Fate Njerëzish Mirto Qormemeti

[biligoa]

Fate Njerëzish

Mirto Qormemeti-robi i fundit të luftës

Imazhi mbresës i një jete, që shtreson materiale të mbledhura vuajtjesh si rezultat granitesh të pashmangshme, ngjyrat e jetës së Mirtozan Qormemetit i cili, Shkruan dhe lexon shqip, sërbisht, gjermanisht dhe arabisht, kanë bashkëjetuar me dhimbën e kohës së kombit që i takoi. Atëherë tek ai, persiatjet e kalvarit të vuajtjeve të gati një shekulli histori janë ngulitur thellë në rrudhat e lëkurës të ballit të cilat në pamje të parë në miniaturë paraqesin një tkurje malore apokaliptike.
Edhepse që në fëmijërinë e hershme i mbetur pa prindër, pas kthimit nga Tirana 1916, ai vendoset te daja i tij në fshatin Ame, kurse në Dibër janë kthyer më 1948.
Të shkruash për të sështë e lehtë sepse sdi çtë kapësh më parë: fisnikërinë, trimërinë, talentin, këmbënguljen, vullnetin apo dashurinë për kombin.
Gjatë viteve 1918-1941 Dibra nuk kish shkolla shqip, prandaj mësuesit u shpërngulën në Shqipëri ku punonin në gati gjithë Shqipërinë si Said Najdeni, Haki Sharofi, Vebi Agolli, Haki Stërmilli etj... Ata që mbetën në Dibër punonin punë të ndryshme. Një prej tyre ishte edhe Riza Lata nga fshati Ame që punonte hoxhë fshati dhe na mësonte mësim fetar. Por në shtëpinë e tij mbas orëve të arabishtes na i mësontë shkronjat shqip dhe vjershat e Naimit, Çajupit etj... Vijonte në një frymë rrëfimin e jetës zoti Mirtozan duke u thelluar në detajet e vuajtjeve. Kur vërren se ne, rrëfimin e ndjekim me kureshtje vijon : Më 1935 shkova ushtar në Karlovë të Kroacisë, por shumë shpejt u sëmura nga një sëmundje ngjitëse, ata pas dy muaj më lëshuan në shtëpi në rehabilitim. Në ushtri më thirën prapë në fund të vitit 1938. Edhe pak ditë duhej që të përfundoja afatin ushtarak. Filluan luftërat nëpër Europë kështu që gjatë bombardimit të Beogradit më 6 prill 1941 isha në Petrovaredin (Zrenjanin) deri më 5 maj 1941. Njësiti jonë endeshte rreth Beogradit. Atëherë komanda na la të lirë, ata që mundën të shkojnë në shtëpi-shkuan, mirëpo në atë kohë gjermanët e kishin pushtuar vendin tonë dhe nga jugu i afroheshin Beogradit, kështu që ishte e pamundur të largohemi nga komanda dhe më 5 maj 1941 në Mitrovicë të stremit u dorëzua komplet njësiti jonë (IV Kraleski Puk).



