deshi t’ia cënonin as kamerat dhe aparatet fotografike që fokusonin çdo çast. “Ka kohë që të flasim”, ishte reagimi që e mbronte. Në ato momente nuk ishte Eliza e kopertinave. Një palë xhinse, bluzë e thjeshtë sportive dhe një kapele ushtarake në kokë, kishin zëvendësuar fustanet dekolde të skenave. Pas udhëtimit të gjatë nuk i dukej vetja e bukur për të pozuar dhe vazhdimisht kërkonte që të mos fotografohej. Sharmin e saj do t’ia lërë ngjitjes në skenën e pallatit të Kongreseve, ku do të dorëzojë çmimin e “Eurovideo Grand Prix. Prezantimi i parë ka pasuar me një moment shplodhje që do të nxiste edhe një bisedë mes miqsh. Jemi ende në ambjentet e aeroportit para se të marrim rrugën drejt Tiranës. Emocionet e para të saj do të ngelen aty.

Eliza shqiptare

“Ndjehem shqiptare”, është shprehur aktorja Eliza Dushku në momentin e parë që ka mbërritur. Ishte përgjigjja që të gjithë e kërkonin. Shqipërinë nuk e ka parë asnjëherë, për të vetëm ka dëgjuar. Por e ka pranuar dhe theksuar në botën e madhe hollivudiane origjinën e saj. E ndërsa në bisedë e sipër i thonë që t’i ke fytyrë shqiptare, fillon të qeshë. Tregon se një gjë të tillë ia kishte thënë edhe dikush në avion. “Pavarësisht se jam e lodhur, jam shumë e entuziasmuar. Mezi pres të njoh Shqipërinë dhe të udhëtoj drejt qytetit tim”, shprehet Eliza, mendimin e të cilës e thekson edhe më fort familja e saj. Kanë dashur të jenë bashkë në kërkim të së shkuarës së largët. Duke qeshur shqipton disa fjalë shqip, por premton se këto ditë do t’i japë “një furçë” shqipes së saj. Përveç mbushjes shpirtërore kërkon diçka më shumë shqiptare. “Më gjeni dikë që bën tatuazhe të bukura”, thotë në bisedë e sipër. “Dua të bëj në shpatulla një shqiponjë të madhe. Vendosa që ta bëja që në Amerikë, por modeli i atjeshëm nuk i kishte të bukura krahët”, vazhdon Eliza duke thënë se një gjë të tillë do ta bënte edhe vëllai në krah. Këto janë bisedat e para. E nesërmja është e mbushur me takime zyrtare dhe miqësore. Do të qëndrojë rreth 5 ditë në vendin tonë. Sigurisht që nuk mjafton për të mbushur mungesën 26-vjeçare, por Shqipëria nuk do të ngelet vendi i imagjinuar.

Udhëtimi

Brenda Shqipërisë, origjinën që prezanton nëpër botë, familja e Elizës do të udhëtojë drejt Korçës. Diku në rrethinat e saj gjenden kujtimet. Të parat ia kanë zgjuar disa fotografi të vjetra që u ranë në dorë. Këto janë vetëm fillimi. E ndërsa nisemi nga aeroporti, rrugës nuk mund të dallohet asgjë. Është errur dhe një shi i hollë shoqëron udhëtimin drejt hotelit. Aty mbyllet edhe nata e parë shqiptare e Elizës. Aktorja, që ndoshta publiku shqiptar e njeh më pak se ai botëror, do të kthehet në Amerikën e madhe me një pjesëz reale shqiptare.



Marre nga www.balkanweb.com

[Skofiar]

Sukses i madh i Gentes.
Nuk paska asnje koment ketu !!

[King_Arthur]

Gje E Bukur Shume Qe Ky Festivali Dhe Na Dolen Dhe Dy Fitues
Chekia Dhe Ukraina





Rrofte Shqiperia Etnike

[Lioness]

Festivali i Videoklipit Evropian ndau dy çmime të para, për Republikën Çeke dhe Ukrainën. Shqipëria u rendit e treta.