Gjermanët na ngarkuan në kamionë dhe na nxorën diku në Vojvodinë ku i mblodhën të gjithë robërit e rrethit të Beogradit, afër 200 mijë robër. Për dy javë na sistemuan në Gjermani sipas profesionit, fesë, kombit, njohurive të përgjithshme dhe gjendjes psiko-fizike. Mua më sistemuan në një fabrikë qumështi në qytetin Krefeld afër Düsseldorfit.
Kësaj periudhe të erët iu shtua edhe periudha pas luftës së dytë ku intelegjenca u shua në forma të ndryshme. Fshatrat e brezit kufitar u internuan në Maqedoninë lindore, një pjesë u burgosën dhe me të dhjetëra të tjerë u vranë pa proçese gyqësore. Në fshatin tim u vranë tre fshatarë të pafajshëm nga policia kufitare dhe shërbimet e fshehta të UDB - së “gabimisht”. Dhe në çdo fshat tjetër nga dy e nga tre. Familjet që nuk u internuan u burgosën, burrat të cilët nga presionet psiqike (në burg) dhe kërcënimet për zhdukjen e familjeve u detyruan me dashje dhe padashje të bashkëpunojnë me sistemin, një pjesë e mirë e të cilëve me kalimin e kohës edhe u hyri në qejf bashkëpunimi. Me hapjen e kufirit shtetëror ishin të maltretuarit që të parët u shpërngulën në Amerikë dhe Europë. Kështu që sot janë boshatisur të gjithë fshatrat kufitare si: Spas, Ame, Krifcë, Banisht, Shullan, Jazulli, Kojnarë, Bomovë, Shushicë, Tarranik etj... Sot nga këto fshatra kanë mbetur me qindra tregime për proçeset gjyqësore të montuara.
Pra puna është mbi të gjitha… Jeta është komplekse dhe na mundojnë ligjet e saja. Unë shpesh dëshiroj të arrij më shumë se e konceptoj jetën por esapet s’më dalin dot. Sepse në të kam shumë episode të cilat kanë diç të veçantë në rrugë, familje dhe punë. Sot kur mundohem të evokoj kujtime vërrej se jeta më është ngatëruar, dhe më duket e gjatë sa tre shekuj, sepse në këto vende ka patur luftëra të vazhdushme por edhe gjatë kohës së paqës shqiptarët kanë qenë në luftë me



Bullgarët në Dibër s’kanë qenë të sigurt sepse grykën e Radikës dhe grykën e Drinit të zi shpeshherë e kanë kontrolluar forcat e Jusuf Ndreut - Xhelilit dhe Dan Camit e Hoxhë Muglicës. Kështu që bullgarët kanë krijuar të ashtuquajturën qeverinë e përkohshme të Dibrës me një komision të përzier, shqiptarë, sllav, turq dhe torbesh. Megjithatë para se të hynë forcat sërbo-franceze kanë lidhur për t’i pushkatuar 200 burra te zgjedhur të Dibrës. Por mekanizmin që e kanë pasur frikë, funksionoi. Jusuf Xhelili me Pop Maqellarën u dërgoi fjalë se nuk do të lëshon asnjë bullgar të gjallë nga gryka e Radikës dhe Drinit të zi në rast se ekzekutohen dibranët. Ndërsa periudhën e administrimit italian, Dibra e kujton me mall dhe nostalgji.
Dibra e Madhe siç i themi regjionit të Dibrës jashtë kufijve shtetëror, në periudhën e Italisë për radhë të parë në histori ka përjetuar një lulëzim kulturor, ekonomik dhe politik. Vështirë se do të këmi ndonjëherë ashtu lulëzimi. Edhe pse ka qenë periudhë lufte dhe mjaft e shkurtër ajo ka lënë kujtime të shumta në popull.
Plaku 93 vjeçar pasi shtërngon gishtat fuqishëm herë të njërës e herë të dorës tjetër sërish hudhet me bisedë në kujtimet e tij gjatë kohës kur ishte rob lufte, dhe pas orarit të punës flenim në baraka ushtarake nën mbikëqyrjen e disa pleqve rezervistë. Punonim 8 orë, ndërsa pasdite (në fillim me mbikëqyrje) shëtisnim nëpër qytet, merreshim me sport, mësonim gjermanisht nga fletushka e revista speciale për ne. Ushqimi në baraka vinte nga kuzhina ushtarake dhe nuk kishte ndryshim nga ushqimi i rekrutëve gjerman. Ndërsa ne muslimanëve na jepnin ushqim të veçantë dhe nuk na pengonin për namaz dhe Ramazan. Pas gjashtë muajsh na dhanë nga një kartolinë që të paraqitemi në shtëpi.
Pas një viti më transferuan në Düsseldorf në një repart të “Krup–it”, ku punoja në kaldajat qëndrore. Në vitin 1943 na dhanë të drejtë të pranojmë shtetësinë gjermane dhe të kalojmë në qytetarë të lirë gjerman. Dhe me këtë rast një numër i madh sllovenësh, kroatësh, hungarezësh dhe gjermanë nga Vojvodina u shtetëzuan.

Në fillim të vitit 1944 qeveria e Tiranës i kërkoi Gjermanisë t’i kthen shtetasit shqiptarë që gjinden në Gjermani si robër lufte jugosllav me pretekst që t’i angazhon në luftë me guerilën komuniste. Dhe më 20 maj kërkesa u aprovua dhe të gjithë shqiptarët të cilët ishin me prejardhje nga vendet nën administratën shqiptare u lëshuan në shtëpi me leje pushimi 30 ditë. Dhe pas kësaj të paraqiten në komandaqarkun për udhëzime të mëtutjeshme.
Të gjithë robërit nga Maqedonia Kah fundi i majit zbarkuam në Prizren nga një tren ushtarak, po atë ditë u nisëm për Tetovë nëpër Shar, prej ku të gjithë angazhuam karroca (taksi) dhe u shpërndamë nëpër qytete.
Në komandaqarkun e Dibrës nuk u paraqitëm ngase ato nuk e dinin ku e kishin kokën. Gjermanët ishin të demoralizuar nga lufta që po humbej, me të cilët komunikoja lirshëm dhe shpesh herë u shërbeja për përkthime të rëndësishme. Në fillim të shtatorit 1944 gjermanët tërhiqeshin për në veri. Ditën kur u nisën u përshëndetëm me oficerët që i njihja, njëri prej tyre më la një makinë shkrimi “Oliveti” dhe një pushkë të shkurtër italiane. Nuk më harrohen fjalët të një oficeri fisnik – “Sot e tutje do të jetoni me njerëz që s’dinë çka është WC”. E kishte fjalën për rusët.
Disa orë më vonë në qytet u fut pararoja e brigadës të shtatë sulmuese shqiptare. Në ballë të së cilës ishin të rinjtë dibranë nga Tirana. Flamurin e mbante Xheladin Krifca i cili më vonë u emërua ambasador në Kinë.
Këshillat nacionalçlirimtare i organizonte kryetari i këshillit të Dibrës, Aqif Lleshi, bashkëfshatar i imi, i cili nuk më mobilizoi për në front me pretekst se gjashtë vjet pa ndërprerje kam qënë ushtar dhe rob lufte. Por më propozoi dhe zgjodhi kryetar të këshillit nacionalçlirimtar për fshatrat Ame, Krifcë dhe Banisht.
Deri në fund të vitit 1945 brigadat shqiptare kontrollonin Dibrën dhe rrethin. Komandat brigade ishte Haxhi Lleshi, më të cilin ishim moshatarë dhe shokë klase në shkollën fillore sërbishte në vitet 1922-27. Kur ai mori urdhër të tërhiqet brenda kufijve të 1913 u duk qartë se bashkimi i trojeve shqiptare që aq shumë e kishin propaganduar komunistët ishte fars dhe se shqiptarëve të jasht Shqipërisë londineze u mbetej të mendojnë për një shansë tjetër historike.
Më 1951 Aqif Lleshi para se t’i rrethohet shtëpia ai i informuar prej dikujt kaloi përtej kufirit me afër tridhjetë anëtarë të familjes.

Po atë ditë në të gjithë Dibrën filluan internimet masive, arrestimet, bastisjet, por edhe ekzekutimet në brezin kufitar. Në Veles dhe Shtip u internuan rreth 60 familje, pronat e të cilëve iu bashkuan kooperativës me gjithë kafshë. Pleqtë, të sëmurët dhe shumë fëmijë vdiqën nga uria, ethet dhe tuberkulozi. Internimet zgjatën prej tre deri gjashtë vjet. Dibra në Veles dhe Shtip la shumë varre.
I ashtuquajturi revolucioni socialist në Dibër ka lënë plagë të pashërueshme më shumë se çdo qytet tjetër shqiptar.