Dy “Grand Prix” për festivalin e videoklipit

Një Krishtlindje në qershor dhe ca oktapodë të frikshëm merituan çmimin e madh të festivalit të parë të Videoklipit Evropian, që u zhvillua mbrëmjen e të shtunës në Tiranë. Ndryshe nga tradita, festivali “Euro Video Grand Prix” ndau dy çmime të para. Pas votimit të jurisë së përbërë nga 27 vendet pjesëmarrëse në konkurrim, rezultati final tregoi dy konkurrentë me pikë të barabarta. Me plot 109 pikë u shpallën fitues Republika Çeke dhe Ukraina.

Çekët u prezantuan në festival me këngëtarin Bilgeri, me pamjen e një këngëtari të viteve ’80, i cili solli në Tiranë një këngë për Krishtlindjet në kohë lufte. Ushtarë të gjakosur që ndezin qirinj nën një degëz bredhi, lodra fëmijësh të baltosura, shpërthime artilerie dhe një ëngjëll me krahë të thyer. Një copëz historie ballkanike.
Ndërsa Ukraina u përfaqësua me këngëtaren Olena Grebenyuk. Kënga i ngjante më shumë një operete, ndërsa videoklipi të kujtonte filmat horrorr me përbindësha dhe skuta të errëta.

Për të ndarë trofetë u ngjit në skenë aktorja amerikane Eliza Dushku, e cila i tregoi publikut se e kish përmbushur premtimin. Në mes të shpatullave që mbuloheshin prej flokëve ajo tregoi një shqiponjë tatuazh, gjë që sipas saj e bënë edhe vëllezërit.

Një çmim special i quajtur “East – West” iu dha nga producentja e festivalit, Vera Grabocka, këngëtarit italian Povia, fituesit të edicionit të fundit të Festivalit të Sanremos. E treta në renditjen finale u rendit Shqipëria e përfaqësuar nga këngëtarja Genta Ismaili, e cila arriti deri në vendin e tretë jo më shumë prej videoklipit, sesa për atmosferën që krijoi në Pallatin e Kongreseve dhe faktin që përfaqësonte vendin mikpritës.

Por nëse videoklipet fituese mund të quheshin si të tilla, shumë prej konkurrentëve të tjerë linin për të dëshëruar. Duke marrë parasysh faktin se bëhej fjalë për një festival videoklipi pritej që niveli i videoklipeve të ishte më i lartë. Disa vende si Sllovenia, Monako, apo Turqia, u paraqitën në nivel shumë të ulët, thua se videoklipet ishin realizuar në studio amatore.

Por ndërkohë atmosfera që krijuan këngëtarët, sidomos ata të ardhur nga Ballkani, nuk kishte të sharë. Publiku ishte gati të kërcente me këngën e Severinës së Kroacisë së Kostandinos nga Qipro, apo do këndonte me shumë dëshirë këngën “Never, never let you go” të rusit Dima Bilan, fituesit të vendit të dytë në Festivalin Evropian.

Spektakli u prezantua kryesisht në gjuhën angleze dhe më pak në shqip nga Alketa Vejsiu e veshur hijshëm nga stilisti Ardi Asllani dhe amerikani Eduard Villaume, i cili u mundua të përshtatej me partneren shqiptare. Ndërsa skenografia, disi e rëndë, ku nuk mungoi harku i triumfit, piramidat, yjet e Evropës së bashkuar e shumë elementë të tjerë butaforikë u realizua nga piktori Bashkim Ahmeti. Kështu, u mbyll në Tiranë festivali “Euro Video Grand Prix”, me shpresën e organizatorëve që vitin tjetër të realizohet sërish.

[Larsus]

[Spektakli u prezantua kryesisht në gjuhën angleze dhe më pak në shqip nga Alketa Vejsiu e veshur hijshëm nga stilisti Ardi Asllani dhe amerikani Eduard Villaume, i cili u mundua të përshtatej me partneren shqiptare. .

duam link