Nga Dibra në gjermani kishte edhe robër të tjerë të luftës, shton Xha Mirto si: Nazif Mashkulli, Shefki Strikçani, Xhetan Kaja, Kareman Sela, Hisni Strikçani, Elmaz Duka, Hisni Markja, Kalosh Lleshi, Osman Shehu, Bajram Frangu, Aki Tollumi, etj. Shënimet tona nuk kanë të ndalur ata do ti mbeten historisë, Qëllimi i këtij shkrimi me rastin e trevjetorit të vdekjes së Mirto Qormemetit, ritushon që përmes robit të fundit të luftës së dytë botërore të prezentohet pjesërisht dhimba, dhe vuajtjet e popullit të këtij nënqielli.

Arbana Qormemeti
SHQIPmedia

[arjeta3]

Krenohem qe jam mbesa e tij.
R.I.P
arjeta

[naqeta]

Patriot e atdhetar kurr sdo vdesin, sepse puna kurreshtja per atdhe i ka bere te ndihen pran bashkombasve te gjalle dhe te pavdekshum .

Lavdi per krenarin Atdhetaret.

Prehu ne paqe i dashur b...... !

[M_u_Z_a]

Mora kenaqesi te nje lloji te vecante prej ketij shkrimi.
Zakonisht, vetem kur na kercenohet liria dhe integriteti kujtohemi per figurat e shquara te kombit.
Por, nuk duhen harruar, madje duhen prezantuar tek brezi me i ri per tu percjelle mesazhin:
"Jemi ketu jo rastesisht por ne saje te perpjekjeve dhe luftes se paraardhesve tane. Jemi ketu mbi themelet e ngritura prej tyre".

Biligoa, Arjeta, i nderuar qofte perhere patrioti dhe shqiptari(babai dhe gjyshi juaj), Mirto Qormemeti!

[dibrani2006]

Do te thosha se ky shkrim dhe kjo histori e Mirto Qormemetit eshte diçka e veçante per Dibranet dhe per mbare kombin tone Shqiptar.

Edhe se kam pas fatin kur isha femije ta njoh dhe te di per mixhen Mirton nga Baballaret tane, qe na tregojshin çdo here per historine e heronjeve Dibran.
Qofte dheu i lehte, per keta heroj dhe trima Shqipetar.

Me respekte Biligoa,Arjeta dhe Naqeta

[kepi]

Kjo vlen vetëm për Arietën -hahahahahahaaa .

Lavdi per krenarin Atdhetaret.

Prehu ne paqe i nderuar Mixha Mirto ![/QUOTE]


Edhe këta njerëz i njohi .

Në të djathtë Rametliu Mixha Mirto ,ngjit me te Xhepi ,mandej më i madhi Reshati ,ajo gruaja - nëna e këtyre ( tezja ime ) edhe në fund fare ajo vajza e vogël ( që ka dalë gati si për gjysëm ) Vebia .

[arjeta3]

flm kepi, dolem kusherinj tani?? gezohem qe u njohem ne forum haahaaaaaaaaa

[Çaushi]

Të shkruash për të sështë e lehtë sepse sdi çtë kapësh më parë: fisnikërinë, trimërinë, talentin, këmbënguljen, vullnetin apo dashurinë për kombin.

Biligoa!
Per NJEREZ te tille ka gjithmone cka te shkruhet e thuhet ....gjithcka cka shkruhet,per te tille Njerz si Xha Mirtoja, eshte pak, per te gjitha te bemat e atyre Shqiptareve qe synim brenda shpirtit dhe gjakut te tyre kishin vetem atdhedashurine, perjetimet,vuajtjet,sakrifica dhe puna e tyre Kombetare. ishin jane dhe do te mbeten per Ne pasardhesit e tyre ,motivi me i forte se si luftohet dhe vdiset per Atdhe.
Perjetova caste te ndjeshme ne pershkrimin tuaj per kete Burre Shqiptar.
Faleminderit Biligoa,qe sjell shkrime per ata qe deshen ta shofim Shqiperin NJE dhe te Vetme,ETNIKE!
Lavdi vepres se Xha Mirto Qormemetit.

Me respekt
Çaushi

[kepi]

Epo jeta është e tillë , Ai apo Ajo që lindën një ditë edhe do të vdes ( se ashtu është regulluar kjo botë ) ,por pyetja është se çka vdes prej atij individi vetëm qenia e tij biologjike apo edhe vlera e tij-saj njerzore .

Mixha Mirto të prehet në paqë atje ku është ,dhe fëmijtë e tij duhet të mburën dhe të jenë krenarë me veprën e tij që kurë nuk iu përual atij sistemi xhelat që na silleshte mbi koka si shpatë demokleu 24 orë resht e shtatë ditë të javës pa ndalë .

Të gjithë Atdhetarët e moshës së Mixhës Mirto ( por sidomos na që kemi jetur mu në vijën kufitare me shtetin Shqiptar - fashtrat që janë përmendur në biogrfinë e tij ) kemi kaluar po të thuash nëpër të njetat peripeti të jetës ,kush më shum e kush më pak ,e shum disa edhe e paguan me kokë e që ende as sot nuk iu dihen varet përgjat brezit kufitar në të dy anët .

Me familjen e Mixhës Mirto njehemi mirë se më fëmijtë e tij jemi nipër e mbesa në një fis -me një fjalë i jemi kushëri .
Jeta dhe vepra e Mixhës Mirto ,mund të përshkruhet me një fjali popullore :-
'' bukë e krypë e faqe bardhë '' .
Me vajzën e tij më të voglën -Vebijen kemi një datëlindje dhe mrenda një ore bile ,kemi qenur në shkollë sëbashku dhe me një klasë deri sa mbaruam gjimnazin .
E cila vajzë, Vebija pra ,pas demostartave të 1981-shit në Prishtinë ,pati bukur probleme me jetën e saj nga ai sitem idiot dhe idiotët që e drejtonin ate sistem .

Djemtë të gjithë të shkolluar në fakulltete të mira ( inxhinjera të teknologjisë ) dhe me suksese shembullore ,sidomos Rexhepi i cili edhe e mbaroi si tetvjeçaren si fakulltetin para afatit të viteve shkollore të regullta me nga një e dy vite më herët ,por shkaku i krenarisë dhe veprimtarisë së prindit të tyre kurnjëherë nuk u punësuan në punë shoqërore-shtetërore të atij shteti idiot që deshte njerzit e dijshëm të jenë kukulla ( mupet show ) në dorë tëtyre .


Një përjetim individual nga vlerat e mixhës Mirto që ka trashëguar tek të bijtë dhe bijat e tij - respekti dhe therorizimi për miqë e dashamirë.
Ishim në Kosovë në shkollë atë kohë , unë në fakulltet viti i parë e Reshati në shkollë të mesme Maturant atë vitë .
Mbasi unë isha shum vonë ,dhe nuk munda të sistemohem me banim në internat e as në banesa private ,se andej nga kërkonim banesa thuajese të gjitha të zanura ,mbeta rugëve përkohësisht .
Atë mbrëmje takohem me Reshatin dhe në bisedë e sipër del biseda te puna e banes.
Më pyet nëse gjeta banesë ? ia kthej që jo.Kërkova andej e këndej por kurgjë hiç.

Më thotë mos u mërzit ,vjen e banon tek unë në internat-konvikt si ilegal .
I them punë që s'bëhet, ti je maturant të duhet kohë dhe qetsi për tu përgaditur e mbi të gjitha provimet e maturës ,e me më gjetur edukatorët aty ,të nxjerin edhe ty nga internati e mbetën rrugëve .
Ai ishte në shkollë të mesme ,kështuqë ata kishi kontrolle të repta në internat për ditë e për natë nga edukatorët ,sikur në ushtri .
Vlen për të përmendur ,se kam pasur të afërm të tjerë edhe më të afërm se Reshati në ate qytet dhe internat-konvikt,por kurnjeni nuk pati guxim që ti sfidon rregullat e internatit dhe kontrollet e edukatorëve .

Reshati këmbënguli ,dhe ashtu u vendos .
Ndejta-banova tek Rexhati mbi një muaj ilegal ( me gjithë ate kontrollë të reptë të edukatorëve ) dhe mbi të gjitha shkosha me Reshatin dhe haja në menzë tre haje sikur me qenur banor i regullt i konviktit .

Për fat ,atë kohë dikush nga studentët u largua nga internati dhe unë aplikova për banesë në internat .
Pata fat dhe më dhanë të drejtë banese , pak edhe nga mirkuptimi i edukatorëve dhe udhëheqjes së internatit duke patur parasysh respektin e tyre për dibranët por edhe si ndihmë e tyre ndaj nesh jashtë Kosovës. Me këtë rast i falemderoj edhe ata.



Por tani më ,unë banoja në pjesën e internatit të studentëve dhe ne hanim mbasi mbaronin këta të shkollës së mesme .
Ishte një edukator dhe pedagog shum i mirë - Xhaferi .Xhafa e thirnin nxënësit e shkollës së mesme .
Reshati një ditë ,në menzë më pret aty në tavolinë për të biseduar .
Kur ja ne duke biseduar me Reshatin ,vjen ky edukatori Xhafa dhe më thot:-

Dibran, çka u bë që nuk vjen më me Reshatin sëbashku në menxë për ushqim.Jeni idhëruar për diçka ?!
Për tu tallur , duke u qeshur i them :- jo jo asnjera e as tjetra ,por Reshati është më i vogël se unë dhe e lë të vjen më përpara të han .
Ai hapi sytë dhe më sheh duke më pyetur :-
Prej kur qenka mbetur Reshati më i vogël për ty ?
I them ,prej ditës që mora dhomë në këtë konvikt -para nja një jave ,hhahhahaha .
Ai pak sa i xhindosur e pak sa i inatosur ma kthen :-
Ty ,Ty, Ty dibran ,për kaq kohë paske qenur ilegal tek Reshati e na ( pesë edukator e drejtoriati plus ) nuk e paskemi kuptuar kët hile .

I them , po ,është më se e vërtetë ,kaq kohë kam qenur ilegal tek Reshati .
Por për tia zbutur pak zemrimin ( se vërtet ishte burrë shum mirë ) i them:-
unë dhe Reshati kemi pas menduar që ju e dini këtë gjë ,por keni mbyllur njerin sy dhe njerin vesh puna e ndihmës dhe respektit që keni për dibranët.
Na e kthen , a jo-jo . Asnjëri nga ne nuk e kemi ditur këtë .
I them, zotni ,e kuptoj reagim tënd ,se duhet të mbulosh diellin me shoshë ( puna e punës me demek i them ) ,për këte ju faleminderit shum .
Na e kthen , ah ,jo-jo ,por dieni mirë një gjë , se për kaq vite që punoj si edukator ,nuk ka mundur kush të ma hedhën mu ,sikur ju të dytë .Vërtë paskeniqenur Dibran .
Duhet falamderuar edhe edukatorin Xhafer në këtë rast që nuk mori masa ndëshkimore ndaj Reshatit atë kohë .Se të kishte qenur ndonjë edukator tjetër idiot ,sigurisht Reshati kishte mbetur rrugëve - pa benesë në ditët kur i duheshte më së shumti përkushtimi,qetësia dhe banesa.

Me këtë desha me thënë se djali i Mixhës Mirto , ai i rezikoi vetën ( qetësinë dhe banesën ) për me më rahatuar mua përkohësisht me qëndrim .

Me këtë rast e përshëndesi të gjithë fëmijtë e Mixhës Mirto ,por sidomos Reshatin , Vebijen dhe Rexhepin .
Rametliu qoftë i Xhenetit .

[biligoa]

..........